“Ikuᵽaka judíotatarãre yiroꞌsi mija bojaᵽe: ‘Ĩꞌrãkurimarĩa yibojaika ãꞌmitirikoꞌomakaja, samija õrĩᵽũawãrũbesarãñu. Yibaaroyika ĩakoꞌomakaja, “Iꞌsuᵽaka Tuᵽarãre baayu”, mija ãrĩwãrũbesarãñu’ ”.
Ikuᵽaka aᵽea Tuᵽarãre ãrĩka Isaíare: “Yirika yiꞌririyaᵽabeyurã imarĩ, sõrĩᵽũabeyurã nime. Suᵽa imarĩ naꞌmukoᵽea natãteyu. Suᵽabaatirã naᵽĩꞌᵽiyu, ĩakoreka. Yirika nayiꞌriyaᵽarikareka, nare ñañua, nare yibojaikaoka norĩᵽũajããeka. Baꞌiaja nabaaika najaꞌatarikareka, nare yitããjããeka”, Tuᵽarãre ãrĩka Isaíare.