<div class="version vid3475 iso6393nzb" data-vid="3475" data-iso6393="nzb">
 <div class="book bkLUK">
 <div class="chapter ch11" data-usfm="LUK.11">
 <div class="label">11</div><div class="s1">S&#233;se al&#596;ngese baate b&#603;ndi buni bab&#596;nde</div><div class="p"> 1Letsuge lemochi, S&#233;se &#224;mane b&#596;nde Nz&#603;mbi, mutu mumochi vats&#596; baate b&#603;ndi n&#224;l&#603;le nd&#603; nd&#233;: &#171;Kumu l&#596;ngese b&#233;se buni bab&#596;nde ngane a bu Sa &#224;l&#596;ngese baate b&#603;ndi.&#187; 2S&#233;se n&#224;l&#603;le b&#596; nd&#233; va b&#233;ne lab&#596;nde l&#603;lani ti:</div><div class="q1">&#171;Taate a b&#233;se Nz&#603;mbi.</div><div class="q1">Bu&#233;di baate botchi bayabe ti w&#603; Nz&#603;mbi Kumu a b&#596; wuwav&#603; sade mabi</div><div class="q1">Buyumune bua w&#603;, bubu&#603; bu kogele bul&#596;nge botchi.</div><div class="q1"> 3Tsuge yotchi, v&#603;de b&#233;se bi&#233;le bia tchade.</div><div class="q1"> 4Chindele maambe ma b&#233;se mamabi ngane a bu b&#233;se lachindele maambe mamabi ma baate basadele b&#233;se.</div><div class="q1">Yachingese ti b&#233;se leyoge maambe mabas&#596;ge b&#233;se.&#187;</div><div class="p"> 5S&#233;se n&#224;b&#224;l&#603;le b&#596; nd&#233;: &#171;Ti mutu vats&#596; b&#233;ne alidi na mb&#603;gi a nd&#603; wu nd&#603; y&#603;nde gu bakese k&#603;ti a k&#603;ti a buchi akal&#603;le nd&#603; nd&#233;, a mb&#603;gi a m&#603; s&#596;mbese m&#603; map&#603; matate.&#187; 6M&#603; mb&#603;gi wuwamate gu muniale m&#603; lidi na nd&#603; gu nz&#596;. M&#603; salidi na bi&#233;le bia v&#603;de nd&#603; v&#603;. 7Ti mb&#603;gi wuwulidi guts&#596; nz&#596; akale nd&#603; nd&#233;: Saba r&#596;kese m&#603;, m&#603; madibege nz&#596;. B&#233;se a baane lemalase. M&#603; chibatoge soge gu v&#603;de w&#603; map&#603; v&#603;. 8Mumbuli m&#603; l&#603;le b&#233;ne m&#233;, nd&#603; chisoge mu imb&#603;gi cha bone a nd&#603; v&#603;. T&#596; nd&#603; &#225;soge gu v&#603;de nd&#603; biotchi bi nd&#603; lidi na nzale na bi&#596; mu lembande l&#603;ndi. 9Nimul&#596; m&#603; l&#603;le b&#233;ne m&#233;, v&#596;ndani bav&#603;de b&#233;ne. Sagani b&#233;ne labakese. Dumani badibele. 10Muti mutu wuwav&#596;nde bav&#603;de. Mutu wuwasage abakese. Badibele gulidi mutu wuwadume. 11Vats&#596; b&#233;ne mutu ti alidi t&#603;yi, muane av&#596;nde nd&#603; tchui, akav&#603;de nd&#603; t&#603;di? 12Voki av&#596;nde nd&#603; lemvungu, akav&#603;de nd&#603; ng&#233;nge? 13Kiti b&#233;ne baate bababi, b&#233;ne ley&#233;bi v&#603;de baane ba b&#233;ne bikumbe bibibu&#603;, mvuati na Taate a b&#233;ne Nz&#603;mbi wulidi gu yulu kani wukibise v&#603;de gulidi baate botchi babav&#596;nde nd&#603; Lenioni Labuyimbe?</div><div class="s">S&#233;se apose im&#603;me let&#603;nge mu niute</div><div class="p"> 14Letsuge lemochi, S&#233;se n&#224;pose im&#603;me let&#603;nge lel&#224;bade lapapene nd&#603; mu niute. Let&#603;nge lepole, im&#603;me chiyambele, baate b&#224;b&#224;bade vane nib&#224;g&#233;mbe. 15T&#596; baate bak&#603; vats&#596; piti a baate, nib&#224;l&#603;le bo: &#171;B&#233;les&#233;bule#11.15 B&#233;les&#233;bule: Ivonde cha mat&#603;nge. Nd&#603; niwubat&#603;de Satan, Diabele., ivonde cha mat&#603;nge niwav&#603;de nd&#603; bungudi bua funze mat&#603;nge mu&#603;ne.&#187; 16Baate bakime mu tchitse S&#233;se, nib&#224;l&#603;le nd&#603; bo sade b&#233;se imuile chichamate gu yulu. 17T&#596; S&#233;se wuway&#224;benge mataase ma b&#596; b&#224;bade na m&#596;, n&#224;l&#603;le b&#596; nd&#233;: &#171;Va baate ba ts&#603;nge imochi baluane pfu&#603;chi a b&#596; mu&#603;ne na b&#596; mu&#603;ne, bitsuke biakagege, ts&#603;nge yikagude.&#187; 18Ti baate ba itsuku cha Diabele baluane pfu&#603;chi a b&#596; mu&#603;ne na b&#596; mu&#603;ne, ts&#603;nge a nd&#603; kabuni yikitoge guade? Muti b&#233;ne lal&#603;le ti bungudi bua funze mat&#603;nge na bu&#596; B&#233;les&#233;bule av&#603;de m&#603;. 19B&#233;les&#233;bule ti niwav&#603;de m&#603; bungudi bua funze mat&#603;nge, baate ba b&#233;ne bungudi bua funze mat&#603;nge ka na av&#603;de b&#596;? Baate ba b&#233;ne mu&#603;ne nibabakitoge pose mupame a tchambe mu&#603;ne. 20Nz&#603;mbi kati niwav&#603;de m&#603; bungudi bua funze mat&#603;nge, yabani ti b&#233;ne lemabage Buyumune bua Nz&#603;mbi.</div><div class="p"> 21Va mutu wuwulidi na bungudi ak&#603;le nz&#596; nd&#603; na bilu&#233;nili, mabu&#603; m&#603;ndi bachitoge yibe v&#603;. 22T&#596; ti mutu wulutili nd&#603; bungudi, aningele gu nz&#596; nd&#603;, akapatele bilu&#233;nili bi&#603;ndi bi nd&#603; sade chite mu bi&#596;, abome nd&#603;, ab&#596;nge mabu&#603; m&#603;ndi motchi, akakabe.</div><div class="p"> 23Mutu wuwusalidi mb&#603;gi a m&#603; v&#603;, nd&#603; mub&#233;li a m&#603;. Namoni a mutu wuwusayamese m&#603; mu kokese v&#603;, nd&#603; muts&#603;mini.</div><div class="s1">Gabege gua let&#603;nge guts&#596; niute a mutu</div><div class="p"> 24Va let&#603;nge lapole guts&#596; niute a mutu mu niute, l&#596; guts&#596; bitchige bia leg&#603;ngi lay&#603;nde gu sage itchige cha tsagele. L&#596; lev&#603; bakese itchige cha tsagele lek&#224;l&#603;le ti, ka bu&#233;di ti, m&#603; g&#224;bege guts&#596; niute a mutu yi m&#603; b&#233;di. 25Let&#603;nge legabege, lebakese nz&#596; bag&#596;mbele bitsale bamavange. 26&#171;Let&#603;nge mu&#603;ne lek&#224;y&#603;nde gu b&#596;nge mat&#603;nge tsaambe makime mamalotele l&#596; bungudi. Mat&#603;nge mu&#603;ne motchi may&#603;nde, maningele guts&#596; niute a mutu, makatsagele. Muts&#603;gili a mutu mu&#603;ne wanamanze, akalotele wa tsomi bubi.&#187;</div><div class="s1">Lebu&#603; lambuli</div><div class="p"> 27Va S&#233;se &#224;bade ki yambele ayambele, vats&#596; piti a baate mukaase n&#224;l&#603;le nd&#233;: &#171;Bubu&#603; gulidi mukaase wuw&#224;bote na wuw&#224;niuse w&#603; leb&#603;ne.&#187; 28T&#596; S&#233;se n&#224;kale nd&#603; nd&#233;: &#171;Bubu&#603; gulidi baate babayoge mabige ma Nz&#603;mbi na sade buni m&#596; m&#224;l&#603;le.&#187;</div><div class="s1">Il&#233;mbe cha Wuw&#224;b&#596;nge ndjime a baate</div><div class="p"> 29Piti a baate yikokene va S&#233;se &#224;bade, nd&#603; n&#224;l&#603;le b&#596; nd&#233;: &#171;Baate ba mvu&#603;gi, baate bababi balidi. Muti b&#596; bafule m&#603; mu sade b&#596; imuile. B&#225;s&#225;k&#225;b&#225;sade b&#596; imuile ikime va yulu a cha Sonase v&#603;. 30Buni Sonase &#224;bade il&#233;mbe cha bichi Ninive, abone nibu m&#603; Wuw&#224;b&#596;nge ndjime a baate m&#603; k&#225;bade il&#233;mbe cha baate ba mvu&#603;gi. 31Letsuge le Nz&#603;mbi ak&#225;pase mipame mia baate, mukaase wuw&#224;yumunge gu ts&#603;nge a ngule a bande n&#225;t&#603;mene va busu bua baate ba mvu&#603;gi mu bome b&#596; mamb&#603;le. Muti nd&#603; gu ts&#603;nge a vale amate mu yiyoge mabige ma Salemon muy&#603;bi a maambe. T&#596; vats&#596; b&#233;ne na mutu wulutili Salemon yabe gua maambe. 32Letsuge le Nz&#603;mbi &#225;k&#225;pase mipame mia baate, bichi Ninive na b&#596; nib&#224;t&#603;mene va busu bua baate ba mvu&#603;gi mu bome b&#596; mamb&#603;le. Muti bichi Ninive bag&#603;le bichidili bia maambe va b&#596; b&#224;yoge mabige ma Sonase &#224;l&#596;ngese b&#596;. T&#596; vats&#596; b&#233;ne na mutu wulutili Sonase.</div><div class="s">Mise ni iyalele cha niute</div><div class="p"> 33&#171;Mutu asatsome page mu kudege y&#596; na mulumbe v&#603;. Nd&#603; tsome y&#596;, akat&#233;mbe va gili a gili, mu nd&#233; baate baningele guts&#596; nz&#596; bakabade guts&#596; iyalele. 34Mise ma w&#603; ni page a niute a w&#603;. Ti mise ma w&#603; bu&#233;di malidi, niute a w&#603; na y&#596; bu&#233;di ilidi. T&#596; ti mise ma w&#603; b&#603;le mab&#603;le, niute a w&#603; na y&#596; b&#603;le yab&#603;le. 35Ka rambele ti iyalele chichilidi na w&#603; yikakalege ipfunde. 36Niute a w&#603; yotchi ti guts&#596; iyalele ilidi, ipfunde tchakav&#603;, w&#603; ndile ka guts&#596; iyalele ngane a va page yayingege.&#187;</div><div class="s1">S&#233;se as&#603;mbe baate ba lebuli la bafarichi na basupili ba mangidi ma Nz&#603;mbi</div><div class="p"> 37S&#233;se &#224;mane yambele, mutu wa lebuli la bafarichi n&#224;t&#603;de nd&#603; mu itchade gu nz&#596; nd&#603;. S&#233;se &#224;ningele, &#224;tsagele, n&#224;tchade. 38S&#233;se &#224;bande tchade makake pa tsoke v&#603;, mutu wa lebuli la bafarichi n&#224;g&#233;mbe.</div><div class="p"> 39T&#596; S&#233;se n&#224;l&#603;le nd&#603; nd&#233;: &#171;B&#233;ne baate ba lebuli la bafarichi, b&#233;ne ngane a bip&#603;le na bibunge bibatsoke ndile mu gili a gili. Mit&#233;me mia b&#233;ne na mataase mamabi na nzale a yibe miabase.&#187; 40A bidoke binebi: &#171;Nz&#603;mbi wuw&#224;vange niute a mutu m&#233; bombe niw&#224;vange na Lenioni?&#187; 41Ka v&#603;dani gulidi baba v&#603; na mats&#596;nge bibilidi guts&#596; bip&#603;le na bibilidi guts&#596; bibunge bia b&#233;ne. Avane maambe ma b&#233;ne makabu&#603;yi.</div><div class="p"> 42Tinge gulidi b&#233;ne baate ba lebuli la bafarichi, ba lav&#603;de gulidi Nz&#603;mbi imochi mu lekumi guts&#596; lewayi, na ndande na biv&#603;di biotchi bi b&#233;ne lat&#596;le guts&#596; manungi ma b&#233;ne. B&#233;ne dimbelenge let&#596;nde la Nz&#603;mbi na maambe m&#603;ndi ma may&#603;bene. T&#596; m&#596; ni maambe masade k&#603;ti atsomi, amane dimbele v&#603;. 43Tinge gulidi b&#233;ne baate ba lebuli la bafarichi, guts&#596; manz&#596; mabab&#596;nde Nz&#603;mbi, b&#233;ne t&#596;ndenge tsagelenge ndile mu bitchige bia tsomi. N&#224;y&#603;ndenge mu bitchige bia mukungii muti baate bav&#603;denge b&#233;ne basugi. 44Tinge gulidi b&#233;ne baate ba lebuli la bafarichi, b&#233;ne ngane a map&#233;chi mamav&#603; na bil&#233;mbe, ma baate bavi&#596;ge gu yulu a m&#596; lelidi.</div><div class="p"> 45Musupili mangidi ma Nz&#603;mbi mumochi n&#224;l&#603;le S&#233;se nd&#233;: &#171;A Mulongichi, w&#603; ng&#603; b&#233;se w&#603; v&#596;ngele va yambele maambe ma mulinge wunewu.&#187; 46S&#233;se n&#224;kale nd&#603; nd&#233;: &#171;Tinge gulidi b&#233;ne basupili ba baate mangidi ma Nz&#603;mbi, b&#233;ne papesenge baate mikunu mia l&#603;me mi b&#233;ne mu&#603;ne lesatoge pape v&#603;.&#187; 47Tinge gulidi b&#233;ne basupili ba mangidi ma Nz&#603;mbi, muti b&#233;ne l&#224;tonge map&#233;chi ma babigi ba mabige ma Nz&#603;mbi baba bakage ba b&#233;ne b&#224;bome. 48Va b&#233;ne latonge map&#233;chi ma babigi ba mabige ma Nz&#603;mbi baba bakage ba b&#233;ne b&#224;bome, b&#233;ne vane maambe ma b&#596; lachilele. 49Nimul&#596; Nz&#603;mbi muy&#603;bi maambe al&#603;le nd&#233;: &#171;M&#603; nitchindege b&#596; babigi ba mabige ma Nz&#603;mbi na batome b&#603;m&#603;. B&#596; nib&#225;bome bak&#603;, abane b&#596; nib&#225;mu&#603;se mimb&#596;nde.&#187; 50Nimul&#596;, Nz&#603;mbi ak&#225;tchise baate ba mvu&#603;gi chigi, mu bakage ba b&#596; b&#224;bome babigi ba mabige ma Nz&#603;mbi bande va lebande la ts&#603;nge. 51Mumbuli m&#603; l&#603;le b&#233;ne m&#233; Nz&#603;mbi n&#225;tchise baate ba mvu&#603;gi chigi muti bakage ba b&#596; b&#224;ts&#596;lese ndjine a baate b&#603;me bande va leku la Ab&#603;le kuange na va b&#224;bome Sakari pfu&#603;chi a itchige chib&#224;v&#603;denge malage na itini cha nz&#596; cha buyimbe. 52Tinge gulidi b&#233;ne basupili ba mangidi ma Nz&#603;mbi, muti b&#233;ne lem&#233;chi lesoge le bayabe buni babage Buyumune bua Nz&#603;mbi. B&#233;ne mu&#603;ne lesab&#233;gi lesoge labage bu&#596; v&#603;, mane b&#233;ne lekabakubesenge baate babat&#596;nde bage Buyumune mu&#603;ne. 53Va S&#233;se &#224;pole guts&#596; nz&#596; mutu wa lebuli la bafarichi, basupili ba mangidi ma Nz&#603;mbi na baate ba lebuli la bafarichi, nib&#224;m&#596;ne nd&#603; k&#233;chi yalotele. B&#596; nib&#224;dumenge nd&#603; mandjide malotele mu maambe mvuam&#596;v&#603;. 54B&#596; nib&#224;tchise S&#233;se mu yoge ti nd&#603; ayambele tchambe lelebi leb&#596; bakinate nd&#603; mu L&#596;.</div>
 </div>
 </div>
</div>

©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES

Letsuge lemochi, Sése àmane bɔnde Nzɛmbi, mutu mumochi vatsɔ baate bɛndi nàlɛle ndɛ ndé: «Kumu lɔngese bése buni babɔnde ngane a bu Sa àlɔngese baate bɛndi.» Sése nàlɛle bɔ ndé va béne labɔnde lɛlani ti:
«Taate a bése Nzɛmbi.
Buédi baate botchi bayabe ti wɛ Nzɛmbi Kumu a bɔ wuwavɛ sade mabi
Buyumune bua wɛ, bubuɛ bu kogele bulɔnge botchi.
Tsuge yotchi, vɛde bése biéle bia tchade.
Chindele maambe ma bése mamabi ngane a bu bése lachindele maambe mamabi ma baate basadele bése.
Yachingese ti bése leyoge maambe mabasɔge bése.»
Sése nàbàlɛle bɔ ndé: «Ti mutu vatsɔ béne alidi na mbɛgi a ndɛ wu ndɛ yɛnde gu bakese kɛti a kɛti a buchi akalɛle ndɛ ndé, a mbɛgi a mɛ sɔmbese mɛ mapɛ matate.» Mɛ mbɛgi wuwamate gu muniale mɛ lidi na ndɛ gu nzɔ. Mɛ salidi na biéle bia vɛde ndɛ vɛ. Ti mbɛgi wuwulidi gutsɔ nzɔ akale ndɛ ndé: Saba rɔkese mɛ, mɛ madibege nzɔ. Bése a baane lemalase. Mɛ chibatoge soge gu vɛde wɛ mapɛ vɛ. Mumbuli mɛ lɛle béne mé, ndɛ chisoge mu imbɛgi cha bone a ndɛ vɛ. Tɔ ndɛ ásoge gu vɛde ndɛ biotchi bi ndɛ lidi na nzale na biɔ mu lembande lɛndi. Nimulɔ mɛ lɛle béne mé, vɔndani bavɛde béne. Sagani béne labakese. Dumani badibele. Muti mutu wuwavɔnde bavɛde. Mutu wuwasage abakese. Badibele gulidi mutu wuwadume. Vatsɔ béne mutu ti alidi tɛyi, muane avɔnde ndɛ tchui, akavɛde ndɛ tɛdi? Voki avɔnde ndɛ lemvungu, akavɛde ndɛ ngénge? Kiti béne baate bababi, béne leyébi vɛde baane ba béne bikumbe bibibuɛ, mvuati na Taate a béne Nzɛmbi wulidi gu yulu kani wukibise vɛde gulidi baate botchi babavɔnde ndɛ Lenioni Labuyimbe?

Letsuge lemochi, Sése nàpose imɛme letɛnge lelàbade lapapene ndɛ mu niute. Letɛnge lepole, imɛme chiyambele, baate bàbàbade vane nibàgémbe. Tɔ baate bakɛ vatsɔ piti a baate, nibàlɛle bo: «Bélesébule, ivonde cha matɛnge niwavɛde ndɛ bungudi bua funze matɛnge muɛne.» Baate bakime mu tchitse Sése, nibàlɛle ndɛ bo sade bése imuile chichamate gu yulu. Tɔ Sése wuwayàbenge mataase ma bɔ bàbade na mɔ, nàlɛle bɔ ndé: «Va baate ba tsɛnge imochi baluane pfuɛchi a bɔ muɛne na bɔ muɛne, bitsuke biakagege, tsɛnge yikagude.» Ti baate ba itsuku cha Diabele baluane pfuɛchi a bɔ muɛne na bɔ muɛne, tsɛnge a ndɛ kabuni yikitoge guade? Muti béne lalɛle ti bungudi bua funze matɛnge na buɔ Bélesébule avɛde mɛ. Bélesébule ti niwavɛde mɛ bungudi bua funze matɛnge, baate ba béne bungudi bua funze matɛnge ka na avɛde bɔ? Baate ba béne muɛne nibabakitoge pose mupame a tchambe muɛne. Nzɛmbi kati niwavɛde mɛ bungudi bua funze matɛnge, yabani ti béne lemabage Buyumune bua Nzɛmbi.
Va mutu wuwulidi na bungudi akɛle nzɔ ndɛ na biluénili, mabuɛ mɛndi bachitoge yibe vɛ. Tɔ ti mutu wulutili ndɛ bungudi, aningele gu nzɔ ndɛ, akapatele biluénili biɛndi bi ndɛ sade chite mu biɔ, abome ndɛ, abɔnge mabuɛ mɛndi motchi, akakabe.
Mutu wuwusalidi mbɛgi a mɛ vɛ, ndɛ mubéli a mɛ. Namoni a mutu wuwusayamese mɛ mu kokese vɛ, ndɛ mutsɛmini.

Va letɛnge lapole gutsɔ niute a mutu mu niute, lɔ gutsɔ bitchige bia legɛngi layɛnde gu sage itchige cha tsagele. Lɔ levɛ bakese itchige cha tsagele lekàlɛle ti, ka buédi ti, mɛ gàbege gutsɔ niute a mutu yi mɛ bédi. Letɛnge legabege, lebakese nzɔ bagɔmbele bitsale bamavange. «Letɛnge muɛne lekàyɛnde gu bɔnge matɛnge tsaambe makime mamalotele lɔ bungudi. Matɛnge muɛne motchi mayɛnde, maningele gutsɔ niute a mutu, makatsagele. Mutsɛgili a mutu muɛne wanamanze, akalotele wa tsomi bubi.»

Va Sése àbade ki yambele ayambele, vatsɔ piti a baate mukaase nàlɛle ndé: «Bubuɛ gulidi mukaase wuwàbote na wuwàniuse wɛ lebɛne.» Tɔ Sése nàkale ndɛ ndé: «Bubuɛ gulidi baate babayoge mabige ma Nzɛmbi na sade buni mɔ màlɛle.»

Piti a baate yikokene va Sése àbade, ndɛ nàlɛle bɔ ndé: «Baate ba mvuɛgi, baate bababi balidi. Muti bɔ bafule mɛ mu sade bɔ imuile. Básákábásade bɔ imuile ikime va yulu a cha Sonase vɛ. Buni Sonase àbade ilémbe cha bichi Ninive, abone nibu mɛ Wuwàbɔnge ndjime a baate mɛ kábade ilémbe cha baate ba mvuɛgi. Letsuge le Nzɛmbi akápase mipame mia baate, mukaase wuwàyumunge gu tsɛnge a ngule a bande nátɛmene va busu bua baate ba mvuɛgi mu bome bɔ mambɛle. Muti ndɛ gu tsɛnge a vale amate mu yiyoge mabige ma Salemon muyɛbi a maambe. Tɔ vatsɔ béne na mutu wulutili Salemon yabe gua maambe. Letsuge le Nzɛmbi ákápase mipame mia baate, bichi Ninive na bɔ nibàtɛmene va busu bua baate ba mvuɛgi mu bome bɔ mambɛle. Muti bichi Ninive bagɛle bichidili bia maambe va bɔ bàyoge mabige ma Sonase àlɔngese bɔ. Tɔ vatsɔ béne na mutu wulutili Sonase.

«Mutu asatsome page mu kudege yɔ na mulumbe vɛ. Ndɛ tsome yɔ, akatémbe va gili a gili, mu ndé baate baningele gutsɔ nzɔ bakabade gutsɔ iyalele. Mise ma wɛ ni page a niute a wɛ. Ti mise ma wɛ buédi malidi, niute a wɛ na yɔ buédi ilidi. Tɔ ti mise ma wɛ bɛle mabɛle, niute a wɛ na yɔ bɛle yabɛle. Ka rambele ti iyalele chichilidi na wɛ yikakalege ipfunde. Niute a wɛ yotchi ti gutsɔ iyalele ilidi, ipfunde tchakavɛ, wɛ ndile ka gutsɔ iyalele ngane a va page yayingege.»

Sése àmane yambele, mutu wa lebuli la bafarichi nàtɛde ndɛ mu itchade gu nzɔ ndɛ. Sése àningele, àtsagele, nàtchade. Sése àbande tchade makake pa tsoke vɛ, mutu wa lebuli la bafarichi nàgémbe.
Tɔ Sése nàlɛle ndɛ ndé: «Béne baate ba lebuli la bafarichi, béne ngane a bipɛle na bibunge bibatsoke ndile mu gili a gili. Mitéme mia béne na mataase mamabi na nzale a yibe miabase.» A bidoke binebi: «Nzɛmbi wuwàvange niute a mutu mé bombe niwàvange na Lenioni?» Ka vɛdani gulidi baba vɛ na matsɔnge bibilidi gutsɔ bipɛle na bibilidi gutsɔ bibunge bia béne. Avane maambe ma béne makabuɛyi.
Tinge gulidi béne baate ba lebuli la bafarichi, ba lavɛde gulidi Nzɛmbi imochi mu lekumi gutsɔ lewayi, na ndande na bivɛdi biotchi bi béne latɔle gutsɔ manungi ma béne. Béne dimbelenge letɔnde la Nzɛmbi na maambe mɛndi ma mayɛbene. Tɔ mɔ ni maambe masade kɛti atsomi, amane dimbele vɛ. Tinge gulidi béne baate ba lebuli la bafarichi, gutsɔ manzɔ mababɔnde Nzɛmbi, béne tɔndenge tsagelenge ndile mu bitchige bia tsomi. Nàyɛndenge mu bitchige bia mukungii muti baate bavɛdenge béne basugi. Tinge gulidi béne baate ba lebuli la bafarichi, béne ngane a mapéchi mamavɛ na bilémbe, ma baate baviɔge gu yulu a mɔ lelidi.
Musupili mangidi ma Nzɛmbi mumochi nàlɛle Sése ndé: «A Mulongichi, wɛ ngɛ bése wɛ vɔngele va yambele maambe ma mulinge wunewu.» Sése nàkale ndɛ ndé: «Tinge gulidi béne basupili ba baate mangidi ma Nzɛmbi, béne papesenge baate mikunu mia lɛme mi béne muɛne lesatoge pape vɛ.» Tinge gulidi béne basupili ba mangidi ma Nzɛmbi, muti béne làtonge mapéchi ma babigi ba mabige ma Nzɛmbi baba bakage ba béne bàbome. Va béne latonge mapéchi ma babigi ba mabige ma Nzɛmbi baba bakage ba béne bàbome, béne vane maambe ma bɔ lachilele. Nimulɔ Nzɛmbi muyɛbi maambe alɛle ndé: «Mɛ nitchindege bɔ babigi ba mabige ma Nzɛmbi na batome bɛmɛ. Bɔ nibábome bakɛ, abane bɔ nibámuɛse mimbɔnde.» Nimulɔ, Nzɛmbi akátchise baate ba mvuɛgi chigi, mu bakage ba bɔ bàbome babigi ba mabige ma Nzɛmbi bande va lebande la tsɛnge. Mumbuli mɛ lɛle béne mé Nzɛmbi nátchise baate ba mvuɛgi chigi muti bakage ba bɔ bàtsɔlese ndjine a baate bɛme bande va leku la Abɛle kuange na va bàbome Sakari pfuɛchi a itchige chibàvɛdenge malage na itini cha nzɔ cha buyimbe. Tinge gulidi béne basupili ba mangidi ma Nzɛmbi, muti béne leméchi lesoge le bayabe buni babage Buyumune bua Nzɛmbi. Béne muɛne lesabégi lesoge labage buɔ vɛ, mane béne lekabakubesenge baate babatɔnde bage Buyumune muɛne. Va Sése àpole gutsɔ nzɔ mutu wa lebuli la bafarichi, basupili ba mangidi ma Nzɛmbi na baate ba lebuli la bafarichi, nibàmɔne ndɛ kéchi yalotele. Bɔ nibàdumenge ndɛ mandjide malotele mu maambe mvuamɔvɛ. Bɔ nibàtchise Sése mu yoge ti ndɛ ayambele tchambe lelebi lebɔ bakinate ndɛ mu Lɔ.

Kuuntele Luke 11