Suosittuja jakeita Raamatun kirjasta Matiyu 5

Jaa

Uma a ci ɗika kasasu ka̱ta̱ a̱ kimba̱ kutashi ba. Amma a tsu zuwa ta̱ ku ɗa gaɗi vi kirikpa, adama a na kutashi ka ka akana uma a kpaꞋa ubuta̱ ra̱ka̱. Ta feu nannai, ka̱ta̱ yo okpo an kutashi a̱ ubuta̱ u uma. Yongoi mayin adama a na uma e ene ulinga u singai u ɗa̱, ka̱ta̱ a cikpa Esheku a̱ ɗa̱ a na i gaɗi.”

“A̱ɗa̱ ɗa kutashi ku na ku kakana a aduniyan. Likuci i na baci yi gaɗi vu kaginda i ci yaꞋan usokongi ba.

Ka̱shile ka zuwaka aza a na a̱ɗu e le i ciɗa una̱singai, adama a na i ta̱ e kene Ka̱shile.

Ka̱shile ka zuwaka aza a na a ci ciga ili i na Ka̱shile ki a kuciga una̱singai tsu na kpamu i a kuciga tsuwaꞋa m mini, adama a na Ka̱shile ki ta̱ e kuneke le ucuwi.

Amma n dana ɗa̱ ta̱, cigai irala i ɗa̱, ka̱ta̱ i yaꞋanka aza a na i a kutakacika ɗa̱ avasa.

“Ka̱shile ka zuwaka aza a na e yevei katsura ke le ki ta̱ u Vuzavaguɗu koci una̱singai. Tsugono tsu Ka̱shile ci le tsu ɗa!

Ka̱shile ka zuwaka aza a na i kuyaꞋan ulinga adama a̱ ma̱ta̱na̱ una̱singai, adama a na Ka̱shile ki ta̱ e kuɗeke le muku n ni.

Ka̱shile ka zuwaka aza a na i a̱ ma̱shi una̱singai, adama a na Ka̱shile ki ta̱ e kuneke le uremi u ka̱ɗu.

Ka̱shile ka zuwaka aza a na i o kusoꞋo atakaci una̱singai, adama a na i a kuyaꞋan ili i na Ka̱shile ka cigai adama a na tsugono tsu Ka̱shile ci le tsu ɗa.

Ka̱shile ka zuwaka aza a na a tsu pana asuvayali a aza o yoku una̱singai, adama a na Ka̱shile ki ta̱ feu a kupana asuvayali e le.

Ka̱shile ki ta̱ a kuzuwaka ɗa̱ una̱singai, uma a shika ɗa baci. Ka̱shile ki ta̱ a kuzuwaka ɗa̱ una̱singai, uma a yaꞋanka ɗa̱ baci kawuya adama a̱ va̱. Ka̱shile ki ta̱ a kuzuwaka ɗa̱ una̱singai, uma a yaꞋanka ɗa̱ baci icuꞋu ya aꞋuwa kakau adama a̱ va̱. Uma i ta̱ a kuyaꞋanka ɗa̱ kawuya uteku u na a yaꞋankai eneki a cau. YaꞋin ma̱za̱nga̱ n a̱bunda̱i, adama a na yi ta̱ n katsupu ka gbayin a kuvana ɗa̱ gaɗi.”

Ka̱shile ka zuwaka aza a na a ɗikai ka̱ci ke le ili i yoku ba una̱singai, adama a na i ta̱ a̱ kuciya̱ ili ya aduniyan i na Ka̱shile ka yaꞋin uzuwakpani.

Yesu u lyaꞋi kelime ɗa u danai, “A̱ɗa̱ ɗa mkpaɗi ma aduniyan. Amma te ɗai ugaꞋin wu mkpaɗi, n ɗa n namba baci uyoꞋo u ni? Vi ta̱ a kufuɗa va lapula n ɗa kpamu? I ta̱ a̱ kuva̱ma̱ n ɗa ka̱ta̱ a dasasa n ɗa, adama a na m buwa n ugaꞋin ba.

Adama a nannai, sai yo okpo aza a̱ ma̱riki derere uteku u na Esheku a̱ ɗa̱ a na i gaɗi i.”

Vi yaꞋan baci uzuwakpani, dana ‘E’ ko ‘A̱Ꞌa̱’ koci. Vu dana baci ili i na i lazai nannai, i ɗa yu uta̱ ta̱ a̱ ubuta̱ u Kalijani.”

Yesu u lyaꞋi kelime ɗa u danai, “I pana ta̱ Wila̱ u Musa u danai, ‘Vuza na baci u foroi toku a̱ ka̱shi ko a kanga, to, sai u tsupa n ka̱shi ko n kanga ka̱ ni.’ Amma n dana ɗa̱ ta̱: Ka̱ta̱ vu tsupa vuza na u yaꞋankai nu kawuya n kawuya ba. Vuza na baci u ɓasai nu a maguji mu usingai, kpatalakai ni mu ugula̱ ma feu u ɓasa.

Ka̱shi ku usingai ka̱ nu ka zuwa wu baci kuyaꞋan unushi, kongoro kaꞋa ka̱ta̱ vu vakangu. U laꞋa ta̱ n kugaꞋan vu namba kapashi ko yoku ki ikyamba ka̱ nu, a na ikyamba i nu ra̱ka̱ ya uwa a kpaꞋa ka akina.† Kukiye ku usingai ku nu ku zuwa wu baci kuyaꞋan unushi, gbatya ku ɗa, ka̱ta̱ vu vakangu! U laꞋa ta̱ n kugaꞋan vu namba kapashi ko yoku ki ikyamba ka̱ nu, a na ikyamba i nu ra̱ka̱ ya uwa a kpaꞋa ka akina.”