Suosittuja jakeita Raamatun kirjasta Koroŋ Ta Boozomen Un 6

Jaa

Tana ni leleene ipata kat pizin tomtom ta itunu iur zin su toono na mi ipeles pizin.

Merere ire mbulu kizin tomtom ta timbot su toono na, isaana ma isaana kat, mi tikamam ŋgar mi lelen iurur pa mbulu sananŋana totomen.

Tamen Noa na, Merere leleene ambai pini, mi ikampewe i.

Iŋgi Noa ziŋan popoŋana kini mbol kizin. Noa ipeebe pikin tomooto tel, zan Sem, Ham, mi Yapet. Mi Noa, ni le sosor sa som. Ni itutamen ta tomtom ndeeŋeŋana imbot la wal ta boozomen lelen. Mi ileŋleŋ la Anutu kalŋaana mi ziru tiwwa.

To iso: “Aiss, toŋgo, iŋgi ko aŋpambiriizi zin wal ta boozomen ramaki zin mbili mi man mi koroŋ boozomen ta tikarra pa toono i ma tila len lup. Ŋonoono, nio ituŋ aŋur zin. Tamen mbulu kizin sananŋana ta ikam yo ma aŋpeles kat pizin.”

Indeeŋe tana zin tomtom timasak ma tiwe boozo kek. Mi Anutu lutuunu bizin tire zin tomtom lutun moori bizin ruŋgun ambaimbaiŋan, tona tikam zin mi tiwoolo zin. To tipeebe. Takenata zin tomtom us ta mburanŋan mi zanŋan mi malmalŋan na, tipet ma timbot su toono. Tona Merere iso: “Zin tomtom na, toono kan men. Tana ko bubuŋoŋ imbot raama zin ma alok na som. Kozo ko timbot irao ndaama tomto lamata mi ta (120) men, mana swon imap.”

Anutu iso sua tana ma imap, tona Noa ila ma ikam ka uraata. Ito Anutu sua kini ta boozomen.

To Anutu iso pa Noa: “Toono ipen pa mbulu ki malmal. Tana nio leleŋ iur kek be aŋpasaana zin tomtom ramaki koroŋ boozomen ta timbotmbot toono na.

Tana maŋga be po lem wooŋgo sa. Re ke mbolŋan, to taara mi sap be po wooŋgo pa. Mi sombe po wooŋgo, na didi wooŋgo leleene be iwe boozo mi ŋgal zim pa leleene mi pa mat tomini. Naso imbol kat.

Indeeŋe tana Anutu ire mbulu sananŋana kat ilol toono ma imap. Pa malmal imbot pa lele ta boozomen. Tana Anutu ire toono isaana kek. Pa tomtom timap ma tikamam mbulu sananŋana men.

Mi yo zin mbili, man, mi koroŋ matakiŋa ta tikarra pa toono i tomini, ruŋaruŋa, tomooto mi paŋgaara, mi kamap ma kelela wooŋgo leleene. Naso zin tomini timbot ambai.