<div class="version vid3576 iso6393gvs" data-vid="3576" data-iso6393="gvs">
 <div class="book bkGEN">
 <div class="chapter ch6" data-usfm="GEN.6">
 <div class="label">6</div><div class="s1">Yaubada ina nuwomou tomota idi goyo pasidi</div><div class="p"> 1Tuwo tomota poyapoya ana madabokina goi bogina sisus&#225;ila go, yaidi goi natudiyao vevina sib&#237;bina. 2Amo tutayana Yaubada natunao#Iyb 1:6; 2:1. koroto#6:2 Yaubada natunao koroto: Isileli tubunao niyadi goi ame geya imavadeta. Enao aito sikaaiyaka. Tayamo moe kidi yaubadayao. Go aiyuwoina moe tolovina natunao. Go aitonina moe Seti tubunao. vevinayadi sigitedi gumaboidi, e ava vevinava latuwodi, e sikinavedi bei sinaidi. 3Tuwo idigo kana,</div><div class="pm">&#8216;Geya atagoneta guna togaga maa yawoina ikaiyako vata tomota yaidi unana tauyadi sakava kaka. Tauna adi tala bei akatuyaivi tayamo andedi tuwenti (120) baige sik&#225;masa.&#8217;</div><div class="p"> 4E amo tutayana be nakae tuta mlina Napilim#6:4 Napilim: Ame tauyadi todukeketa.#Yoy 13:22,28,33. poyapoya goi sikaaiyaka. Ego boi tutayana vevina Yaubada natunao taiyao simasisi, e vevinayadi sik&#233;uwama, siven&#225;tuna, natudiyao moe kidi Napilimyadi. E tauyadi tovayaviya toogagaidi be nakae valedi gagaidi.</div><div class="p"> 5E Yauwe ikandosobu tomota idi goyo igitedi sivakaigaga be nakae tuta liliuna idi nuwogau liliudi nuwodi goi sigoyo.#Mad 24:37; Luk 17:26; 1Pi 3:20. 6Igitedi, mana nuwomou ina mad&#225;gina manuna nuwona ikatuvilavila, e pasina mana kategeda gagaina gamona igoyo. 7Tuwo idigo kana,</div><div class="pm">&#8216;Ategu igeda guna mad&#225;gina pasina. Neta boi geya aodugudita! Tauna tauyadi boi aodugudi ame bei asamatedi, tomota, yoguyogu, dogoi daladalaidi be nakae m&#225;nuwo. Geya kada tayaamo poyapoya goi bei ikaaiyaka geya.&#8217;</div><div class="p"> 8E kina go Nowa ituli, Yauwe ikanuwoiye.</div><div class="ms1">Nowa tetelina</div><div class="mr">(Aba Vatowo 6:9&#8212;11:9)</div><div class="s1">Nowa ina dedeoga iyowo tetelina</div><div class="p"> 9E ame moe kina Nowayana tetelina. Tetalayana ame nakae:</div><div class="p">Nowa Yaubada nuwona ana tayamo#2Pi 2:5. o kada tomota liliudi yaidi goi tauyana anetava geya ana pikwanamo. Tauyana iiketoiya nakae Yaubada iuyaone. 10Nowayana natunao koroto adi taito: Semi be, Em be nakae Diyepeta.</div><div class="p"> 11E da poyapoya bogina sigoyo Yaubada matana goi nakae poyapoya aigoyo goi ikayaoda. 12Tuwo da poyapoyayadi kina Yaubada igitedi, e moitamo bogina sigoyo toina unana poyapoyayana goi kaga liliuna maa yawoidi idi sinapu bogina sikaigoyaidi. 13Tuwo Yaubada Nowa ilatuwoko idigo kana,</div><div class="pm">&#8216;Bogina alovina bego kaga liliuna maa yawoidi bei amtulidi unana tauyadi pasidi poyapoya aigoyo goi ikayaoda, tauna kun&#333;ve. Tauyadi poyapoya taiyao bei abugoyaidi. 14Kom k&#363;na alova dedevidi kutal&#257;idi, kum&#275;di, dedeoga tayamo gagaina kuy&#333;wo kom manum. Kuyowo ikavava, sinaena kuvabod&#257;upe go, sinaena be nakae toluye kubwad&#275;di. 15Ego dedeogayana ana y&#243;wana ame nakae: Ana mamanao ova ana badabada nainti (90). Ana papaeva ovayawou ovanima. Go ana tukotuko ovanima ovavasi. 16Go lupa ana tukotuko aba katug&#250;yala. Niga ina k&#225;tava kuk&#257;u. Kukau ikavava, kikina goi ana niboda kuy&#257;to. Go ana b&#243;sima aito, tayamo ditonema, tayamo diligaema be nakae tayamo nauyayana. 17Kun&#333;ve. Yau mluwa bei aetune iwo poyapoya goi kaga liliuna neta maa yawoidi asamatedi. Tauna kaga liliuna poyapoya yatana bei sik&#225;masa. 18Go sem kom bei akanasiukoim. Kom ma monem be natumiyao monediyao taiyao dedeogayana goi bei kosowoya go, ayavemi. 19Ame nakae kuguin&#363;we: Kaga liliuna neta maa yawoidi tamo tamo ituli ituli aiyuwo aiyuwo, bolamo tayamo, bovavina tayamo dedeogayana goi kudod&#333;idi bei kuyavedi maa yawoidi sikaaiyaka kom taiyao. 20M&#225;nuwo tamo tamo ituli ituli aiyuwo aiyuwo, bolamo tayamo be bovavina tayamo. Yoguyogu tamo tamo ituli ituli aiyuwo aiyuwo, bolamo tayamo be bovavina tayamo. Dogoiyadi sidaladala tamo tamo ituli ituli aiyuwo aiyuwo, bolamo tayamo be bovavina tayamo. Aiyuwo aiyuwo bei sima yaim kuyavedi. 21Go kom sem k&#363;na awoinu tamo tamo maniyedi kukab&#299;di kum&#275;di dedeogayana goi kudod&#333;idi. Moe kom mam bodao avami be nakae yoguyogu be m&#225;nuwo avadi.&#8217;</div><div class="p"> 22E tuwo moitamo moe nakae iguinuwe. Kaga liliuna Yauwe iidigedi Nowa nakae iguinuwedi.#Ibe 11:7.</div>
 </div>
 </div>
</div>

Tuwo tomota poyapoya ana madabokina goi bogina sisusáila go, yaidi goi natudiyao vevina sibíbina. Amo tutayana Yaubada natunao koroto vevinayadi sigitedi gumaboidi, e ava vevinava latuwodi, e sikinavedi bei sinaidi. Tuwo idigo kana,
‘Geya atagoneta guna togaga maa yawoina ikaiyako vata tomota yaidi unana tauyadi sakava kaka. Tauna adi tala bei akatuyaivi tayamo andedi tuwenti (120) baige sikámasa.’
E amo tutayana be nakae tuta mlina Napilim poyapoya goi sikaaiyaka. Ego boi tutayana vevina Yaubada natunao taiyao simasisi, e vevinayadi sikéuwama, sivenátuna, natudiyao moe kidi Napilimyadi. E tauyadi tovayaviya toogagaidi be nakae valedi gagaidi.
E Yauwe ikandosobu tomota idi goyo igitedi sivakaigaga be nakae tuta liliuna idi nuwogau liliudi nuwodi goi sigoyo. Igitedi, mana nuwomou ina madágina manuna nuwona ikatuvilavila, e pasina mana kategeda gagaina gamona igoyo. Tuwo idigo kana,
‘Ategu igeda guna madágina pasina. Neta boi geya aodugudita! Tauna tauyadi boi aodugudi ame bei asamatedi, tomota, yoguyogu, dogoi daladalaidi be nakae mánuwo. Geya kada tayaamo poyapoya goi bei ikaaiyaka geya.’
E kina go Nowa ituli, Yauwe ikanuwoiye.



E ame moe kina Nowayana tetelina. Tetalayana ame nakae:
Nowa Yaubada nuwona ana tayamo o kada tomota liliudi yaidi goi tauyana anetava geya ana pikwanamo. Tauyana iiketoiya nakae Yaubada iuyaone. Nowayana natunao koroto adi taito: Semi be, Em be nakae Diyepeta.
E da poyapoya bogina sigoyo Yaubada matana goi nakae poyapoya aigoyo goi ikayaoda. Tuwo da poyapoyayadi kina Yaubada igitedi, e moitamo bogina sigoyo toina unana poyapoyayana goi kaga liliuna maa yawoidi idi sinapu bogina sikaigoyaidi. Tuwo Yaubada Nowa ilatuwoko idigo kana,
‘Bogina alovina bego kaga liliuna maa yawoidi bei amtulidi unana tauyadi pasidi poyapoya aigoyo goi ikayaoda, tauna kunōve. Tauyadi poyapoya taiyao bei abugoyaidi. Kom kūna alova dedevidi kutalāidi, kumēdi, dedeoga tayamo gagaina kuyōwo kom manum. Kuyowo ikavava, sinaena kuvabodāupe go, sinaena be nakae toluye kubwadēdi. Ego dedeogayana ana yówana ame nakae: Ana mamanao ova ana badabada nainti (90). Ana papaeva ovayawou ovanima. Go ana tukotuko ovanima ovavasi. Go lupa ana tukotuko aba katugúyala. Niga ina kátava kukāu. Kukau ikavava, kikina goi ana niboda kuyāto. Go ana bósima aito, tayamo ditonema, tayamo diligaema be nakae tayamo nauyayana. Kunōve. Yau mluwa bei aetune iwo poyapoya goi kaga liliuna neta maa yawoidi asamatedi. Tauna kaga liliuna poyapoya yatana bei sikámasa. Go sem kom bei akanasiukoim. Kom ma monem be natumiyao monediyao taiyao dedeogayana goi bei kosowoya go, ayavemi. Ame nakae kuguinūwe: Kaga liliuna neta maa yawoidi tamo tamo ituli ituli aiyuwo aiyuwo, bolamo tayamo, bovavina tayamo dedeogayana goi kudodōidi bei kuyavedi maa yawoidi sikaaiyaka kom taiyao. Mánuwo tamo tamo ituli ituli aiyuwo aiyuwo, bolamo tayamo be bovavina tayamo. Yoguyogu tamo tamo ituli ituli aiyuwo aiyuwo, bolamo tayamo be bovavina tayamo. Dogoiyadi sidaladala tamo tamo ituli ituli aiyuwo aiyuwo, bolamo tayamo be bovavina tayamo. Aiyuwo aiyuwo bei sima yaim kuyavedi. Go kom sem kūna awoinu tamo tamo maniyedi kukabīdi kumēdi dedeogayana goi kudodōidi. Moe kom mam bodao avami be nakae yoguyogu be mánuwo avadi.’
E tuwo moitamo moe nakae iguinuwe. Kaga liliuna Yauwe iidigedi Nowa nakae iguinuwedi.

Kuuntele Aba Vatowo 6