Suosittuja jakeita Raamatun kirjasta Marcos 2

Jaa

Su mapaliman haena hi Jesus uminikagi, “Sa harì agkadaluwan harì daan tagpabulung, ba sa agkadaluwan tagkinahanglan hu mamumulung. Sa pagdini ku kenà para hu mga matareng en ba sa tuyù ku iyan sa mga makasasalà.”

Su matun-an hi Jesus ha adagi gayed sa pagsalig dan inikagiyan din su agkadaluwan, “Napasaylu en sa mga salà nu.”

Dayun inikagiyan sidan hi Jesus, “Mahinengdanen gayed sa etaw dì hu Kasuguan ta sa Aldaw hu Paghimlay intagana hu Dios ha makapaayad hu etaw.

Harì sidan pakaubay diyà ki Jesus ta madakel tungkay sa mga etaw aman namanahik sidan diyà ta atep daw pusuwi sa tenged hi Jesus, dayun hinawil dan duun su agkadaluwan ha taghidegaay duun hu banig.

Ba iman igpaahà ku inyu ha siak sa Batà hu Etaw amin ku kagahem dini ta kalibutan hu pagpasaylu hu mga salà.” Aman inikagiyan din su etaw ha minatay en sa dibaluy ha lawa din, “Bangun kad, luluna su banig nu daw ulì kad en.”

Inu diay sa malumu ha ikagiyen duun taini ha agkadaluwan? Iyan ba sa, ‘Napasaylu en sa mga salà nu’ daw ku iyan ba sa, ‘Bangun kad, luluna sa banig nu daw hipanaw kad en’?

Sagunà haena minangun daw uwita su banig din dayun awà diyà ta kandan. Sa alan ha mga etaw nangabeleng daw dinayè dan daan sa Dios hu kagi, “Hurà kuy pa gayed makaahà hu agkailing taini.”