The Zaramo New Testament

<div class="version vid2373 iso6393zaj" data-vid="2373" data-iso6393="zaj">
 <div class="book bkLUK">
 <div class="chapter ch21" data-usfm="LUK.21">
 <div class="label">21</div><div class="s1">Nhosa ya Kizuka</div><div class="r">(Mlk. 12:41-44)</div><div class="p"> 1Yesu kawalola wanhu wose, kawona wagoli vowogela nhosa zao mkia cha kulavila nhosa, 2abaho, kamona kizuka imwe mkumbulu ng'hani kagela senti mbili. 3Yesu kalonga, &#8220;Nowalongela kizuka ino imkumbulu kagela nhosa ng'hulu kubanza wayagwe wose, 4kwavija wayagwe walava nhosa zao kulawa m'vinhu vibanzile mmali gao gali bwando, ila heyo, hamoja na ukumbulu wake, kalava vose vayatamanile.&#8221;</div><div class="s1">Yesu Kolonga Ubananzi wa Ng'anda ya Mulungu</div><div class="r">(Mat. 24:1-2; Mlk. 13:1-2)</div><div class="p"> 5Wanhu wayagwe wakala wolongelela woilonga Ing'anda ya Mulungu viihambigwe na mabwe ganogile na nhosa zilavigwa ha Mulungu. Yesu kalonga, 6&#8220;Gano gomkona hano, kipigiti chokwiza haduhu hata dibwe dimwe dondadilekigwe hachana ya diyagwe, gose golagazwa hasi.&#8221;</div><div class="s1">Kugaya na Kugazigwa</div><div class="r">(Mat. 24:3-14; Mlk. 13:3-13)</div><div class="p"> 7Wamuuza, &#8220;Mkulufunzi, mbuli zino zolawila zua jaki? Na choni chondakilawilile kutulagusila kamba kipigiti kivika cha mbuli ino kulawilila?&#8221;</div><div class="p"> 8Yesu kalonga, &#8220;Tegelezeni munhu sambiyawavwizile. Wanhu bwando wokwiza mtwaga jangu, wolonga, &#8216;Nie iyo Kilisto!&#8217; na, &#8216;Kipigiti kivika!&#8217; Ila sambimuwakoleleze. 9Sambimdumbe muhahulika ng'hondo na muhindumuhindu, kwavija vinhu kamba avo volondigwa visonge kulawila, ila ikimambukizo hakiza hima.&#8221;</div><div class="p"> 10Kagendelela kulonga, &#8220;Isi yogomba na isi iyagwe, na undewa wouvamhila undewa uyagwe. 11Kowa na mgudemo mkulu ng'hani wa isi, nzala na utamu hauhonaga hanhu na hanhu, kowa na vinhu va mkanganyo na va kudumbiza vilagala kulawa kuulanga. 12Ila mbuli zino zose kipigiti hazinalawila, tanhu, mogogigwa na kugazigwa, mogaligwa mzing'anda za nhambiko na kugeligwa mkifungo, mogaligwa mwa wandewa na mwa watawala sama yangu. 13Kino chowa kipigiti cha mweye kuzipeta mbuli zangu kumwao. 14Lamuleni mmioyo yenu kamba hamwiza kugelegeza avija vondamuigombeleze, 15kwavija nowagwelela ng'hungwe na mbuli za kulonga azo zondaziwatende wadumuka zenu wose sambiwadahe kuzilema ama kubamila. 16Mohonzigwa na watata zenu na wamama zenu na wakulu na wadodo zenu na wandugu zenu na wambwiga zenu, na wayagwe mmwanza wenu wokomigwa. 17Wanhu wose wowehila sama yangu. 18Ila haduhu hata luvili lumwe kulawa mmatwi genu londalupotele. 19Nanahileni, moikombola wenyego.</div><div class="s1">Yesu Koulonga Ubananzi wa Yelusalemu</div><div class="r">(Mat. 24:15-21; Mlk. 13:14-19)</div><div class="p"> 20&#8220;Muhajona wambo da Yelusalemu dizungulukwe na madale ga asikali, m'vitange kamba mkipigiti kiguhi dokwiza kubanangwa. 21Avo, awo wali Yudea wakimbilile m'vigongo, awo wali mdiwambo wasegele, na awo wali kumigunda sambiwabwele mdiwambo. 22Kwavija kino kicho kipigiti cha nhaguso, kugatenda gaja gose galongigwe Mzinyandiko Zing'alile galawile. 23Wogaya ng'hani watwanzi wali na inda mmazua higo na watwanzi wali na wana ving'hele! Mgayo mkulu wokwiza muisi ino, na lusango lukulu lwa Mulungu lowagwila wanhu wano. 24Wanhu wayagwe wokomigwa na mapanga, na wanhu wayagwe wosoligwa kamba wafungigwa na kupwililiswa muisi zose. Na wambo da Yelusalemu dobojagwa na Wamhazi, mbaka kipigiti chao vondakimale.</div><div class="s1">Kwiza kwa Mwana wa Munhu</div><div class="r">(Mat. 24:29-31; Mlk. 13:24-27)</div><div class="p"> 25&#8220;Kowa na vinhu va mkanganyo vondavilawile mdizua, mmulenge, na mnhondo. Muulumwengu, wanhu wa muisi zose wowa bule nhamanila, wodumba kisindo cha bahali na nyangi za kumema na kuhungula kwa ibahali. 26Wanhu wosinduka mkona bwembwe, wobeta wone chondakilawilile muulumwengu wose, kwavija mhiko za kuulanga zotigiswa. 27Aho baho hondawanyone nie, Mwana wa Munhu, nikwiza na mawingu na mhiko na yenzi ng'hulu. 28Mbuli zino zihasonga kulawila, imeni wima, mgangamale, kwavija ukombola wenu wa mmabehi.&#8221;</div><div class="s1">Fundo da Mtini</div><div class="r">(Mat. 24:32-35; Mlk. 13:28-31)</div><div class="p"> 29Abaho, Yesu kawalongela hala dino, &#8220;Ugelegezeni mtini na mibiki yose. 30Muhagona matepo gake gosonga kuzuka, movitanga kamba vuli da mmabehi. 31Vivija, muhazona mbuli zino zolawila, m'vitange kamba Undewa wa Mulungu wa mmabehi.</div><div class="p"> 32&#8220;Kweli nowalongela, wanhu wa mulelo uno hawesha wose mbaka mbuli zino zose zilawilile. 33Ulanga na isi vose vobita, ila mbuli zangu hazibita.</div><div class="s1">Kaleni Meso</div><div class="p"> 34&#8220;Teganyeni, mioyo yenu sambiibasakanywe na ngelegeza za kubukanya na kung'wa ugimbi na mbuli za ulumwengu uno, kwavija zua dija da ikimambukizo dowezila mkuwasinhukiza 35kamba mtego. Kwavija vivo vondadiwezile wanhu wose wokala kila hanhu muulumwengu. 36Kaleni meso mazua gose, na mtambike kipigiti chose giladi mwing'higwe mhiko za kubita muilegehe mmbuli hizo zose azo zondazilawile na kwima haulongozi wa nie, Mwana wa Munhu.&#8221;</div><div class="p"> 37Mazua gaja Yesu kakala yofundiza Kung'anda ya Mulungu, na ichungulo kakala yochola kuwasa kuna Ikigongo cha Mizaituni. 38Ndamuka ya kila imitondo wanhu wose wachola Kung'anda ya Mulungu kumtegeleza.</div>
 </div>
 </div>
</div>

Zaramo Bible Translation Project: © 2023 Pioneer Bible Translators  New Testament is a revision of: Zaramo New Testament: © 2020 The Word for the World International and © 2020 Pioneer Bible Translators

Yesu kawalola wanhu wose, kawona wagoli vowogela nhosa zao mkia cha kulavila nhosa, abaho, kamona kizuka imwe mkumbulu ng'hani kagela senti mbili. Yesu kalonga, “Nowalongela kizuka ino imkumbulu kagela nhosa ng'hulu kubanza wayagwe wose, kwavija wayagwe walava nhosa zao kulawa m'vinhu vibanzile mmali gao gali bwando, ila heyo, hamoja na ukumbulu wake, kalava vose vayatamanile.”


Wanhu wayagwe wakala wolongelela woilonga Ing'anda ya Mulungu viihambigwe na mabwe ganogile na nhosa zilavigwa ha Mulungu. Yesu kalonga, “Gano gomkona hano, kipigiti chokwiza haduhu hata dibwe dimwe dondadilekigwe hachana ya diyagwe, gose golagazwa hasi.”


Wamuuza, “Mkulufunzi, mbuli zino zolawila zua jaki? Na choni chondakilawilile kutulagusila kamba kipigiti kivika cha mbuli ino kulawilila?”
Yesu kalonga, “Tegelezeni munhu sambiyawavwizile. Wanhu bwando wokwiza mtwaga jangu, wolonga, ‘Nie iyo Kilisto!’ na, ‘Kipigiti kivika!’ Ila sambimuwakoleleze. Sambimdumbe muhahulika ng'hondo na muhindumuhindu, kwavija vinhu kamba avo volondigwa visonge kulawila, ila ikimambukizo hakiza hima.”
Kagendelela kulonga, “Isi yogomba na isi iyagwe, na undewa wouvamhila undewa uyagwe. Kowa na mgudemo mkulu ng'hani wa isi, nzala na utamu hauhonaga hanhu na hanhu, kowa na vinhu va mkanganyo na va kudumbiza vilagala kulawa kuulanga. Ila mbuli zino zose kipigiti hazinalawila, tanhu, mogogigwa na kugazigwa, mogaligwa mzing'anda za nhambiko na kugeligwa mkifungo, mogaligwa mwa wandewa na mwa watawala sama yangu. Kino chowa kipigiti cha mweye kuzipeta mbuli zangu kumwao. Lamuleni mmioyo yenu kamba hamwiza kugelegeza avija vondamuigombeleze, kwavija nowagwelela ng'hungwe na mbuli za kulonga azo zondaziwatende wadumuka zenu wose sambiwadahe kuzilema ama kubamila. Mohonzigwa na watata zenu na wamama zenu na wakulu na wadodo zenu na wandugu zenu na wambwiga zenu, na wayagwe mmwanza wenu wokomigwa. Wanhu wose wowehila sama yangu. Ila haduhu hata luvili lumwe kulawa mmatwi genu londalupotele. Nanahileni, moikombola wenyego.


“Muhajona wambo da Yelusalemu dizungulukwe na madale ga asikali, m'vitange kamba mkipigiti kiguhi dokwiza kubanangwa. Avo, awo wali Yudea wakimbilile m'vigongo, awo wali mdiwambo wasegele, na awo wali kumigunda sambiwabwele mdiwambo. Kwavija kino kicho kipigiti cha nhaguso, kugatenda gaja gose galongigwe Mzinyandiko Zing'alile galawile. Wogaya ng'hani watwanzi wali na inda mmazua higo na watwanzi wali na wana ving'hele! Mgayo mkulu wokwiza muisi ino, na lusango lukulu lwa Mulungu lowagwila wanhu wano. Wanhu wayagwe wokomigwa na mapanga, na wanhu wayagwe wosoligwa kamba wafungigwa na kupwililiswa muisi zose. Na wambo da Yelusalemu dobojagwa na Wamhazi, mbaka kipigiti chao vondakimale.


“Kowa na vinhu va mkanganyo vondavilawile mdizua, mmulenge, na mnhondo. Muulumwengu, wanhu wa muisi zose wowa bule nhamanila, wodumba kisindo cha bahali na nyangi za kumema na kuhungula kwa ibahali. Wanhu wosinduka mkona bwembwe, wobeta wone chondakilawilile muulumwengu wose, kwavija mhiko za kuulanga zotigiswa. Aho baho hondawanyone nie, Mwana wa Munhu, nikwiza na mawingu na mhiko na yenzi ng'hulu. Mbuli zino zihasonga kulawila, imeni wima, mgangamale, kwavija ukombola wenu wa mmabehi.”


Abaho, Yesu kawalongela hala dino, “Ugelegezeni mtini na mibiki yose. Muhagona matepo gake gosonga kuzuka, movitanga kamba vuli da mmabehi. Vivija, muhazona mbuli zino zolawila, m'vitange kamba Undewa wa Mulungu wa mmabehi.
“Kweli nowalongela, wanhu wa mulelo uno hawesha wose mbaka mbuli zino zose zilawilile. Ulanga na isi vose vobita, ila mbuli zangu hazibita.

“Teganyeni, mioyo yenu sambiibasakanywe na ngelegeza za kubukanya na kung'wa ugimbi na mbuli za ulumwengu uno, kwavija zua dija da ikimambukizo dowezila mkuwasinhukiza kamba mtego. Kwavija vivo vondadiwezile wanhu wose wokala kila hanhu muulumwengu. Kaleni meso mazua gose, na mtambike kipigiti chose giladi mwing'higwe mhiko za kubita muilegehe mmbuli hizo zose azo zondazilawile na kwima haulongozi wa nie, Mwana wa Munhu.”
Mazua gaja Yesu kakala yofundiza Kung'anda ya Mulungu, na ichungulo kakala yochola kuwasa kuna Ikigongo cha Mizaituni. Ndamuka ya kila imitondo wanhu wose wachola Kung'anda ya Mulungu kumtegeleza.

Kuuntele LUKA 21