Suosittuja jakeita Raamatun kirjasta Marcos 14

Jaa

Su makadiyà en si Jesus ta unahan luminuhud daw dunghuy diyà ta bugtà daw mig-ampù ha tagyanaen, “Amay ku, agkahimu nu sa alan. Ku mabaluy ngaay harì a ikaw ipaagi duun taini ha mga alantusen. Ba iyan sa ikaw ha pagbayà matuman kenà iyan sa kanak.”

Magbantay kaw gayed daw mag-ampù ta daw harì kaw madaeg hu panulay. Agkabayà ngaay sa henà-henà nuy ba maluya kaw.”

Laus gayed sa ag-ikagiyen ku inyu ha bisan hindu asem duun isangyaw sa Maayad ha Tultulanen dini ta tibuuk ha kalibutan, sa binuhat taini ha bahi harì gayed malipatan daw itultul daan.”

aman inikagiyan din sidan, “Miglabay gayed kasakit sa gahinawa ku ha bà su agkabugtù en. Dini kaw dà daw magbantay kaw.”

Su kamulu pa sidan tagkaen tuminimù si Jesus hu supas daw ampui din. Dayun pinangebing din haena daw ipan-ila duun hu mga tinun-an din ha tagyanaen, “Timua nuy haini ta iyan en haini lawa ku.”

Dayun tinimù din sa tasa daw ampui daan haena. In-ila din kandan daw alan sidan umininum duun. Inikagiyan sidan hi Jesus, “Iyan en haini langesa ku ha igpamalas hu mga salà hu kaet-etawan ha iyan timaan hu bag-u ha kasabutan hu Dios daw hu kaet-etawan.

Inikagiyan hi Jesus su mga tinun-an din, “Alan kaw gayed sumuway kanak ta sa insulat ha lalang hu Dios tagyanaen, ‘Aghimatayan ku sa magbalantay daw makagsusuwayà sa mga karniru.’

Bangun kaw ta aghipanaw kuy en. Ahaa nuy, taini en sa etaw ha taglimbung kanak.”

Ba inikagiyan hi Jesus, “Laus gayed sa ag-ikagiyen ku ikaw ha taini ha daleman, harì pa managauk sa manuk hu kadaruwa, katatulu kad en makaikagi ha harì a ikaw agkakilala.”