Suosittuja jakeita Raamatun kirjasta JOHN 13

Jaa

Bee haz'áanii ániidíii nihaa dinish'aahgo ánihidishní, Ayóó'áda'ahíínóh'níi dooleeł; t'áá ayóó'ádanihíínísh'ní yę́ęgi át'éego, nihí ałdó' ayóó'áda'ahíínóh'ní. Ayóó'áda'ahíínóh'níigo shídahooł'aahii danohłį́įgo diné t'áá ałtso bił béédahózin doo.

Áko shí nihiBóhólníihii áádóó nihiNa'nitiní nishłį́įgo, nihikee' táádaségizgo, nihí ałdó' nihikee' ahá táádaahgis dooleeł. Háálá bik'ehgo dooleełígíí nihinááł áshłaa, nihá ásdzaaígíí nihí ałdó' t'áá éí bik'ehgóó ádaaht'į́į dooleeł.

Jesus áhodííniid, Baa naasháhígíí k'ad doo nił bééhózin da, nidi át'ah índa nił bééhodoozįįł.

T'áá aaníí, t'áá aaníígóó ánihidishní, Naalte' éí binanit'a'í doo yiláahgo át'ée da; bi'deel'a'ígíí nidi biníł'a'ii doo yiláahgo át'ée da.

Díidí nihił béédahózin ládą́ą́', baa naahkaigo nihił dahózhǫ́ǫ doo.

Áko ajííyą́ą́'dóó nízhdii'na'go, ha'éé' akáa'giígíí hazhdii'nilii', bee ádít'oodí nízhdiiłtsoozgo éí bee áká dzíszas. Ákohgo bii' tá'ádígisí tó biih dzííziidgo, hódahooł'aahii bikee' táádabiz'niigiz, áádóó bee ádít'oodí bee áká dzíszaazii bee bikee' bá dajíít'óód.