Agta New Tetament

<div class="version vid4102 iso6393apf" data-vid="4102" data-iso6393="apf">
 <div class="book bkMAT">
 <div class="chapter ch21" data-usfm="MAT.21">
 <div class="label">21</div><div class="s">U Matagumpay a Kas&#225;ddap ti Jerusalem</div><div class="r">(Markos 11:1-11; Lukas 19:28-40; Juan 12:12-19)</div><div class="p"> 1Nadid nikuna adeni d&#225;n ti Jesus sakay u disepulus na hide ti Jerusalem ay umimang hide ti Betfage, tu Buked nu Olibo hide. Pinadipalongo ni Jesus u duwwa a disepulus. 2Kinagi na nide, &#8220;Angay kam tu sumunud a banuwan. Metan moy hod u essa a inahin a asno a nakaegut, kaguman u bul-o na. Lukas&#225;n moy sakay iyangay moy he. 3Ni te magtanong nikam, kagiyan moy la a kailangan nu Panginoon me. Sakay pagdaka na itod a ipatawed nikam.&#8221; 4Nangyari iye t&#225;nni matupad u kinagi nu propeta tu itod:</div><div class="q1"> 5&#8220;Kagiy&#225;n moy tu taga banuwan nu Sion, &#8216;Ilengan moy, padem&#225;t d&#225;n u hare moy. Siya ay mapagpakumbaba; nakasakay la tu essa a bul-o nu asno.&#8217; &#8221;</div><div class="p"> 6Immangay ngane u duwwa a disepulus sakay ginimet u inyutos ni Jesus. 7Inyangay de u inahin a asno sakay u bul-o ni Jesus. Sakay insapin de tu adag nu asno hide u alik&#225;b-k&#225;b de sakay simmakay ti Jesus. 8Bilang paggalang ay makpal a naglatag tu alik&#225;b-kab de tu dilan; u agum be ay nangk&#225;ttol hide ti babbadit a pinget nu kayo sakay inlatag di be tu dilan. 9Nagpakhaw u tolay hide tu dipalongo sakay u umunonod nikuna: &#8220;Puriyan u Anak ni David! Pagpala&#225;n u dumem&#225;t bilang tagap&#225;gserbi nu Panginoon! Puriyan u Diyos!&#8221;</div><div class="p"> 10K&#225;ss&#225;ddap ni Jesus ti Jerusalem, nagulo u buo a banuwan. &#8220;Deya w&#225;d iye?&#8221; nam&#225;gtanungan hide. 11&#8220;Ti Jesus, u propeta a taga Nazaret a Galilea,&#8221; t&#225;bbeg be nu kakpalan.</div><div class="s">Nilinis u Templo</div><div class="r">(Markos 11:15-19; Lukas 19:45-48; Juan 2:13-22)</div><div class="p"> 12Sakay simm&#225;ddap ti Jesus tu templo. Pinaluwas na u naglako hide sakay u namali hod. Impasakab na u lamesaan hide nu tagapalit ti pilak sakay u pagetnudan nu naglako hide ti kalapate. 13Kinagi na, &#8220;Nesulat tu Kasulatan:</div><div class="q1">U bilay nu Diyos ay madulaw a lugar nu p&#225;gdasalan. Pero ginimet moy a lugar nu m&#225;gtakaw hide.&#8221;</div><div class="p"> 14Te buh&#225;k sakay pilay hide a inyangay de ni Jesus tu templo sakay pinagpiyya na hide. 15Naiyamut u pupuno hide nu saserdote hide sakay u maisto hide nu Kautusan ni Moises nikuna netan de u kababalaghan a ginimet na, sakay u anak hide a magp&#225;khaw tu disalad nu templo, &#8220;Pagpala&#225;n nu Diyos u Anak ni David!&#8221; 16Sakay tinanong de ti Jesus, &#8220;Nasaneg mo beman u kagiyan de?&#8221; &#8220;Nasaneg ko,&#8221; t&#225;bbeg ni Jesus. &#8220;Awan moy beman nabasa u nesulat tu Kasulatan &#8216;Tinolduwan mo u anak hide sakay u sumuso palla hide a magpuri niko.&#8217; &#8221; 17Hinumektat ti Jesus tu banuwan sakay nanamo ti Betania. Hod siya a nagpalipas ti gibi.</div><div class="s">Binusung u Kayo nu Igos</div><div class="r">(Markos 11:12-14, 20-24)</div><div class="p"> 18Tu dimadimang, nikuna a pasoli ti Jesus tu banuwan ay nagal&#225;p siya. 19Netan na u essa a kayo nu igos tu degdig nu dilan sakay inadeniyan na iye. Pero awan siya ti netan a bunga ni awan u duuduun na la. Kaya kinagi na tu kayo nu igos, &#8220;Awan ka d&#225;n magbunga magpakahanggan!&#8221; Sakay pagdaka a nalan&#225;s iye. 20Nikuna netan iye nu disepulus na hide ay naluktut hide. &#8220;Kodya a nalan&#225;s a pagdaka u kayo nu igos?&#8221; tanong de. 21Timm&#225;bbeg ti Jesus, &#8220;Pakatandaan moy iye: ni te p&#225;nnampalataya kam tu Diyos sakay awan kam magalinlangan ay magimet moy be u ginimet ko tu kayo nu igos a iye. Bak&#225;n la a iye u magimet moy! Ni kagiyan moy tu buked a iye, &#8216;Lumakad ka hina; lumukso ka tu diget,&#8217; ay mangyari u kinagi moy. 22Sakay anya man u agidan moy tu panalangin ay maalap moy, ni naniwala kam.&#8221;</div><div class="s">Pagalinlangan tu Kapanyariyan ni Jesus</div><div class="r">(Markos 11:27-33; Lukas 20:1-8)</div><div class="p"> 23Nadid simm&#225;dap d&#225;mman ti Jesus tu templo. Alay na a nagtoldo, immadeni nikuna u pupuno nu saserdote hide sakay u pinuno nu banuwan sakay tinanong di siya, &#8220;Anya u karapatan mo a maggimet ti hide iye a bagay? Deya u nangatad niko ti kapangyariyan?&#8221; 24Timm&#225;bbeg ti Jesus, &#8220;Tanong&#225;n takam be. Ni t&#225;bbeg&#225;nn&#225;k moy ay kagiyan ko be nikam ni deya u nangat&#225;d nik&#225;n ti kapangyariyan a maggimet ti iye hide a bagay. 25Deya u nangat&#225;d ti kapangyariyan ni Juan para magbawtismo, u Diyos beman oni u tolay?&#8221; Sakay nam&#225;gguhon hide &#8220;Ni kagiyan tam a g&#225;bwat tu Diyos, ay kagiyan na bi nikitam, &#8216;Bakin awan moy siya pinaniwalaan?&#8217; 26Pero ni kagiyan tam be a g&#225;bwat tu tolay, makay be ni anya u gimetan nikitam nu totolay tu banuwan. Dipo tenggiyan de a ti Juan ay essa a propeta.&#8221; 27Kaya tin&#225;bbeg de ti Jesus, &#8220;Awan mi tukoy!&#8221; Kinagi be ni Jesus, &#8220;Ni konna hod ay awan ko be t&#225;bbegan u tanong moy.&#8221;</div><div class="s">U Talinghaga Tungkol tu Duwwa a Anak</div><div class="p"> 28Nadid kinagi ni Jesus &#8220;Anya u palagay moy he? Te essa a tolay a te duwwa a anak a l&#225;llake. Ummadeni siya tu panganay sakay kinagi na, &#8216;Anak, angay ka magtrabaho tu ubasan nadid a aldew.&#8217; 29&#8216;Umad ko,&#8217; t&#225;bbeg na. Pero nagbago u isip na sakay umangay labe. 30Ummadeni labe u ama tu kaduwwa sakay konna labe hod u kinagi na. &#8216;On,&#8217; t&#225;bbeg na, pero awan be inumangay. 31Deya tu duwwa u summunod tu gusto nu ama na?&#8221; &#8220;U panganay,&#8221; t&#225;bbeg de. Sakay kinagi nide ni Jesus, &#8220;Kagiyan ko nikam: u maduk&#225;s hide a tagakolekta ti buwes sakay belyas hide ay m&#225;gdipalongo pa nan nikam a magpasakop tu p&#225;ghare nu Diyos. 32Dipo immangay nikam ti Juan sakay intoldo na u matuwid a biyag sakay awan moy siya pinaniwalaan. Pero pinaniwalaan siya nu maduk&#225;s hide a tagakolekta ti buwes sakay tu belyas hide. Netan moy iye, pero awan kam padi nagsisi sakay naniwala nikuna.&#8221;</div><div class="s">U Talinghaga nu Ubasan sakay U M&#225;gmula Hide</div><div class="r">(Markos 12:1-12; Lukas 20:9-19)</div><div class="p"> 33Nadid intulos ni Jesus u p&#225;gtoldo na. &#8220;Sanigan moy u essa pa a talinghaga. Te essa a tolay a nagmula ti ubas tu luta na sakay kinudalan na. Naggimet siya hod ti pagp&#225;sp&#225;san ti ubas. Sakay naggimet be siya ti essa a malangkaw a pagbantayan. K&#225;ttapos, inwahak na tu m&#225;gtarabaho u ubasan na sakay immangay siya tu iba a lugar. 34Nikuna a dimmem&#225;t u panahon nu s&#225;kbudas, pinaangay na u utusan na hide para alap&#225;n di u kabunong na. 35Pero gin&#225;bbu hide nu m&#225;gtarabaho hide; bin&#225;lb&#225;g de u essa, binunu u kaduwwa, sakay bin&#225;bbudas di be ti bito u kat&#225;llo. 36Pinaangay d&#225;mman nu te kao u mas makpal a utusan, pero konna labe hod u ginimet nu m&#225;gtarabaho hide. 37Tu katapusan ay pinaangay na u anak a l&#225;llake. &#8216;Sigurado a igalang de u anak ko,&#8217; inisip na. 38Pero nikuna netan nu magtrabaho hide u anak ay namagguhon hide, &#8216;Iye u tagapagmana. Kamon d&#225;n! Bunuw&#225;n tamon t&#225;n makao tam u mana na.&#8217; 39Kaya gin&#225;bbu di siya, inyangay tu luwas nu ubasan sakay binunu.&#8221;</div><div class="p"> 40K&#225;ttapos nu talinghaga ay tinanung hide ni Jesus, &#8220;K&#225;ssoli nu te kao tu ubasan, anya w&#225;d u gimit&#225;n na tu m&#225;gtarabaho hide?&#8221; 41Timm&#225;bbeg u pupuno hide, &#8220;Pahirapan sakay bunuw&#225;n na u m&#225;gkaduk&#225;s a itod hide sakay ipatarabaho u ubasan tu iba a mangat&#225;d nikuna tu kabunong na tu panahon ni s&#225;kbudas.&#8221; 42Tinanong hide ni Jesus, &#8220;Awan moy beman nabasa u nesulat tu Kasulatan? &#8216;U bito a inadeyan nu karpentero hide nu bilay, siya u nagin bito a pinakaposte nu bilay. Iye ay ginimet nu Panginoon sakay iye ay makataka-taka!&#8217; 43Kaya ngane kagiyan ko nikam: Bak&#225;n d&#225;n a hikam u p&#225;ghariyan nu Diyos ni awan u bansa a magserbi nikuna ti matapat. 44U mesangdul ti bitowan iye ay mamogmog sakay mapassit u mehagnakan ni iye.&#8221;</div><div class="p"> 45Nasaneg nu pupuno nu saserdote hide sakay nu Pariseo hide a u talinghaga hide ni Jesus sakay nabati de a hide u patamaan na. 46Dak&#225;ppan de nakwa siya, pero nanteng hide tu tolay, dipo tinenggi de a propeta ti Jesus.</div>
 </div>
 </div>
</div>

Pahanan Agta New Testament © Philippine Bible Society and Wycliffe Bible Translators, Inc., 2017.

Nadid nikuna adeni dán ti Jesus sakay u disepulus na hide ti Jerusalem ay umimang hide ti Betfage, tu Buked nu Olibo hide. Pinadipalongo ni Jesus u duwwa a disepulus. Kinagi na nide, “Angay kam tu sumunud a banuwan. Metan moy hod u essa a inahin a asno a nakaegut, kaguman u bul-o na. Lukasán moy sakay iyangay moy he. Ni te magtanong nikam, kagiyan moy la a kailangan nu Panginoon me. Sakay pagdaka na itod a ipatawed nikam.” Nangyari iye tánni matupad u kinagi nu propeta tu itod:
“Kagiyán moy tu taga banuwan nu Sion, ‘Ilengan moy, pademát dán u hare moy. Siya ay mapagpakumbaba; nakasakay la tu essa a bul-o nu asno.’ ”
Immangay ngane u duwwa a disepulus sakay ginimet u inyutos ni Jesus. Inyangay de u inahin a asno sakay u bul-o ni Jesus. Sakay insapin de tu adag nu asno hide u alikáb-káb de sakay simmakay ti Jesus. Bilang paggalang ay makpal a naglatag tu alikáb-kab de tu dilan; u agum be ay nangkáttol hide ti babbadit a pinget nu kayo sakay inlatag di be tu dilan. Nagpakhaw u tolay hide tu dipalongo sakay u umunonod nikuna: “Puriyan u Anak ni David! Pagpalaán u dumemát bilang tagapágserbi nu Panginoon! Puriyan u Diyos!”
Kássáddap ni Jesus ti Jerusalem, nagulo u buo a banuwan. “Deya wád iye?” namágtanungan hide. “Ti Jesus, u propeta a taga Nazaret a Galilea,” tábbeg be nu kakpalan.


Sakay simmáddap ti Jesus tu templo. Pinaluwas na u naglako hide sakay u namali hod. Impasakab na u lamesaan hide nu tagapalit ti pilak sakay u pagetnudan nu naglako hide ti kalapate. Kinagi na, “Nesulat tu Kasulatan:
U bilay nu Diyos ay madulaw a lugar nu págdasalan. Pero ginimet moy a lugar nu mágtakaw hide.”
Te buhák sakay pilay hide a inyangay de ni Jesus tu templo sakay pinagpiyya na hide. Naiyamut u pupuno hide nu saserdote hide sakay u maisto hide nu Kautusan ni Moises nikuna netan de u kababalaghan a ginimet na, sakay u anak hide a magpákhaw tu disalad nu templo, “Pagpalaán nu Diyos u Anak ni David!” Sakay tinanong de ti Jesus, “Nasaneg mo beman u kagiyan de?” “Nasaneg ko,” tábbeg ni Jesus. “Awan moy beman nabasa u nesulat tu Kasulatan ‘Tinolduwan mo u anak hide sakay u sumuso palla hide a magpuri niko.’ ” Hinumektat ti Jesus tu banuwan sakay nanamo ti Betania. Hod siya a nagpalipas ti gibi.


Tu dimadimang, nikuna a pasoli ti Jesus tu banuwan ay nagaláp siya. Netan na u essa a kayo nu igos tu degdig nu dilan sakay inadeniyan na iye. Pero awan siya ti netan a bunga ni awan u duuduun na la. Kaya kinagi na tu kayo nu igos, “Awan ka dán magbunga magpakahanggan!” Sakay pagdaka a nalanás iye. Nikuna netan iye nu disepulus na hide ay naluktut hide. “Kodya a nalanás a pagdaka u kayo nu igos?” tanong de. Timmábbeg ti Jesus, “Pakatandaan moy iye: ni te pánnampalataya kam tu Diyos sakay awan kam magalinlangan ay magimet moy be u ginimet ko tu kayo nu igos a iye. Bakán la a iye u magimet moy! Ni kagiyan moy tu buked a iye, ‘Lumakad ka hina; lumukso ka tu diget,’ ay mangyari u kinagi moy. Sakay anya man u agidan moy tu panalangin ay maalap moy, ni naniwala kam.”


Nadid simmádap dámman ti Jesus tu templo. Alay na a nagtoldo, immadeni nikuna u pupuno nu saserdote hide sakay u pinuno nu banuwan sakay tinanong di siya, “Anya u karapatan mo a maggimet ti hide iye a bagay? Deya u nangatad niko ti kapangyariyan?” Timmábbeg ti Jesus, “Tanongán takam be. Ni tábbegánnák moy ay kagiyan ko be nikam ni deya u nangatád nikán ti kapangyariyan a maggimet ti iye hide a bagay. Deya u nangatád ti kapangyariyan ni Juan para magbawtismo, u Diyos beman oni u tolay?” Sakay namágguhon hide “Ni kagiyan tam a gábwat tu Diyos, ay kagiyan na bi nikitam, ‘Bakin awan moy siya pinaniwalaan?’ Pero ni kagiyan tam be a gábwat tu tolay, makay be ni anya u gimetan nikitam nu totolay tu banuwan. Dipo tenggiyan de a ti Juan ay essa a propeta.” Kaya tinábbeg de ti Jesus, “Awan mi tukoy!” Kinagi be ni Jesus, “Ni konna hod ay awan ko be tábbegan u tanong moy.”

Nadid kinagi ni Jesus “Anya u palagay moy he? Te essa a tolay a te duwwa a anak a lállake. Ummadeni siya tu panganay sakay kinagi na, ‘Anak, angay ka magtrabaho tu ubasan nadid a aldew.’ ‘Umad ko,’ tábbeg na. Pero nagbago u isip na sakay umangay labe. Ummadeni labe u ama tu kaduwwa sakay konna labe hod u kinagi na. ‘On,’ tábbeg na, pero awan be inumangay. Deya tu duwwa u summunod tu gusto nu ama na?” “U panganay,” tábbeg de. Sakay kinagi nide ni Jesus, “Kagiyan ko nikam: u madukás hide a tagakolekta ti buwes sakay belyas hide ay mágdipalongo pa nan nikam a magpasakop tu pághare nu Diyos. Dipo immangay nikam ti Juan sakay intoldo na u matuwid a biyag sakay awan moy siya pinaniwalaan. Pero pinaniwalaan siya nu madukás hide a tagakolekta ti buwes sakay tu belyas hide. Netan moy iye, pero awan kam padi nagsisi sakay naniwala nikuna.”


Nadid intulos ni Jesus u págtoldo na. “Sanigan moy u essa pa a talinghaga. Te essa a tolay a nagmula ti ubas tu luta na sakay kinudalan na. Naggimet siya hod ti pagpáspásan ti ubas. Sakay naggimet be siya ti essa a malangkaw a pagbantayan. Káttapos, inwahak na tu mágtarabaho u ubasan na sakay immangay siya tu iba a lugar. Nikuna a dimmemát u panahon nu sákbudas, pinaangay na u utusan na hide para alapán di u kabunong na. Pero ginábbu hide nu mágtarabaho hide; binálbág de u essa, binunu u kaduwwa, sakay binábbudas di be ti bito u katállo. Pinaangay dámman nu te kao u mas makpal a utusan, pero konna labe hod u ginimet nu mágtarabaho hide. Tu katapusan ay pinaangay na u anak a lállake. ‘Sigurado a igalang de u anak ko,’ inisip na. Pero nikuna netan nu magtrabaho hide u anak ay namagguhon hide, ‘Iye u tagapagmana. Kamon dán! Bunuwán tamon tán makao tam u mana na.’ Kaya ginábbu di siya, inyangay tu luwas nu ubasan sakay binunu.”
Káttapos nu talinghaga ay tinanung hide ni Jesus, “Kássoli nu te kao tu ubasan, anya wád u gimitán na tu mágtarabaho hide?” Timmábbeg u pupuno hide, “Pahirapan sakay bunuwán na u mágkadukás a itod hide sakay ipatarabaho u ubasan tu iba a mangatád nikuna tu kabunong na tu panahon ni sákbudas.” Tinanong hide ni Jesus, “Awan moy beman nabasa u nesulat tu Kasulatan? ‘U bito a inadeyan nu karpentero hide nu bilay, siya u nagin bito a pinakaposte nu bilay. Iye ay ginimet nu Panginoon sakay iye ay makataka-taka!’ Kaya ngane kagiyan ko nikam: Bakán dán a hikam u pághariyan nu Diyos ni awan u bansa a magserbi nikuna ti matapat. U mesangdul ti bitowan iye ay mamogmog sakay mapassit u mehagnakan ni iye.”
Nasaneg nu pupuno nu saserdote hide sakay nu Pariseo hide a u talinghaga hide ni Jesus sakay nabati de a hide u patamaan na. Dakáppan de nakwa siya, pero nanteng hide tu tolay, dipo tinenggi de a propeta ti Jesus.

Kuuntele Mateo 21