দেপ্তেতনি
ই চঙি মানে “শিৰহতনি”। ই লেখাৱো বাসমাতা সৃজৗইঙি, মাৰাবো সৃজৗইতানি, বাসমাতায়ঙি পাপ আৰা শৗস্তিনি চঙি আৰা মাৰাবমৗন ঈশ্বৰনি সহভাগিতাদো চঙি ক্রৌ দুনা। চঙি লেখাৱো ভৗগৗ অৗংনিংঙায় ফানি মানা:
১) ফান ১-১১ ফানায় লাগেত বাসমাতানি সৃষ্টি আৰা মাৰাব জৗতিনি পৰথম ইতিহাস সায়া। ইবায় আদম হবানি, কয়িন আৰা হেবলনি, নহো আৰা চিকাবৗন, আৰা বাবিলনি চুগৗং নৗগৌনি বিষিন সুকতানি তৱা।
২) ফান ১২-৫০ ফানায় লাগেত ইস্রায়েল অৗৱৗই-অৗচুদোনি অৗগিনায়ঙি ইতিহাস। পৰথম সায়ৌ অব্রাহাম, যি মাৰাবা ঈশ্বৰনায় উনি বিশ্বাস আৰা বাধ্যতামৗন পাংতানা। উম্প্রিং উনি স্বাবৗন্তৗই ইছহাক, আৰা উনি অৗচুস্বা যাকোব (যাৱো ব্রাকা ইস্রায়েল), আৰা যাকোবনি ছিনিং স্বাবৗন্তৗইদোনি ক্রৌ, যিমাৰাবদো ইস্রায়েলনি ছিনিং জৗতিনি গৗদৗমম্রা সায়া, আদত শুংলাওঙি সায়তানা ছিনিং স্বাবৗন্তৗইদোনি মাজাৰায়ঙি সাকসানায়, যাৱো যোষেফ ব্রাকা, আৰা যাকোব উম্প্রিং উনি আতাং স্বাবৗন্তৗই আৰা অনোঙি পৰিয়াল যিমাৰাবদো মিশৰায় পাংতানা।
ই লেখাৱা মাৰাবদোনি ক্রৌ দুনা, ইয়ৗন বেবাং চৗইবা পৰথম ঈশ্বৰা তৗৰৗইতানি কৗমদো দেফেতনি। ইয়ো চঙি সায়তানা ঈশ্বৰা বাসমাতা-ৰাংক্রাং বানায়ঙিমৗন আৰা উনি বানায়তানি মাৰাব জৗতিয়ো যতন গাসায়ঙিমৗন ই ক্রৌৱো দুসুনা। ই লেখাৱায়ঙি আচল পাওগিৰ সায়ৌ ঈশ্বৰ, যিম্রা সাৰচাদোনি বিচাৰ গাসায়া আৰা শৗস্তি লাৱা, উনি মাৰাবদো চলায়া, সহায় গাসায়া, আৰা অনোঙি ইতিহাস বানায়া। ই প্রাচীন লেখাৱো মাৰাবদোনি বিশ্বাস আৰা উ বিশ্বাসৱো দেহেং গৗমৗন ই ৰেকর্ড সুকঙি সায়তানা।
বিষিননি ৰূপৰেখা
বাসমাতা সৃজৗইঙি আৰা মাৰাব বানায়ঙি (১:১—২:২৫)
পাপ আৰা কষ্টনি সৃষ্টি (৩:১-২৪)
আদমনায়প্রিং নোহ লাগেত (৪:১—৫:৩২)
নোহ আৰা চিকাবৗন (৬:১—১০:৩২)
বাবিলায়ঙি নৗগৌ চচ্রং (১১:১-৯)
শেমনায়প্রিং অব্রাহাম লাগেত (১১:১০-৩২)
আৱা তাংগামদো: অব্রাহাম, ইসহাক, যাকোব (১২:১—৩৫:২৯)
এষৌনি বংশদো (৩৬:১-৪৩)
যোষেফ আৰা উনি ভৗইদো (৩৭:১—৪৫:২৮)
মিশৰায় ইস্রায়েলদো (৪৬:১—৫০:২৬)

Kuuntele চঙি দেপ্তেতনি