1
Mateu 5:15-16
Ibibiliya mu Shimakonde Imbodi Yaambi na dimbande dya Imbodi Yakala
Namomo hapali ánakaledya itaa kuvika nshilongo ila vavika pashinu pakwaneka pakulota ivamulikile vanu uti vapagwíte nng'ande amo. Nadoni inimmaikila lilangadyo lyenu limulike pakati pavanu pakulota vone matendo enu ashalowa na vamupe lishangelo Tatagwenu ávele kuwa.
Vertaa
Tutki Mateu 5:15-16
2
Mateu 5:14
Mwenu ni lilangadyo lyamushilambo na njini uvéle pashanya lishinga, haunapiika.
Tutki Mateu 5:14
3
Mateu 5:8
Vandyalaligwa avalá vavénavo mitima víkave ushapu, mwaa Nnungu, vanavo vandamwona.
Tutki Mateu 5:8
4
Mateu 5:6
Vandyalaligwa avalá vavénavo indala na inyota yaishaliya, mwaa vanavo vandaikuta.
Tutki Mateu 5:6
5
Mateu 5:44
Napane nangu jo ninkumwaulila doni, vanagwaledye vamongo venu na vashwalidye avalá vampapáta
Tutki Mateu 5:44
6
Mateu 5:3
“Vandyalaligwa avalá vamashikini mwimumu, mwaa vanavo utawala wakuwa wàve.
Tutki Mateu 5:3
7
Mateu 5:9
Vandyalaligwa avalá vatandédya amani, mwaa vanavo vandashamegwa vana vake Nnungu.
Tutki Mateu 5:9
8
Mateu 5:4
Vandyalaligwa avalá valíla, mwaa vanavo vandapambadyangigwa.
Tutki Mateu 5:4
9
Mateu 5:10
Vandyalaligwa avalá vapapatígwa kwamwaa waishaliya, mwaa vanavo utawala wakuwa wàve.
Tutki Mateu 5:10
10
Mateu 5:7
Vandyalaligwa avalá vavénavo shididi, mwaa vanavo vandaanangiligwa shididi.
Tutki Mateu 5:7
11
Mateu 5:11-12
“Mundyalaligwa mwenu pavantukananga, pavampapata, pavantangalela vinu uti vyakunyata, vanambilila kwamwaa wangu nangu. Litamange na puwangila mwaa inudyo yenu kuwa ko ing'umene. Amo nimomo mwavavatandalele vakulava mwenu mukanava.
Tutki Mateu 5:11-12
12
Mateu 5:5
Vandyalaligwa avalá valishapéya, mwaa vanavo vandapata shilambo kuva shave.
Tutki Mateu 5:5
13
Mateu 5:13
“Mwenu ni munyu wamushilambo, napane munyu ukadalala ulota kunogwa dashi kavili? Wanavo haunavanavo kavili madengo ila pavanajaa vanu ni kuluvatanga tu.
Tutki Mateu 5:13
14
Mateu 5:48
Napavedoni mwenu inimmaikila muve mmanu mmashalowa-uti kenga Tatagwenu wakuwa, nae washalowa-uti.
Tutki Mateu 5:48
15
Mateu 5:37
Mwenu mukashidoni, ‘Elo’ ive mwiu elo, mukashidoni ‘Mene’ ive mwiu mene. Shinji shakupunda apo, shinkwalakela kumwe aijá nkalau.
Tutki Mateu 5:37
16
Mateu 5:38-39
“Mwenu mundigwa ashilá shavatangwele doni, ‘Átumbula liu nanae vantumbule. Átema lino nanae vanteme.’ Napane nangu jo ninkumwaulila doni, hamunammikile makukulu nkalau. Woewoe ákukoma lilatuma kunkanakono, nshiliulile kunshanda.
Tutki Mateu 5:38-39
17
Mateu 5:29-30
Ikava kenga liu lyako lyakunkanakono linkukutadya utege, usha ujae kushu ko. Kudyanga ikwove imbandi imo yamili wako kuliko mili wako uti wakulinganana kujela kushena. Ikava kenga nkanakono wako ukakutadya kutega, lumula ujae kushu ko. Kudyanga ikwove imbandi imo yamili wako kuliko mili wako uti wakulinganana kujela kushena.
Tutki Mateu 5:29-30
Koti
Raamattu
Suunnitelmat
Videot