<div class="version vid4074 iso6393dwr" data-vid="4074" data-iso6393="dwr">
    <div class="book bkGEN">
        <div class="chapter chINTRO1" data-usfm="GEN.INTRO1">
            <div class="imt"><span class="content">Geluwaa</span></div><div class="ip"><span class="content">Ha mas'aafay &#171;Doometsaa&#187; geetettiide s'eesetteedda gaasuu yewuwaa ubbaa doometsaa bessiyaa diraassa.</span></div><div class="ip"><span class="content">Doometsaabaa geetettiyaa mas'aafay ha alamii wooti med'etteeddentto: salotuunne sa'ay med'etteedda med'etaabaa, asaa zarii yeedda yuussaabaa, nagaraanne nagaraa maarotaabaa, anjjuunne shek'ay doometteedda doometsaabaa, S'oossaannanne asaa zaratuwaanna de'iyaa gaketetsaabaa odee. Doometsaabay laa"u huup'e gishuwaan shaakettiide s'eelettanaw danddayee.</span></div><div class="ip"><span class="content">Shemppuwaa ittuwaappe biide tammanne ittuwaa gakkanaw de'iyaa sa'ay, saluunne sa'ay med'etteedda med'etaabaanne asaa zariyaa koyro taarikiyaa odee. Addaamenne Hewaani taarikii, K'aayeelanne Aabeela taarikii, Nohenne bashshaa haatsaa taarikii, hewaadankka Baabloone Gimbbiyaa taarikii de'iyaawe ha shaakuwaana.</span></div><div class="ip"><span class="content">Shemppuwaa tammanne laa"uwaappe biide ishatamuwaa gakkanaw de'iyaa sa'ay Israa'eeliyaa asaw beni mayza aawotuwaa taarikiyaa odee. Unttuttu gidduwaan koyro bare ammanuwaaninne S'oossaw azazettiyaa hanotaan eretteeddawe Abrahaama. Hewaappe k'ay Aa na'aa Yisaak'a, Aa na'aa na'aa Yaak'oobanne Yaak'ooba naanaa tammanne laa"atuwaa taarikii kaalleedda. Hawanttu Yaak'ooba naanay tammanne laa"atuu, tammanne laa"u Israa'eeliyaa zaretoo ano gideeddawantta. Hawanttu ha tammanne laa"u Israa'eeliyaa naanatuwaa giddonkka Yooseefa dummayiide, hewaaddankka k'ay Yaak'oobanne Aa naanaa yenkkotuwaa unttuttu golle asaana Gibs'e gadiyaa afeedda hanotatuwaa minissiide s'eellee.</span></div><div class="ip"><span class="content">Ha mas'aafay asaa taarikiyaa odiyaawaa gidooppenne, ubbaappe aatsiide I odiyaawe S'oossay ootseedda oosuwaabaa. S'oossay salotuwaanne sa'aa med'd'eedda taarikiyaa oduwaa doommiide S'oossay bare asaw k'oppiyaawaa aggennawaa odiyaa hidootaan polee. Ha mas'aafaa giddon ha gas'aappe ya gas'aa gakkanaw odettiyaa taarikiyaa Goday, balabaa haniyaawantta pirddiyaawenne muriyaawe, bare asaa kaaletsiyaawenne maaddiyaawe, unttuttu taarikiyaa tangguwaakka giigissiyaawe bare huup'iyaan S'oossaa. Hawe beni mas'aafay s'aafetteeddawe asaa ammanuwaa taarikiyaa mazggabiide oyk'k'anaassanne he ammanuukka pas'a de'anaadan ootsanaassa.</span></div><div class="iot"><span class="content">Shemppatuwaa Ubbatoo Imetteedda K'antsa K'ofatuwaa</span></div><div class="io1"><span class="content">Med'etaa Doometsaabaa </span><span class="ior"><span class="content">1:1&#8212;2:3</span></span></div><div class="io1"><span class="content">Eden Gennetiyaabaa </span><span class="ior"><span class="content">2:4-25</span></span></div><div class="io1"><span class="content">Nagaraanne Nagaraa Maarotaabaa </span><span class="ior"><span class="content">3:1-24</span></span></div><div class="io1"><span class="content">Addaamappe Noha Gakkanaw </span><span class="ior"><span class="content">4:1&#8212;5:32</span></span></div><div class="io1"><span class="content">Nohanne Bashshaa Haatsaa </span><span class="ior"><span class="content">6:1&#8212;10:32</span></span></div><div class="io1"><span class="content">Baabloona Gimbbiyaa </span><span class="ior"><span class="content">11:1-9</span></span></div><div class="io1"><span class="content">Seemappe Abraama Gakkanaw </span><span class="ior"><span class="content">11:10-32</span></span></div><div class="io1"><span class="content">Abraama, Yisaak'anne Yaak'ooba Taarikiyaa </span><span class="ior"><span class="content">12:1&#8212;35:29</span></span></div><div class="io1"><span class="content">Eesaa Yeletaa </span><span class="ior"><span class="content">36:1-43</span></span></div><div class="io1"><span class="content">Yoosefanne Aa Ishatuwaa </span><span class="ior"><span class="content">27:1&#8212;45:28</span></span></div><div class="io1"><span class="content">Israa'eelatuu Gibs'e Gadiyaan </span><span class="ior"><span class="content">46:1&#8212;50:26</span></span></div>
        </div>
    </div>
</div>

Geluwaa
Ha mas'aafay «Doometsaa» geetettiide s'eesetteedda gaasuu yewuwaa ubbaa doometsaa bessiyaa diraassa.
Doometsaabaa geetettiyaa mas'aafay ha alamii wooti med'etteeddentto: salotuunne sa'ay med'etteedda med'etaabaa, asaa zarii yeedda yuussaabaa, nagaraanne nagaraa maarotaabaa, anjjuunne shek'ay doometteedda doometsaabaa, S'oossaannanne asaa zaratuwaanna de'iyaa gaketetsaabaa odee. Doometsaabay laa"u huup'e gishuwaan shaakettiide s'eelettanaw danddayee.
Shemppuwaa ittuwaappe biide tammanne ittuwaa gakkanaw de'iyaa sa'ay, saluunne sa'ay med'etteedda med'etaabaanne asaa zariyaa koyro taarikiyaa odee. Addaamenne Hewaani taarikii, K'aayeelanne Aabeela taarikii, Nohenne bashshaa haatsaa taarikii, hewaadankka Baabloone Gimbbiyaa taarikii de'iyaawe ha shaakuwaana.
Shemppuwaa tammanne laa"uwaappe biide ishatamuwaa gakkanaw de'iyaa sa'ay Israa'eeliyaa asaw beni mayza aawotuwaa taarikiyaa odee. Unttuttu gidduwaan koyro bare ammanuwaaninne S'oossaw azazettiyaa hanotaan eretteeddawe Abrahaama. Hewaappe k'ay Aa na'aa Yisaak'a, Aa na'aa na'aa Yaak'oobanne Yaak'ooba naanaa tammanne laa"atuwaa taarikii kaalleedda. Hawanttu Yaak'ooba naanay tammanne laa"atuu, tammanne laa"u Israa'eeliyaa zaretoo ano gideeddawantta. Hawanttu ha tammanne laa"u Israa'eeliyaa naanatuwaa giddonkka Yooseefa dummayiide, hewaaddankka k'ay Yaak'oobanne Aa naanaa yenkkotuwaa unttuttu golle asaana Gibs'e gadiyaa afeedda hanotatuwaa minissiide s'eellee.
Ha mas'aafay asaa taarikiyaa odiyaawaa gidooppenne, ubbaappe aatsiide I odiyaawe S'oossay ootseedda oosuwaabaa. S'oossay salotuwaanne sa'aa med'd'eedda taarikiyaa oduwaa doommiide S'oossay bare asaw k'oppiyaawaa aggennawaa odiyaa hidootaan polee. Ha mas'aafaa giddon ha gas'aappe ya gas'aa gakkanaw odettiyaa taarikiyaa Goday, balabaa haniyaawantta pirddiyaawenne muriyaawe, bare asaa kaaletsiyaawenne maaddiyaawe, unttuttu taarikiyaa tangguwaakka giigissiyaawe bare huup'iyaan S'oossaa. Hawe beni mas'aafay s'aafetteeddawe asaa ammanuwaa taarikiyaa mazggabiide oyk'k'anaassanne he ammanuukka pas'a de'anaadan ootsanaassa.
Shemppatuwaa Ubbatoo Imetteedda K'antsa K'ofatuwaa
Med'etaa Doometsaabaa 1:1—2:3
Eden Gennetiyaabaa 2:4-25
Nagaraanne Nagaraa Maarotaabaa 3:1-24
Addaamappe Noha Gakkanaw 4:1—5:32
Nohanne Bashshaa Haatsaa 6:1—10:32
Baabloona Gimbbiyaa 11:1-9
Seemappe Abraama Gakkanaw 11:10-32
Abraama, Yisaak'anne Yaak'ooba Taarikiyaa 12:1—35:29
Eesaa Yeletaa 36:1-43
Yoosefanne Aa Ishatuwaa 27:1—45:28
Israa'eelatuu Gibs'e Gadiyaan 46:1—50:26

Kuuntele Doometsaa Geluwaa