<div class="version vid2373 iso6393zaj" data-vid="2373" data-iso6393="zaj">
 <div class="book bkEXO">
 <div class="chapter ch40" data-usfm="EXO.40">
 <div class="label">40</div><div class="s1">Hema da Kuiting'hanila Dosimikwa</div><div class="p"> 1Abaho MNDEWA kamulongela Musa, 2&#8220;Udisimike idihema da kuiting'hanila mdizua da ichanduso da mulenge wa ichanduso. 3Udingize mgati Idisanduku da Lagano na udikikiwize idisanduku na idiguo. 4Wingize mgati imeza na uvike via vake uchana yake. Vivija wingize mgati ikiguzo cha kwikila viwenge, na uvike iviwenge uchana yake. 5Wingize ikilingo cha zahabu cha kufushila ubane haulongozi wa Idisanduku da Lagano, na utungike guo hanhu ha kwingilila mdihema da kuiting'hanila. 6Kike ikilingo cha kulukuzila nhosa haulongozi wa hanhu ha kwingilila mdihema da kuiting'hanila. 7Wike teleko hagatigati ya idihema da kuiting'hanila na ikilingo cha kulukuzila nhosa, abaho udimemekeze mazi. 8Utende konhi kuzunguluka idihema da kuiting'hanila, abaho utungike guo hanhu ha kwingilila mdikonhi.</div><div class="p"> 9&#8220;Usole mavuta ga kubakala ugabakaze mdihema da kuiting'hanila na vinhu vose vili mgati yake, giladi uvibagule sama yangu nie. 10Usole mavuta ga kubakala ugabakaze mkilingo cha kulukuzila nhosa na via vake vose, giladi ukibagule sama yangu nie avo ikilingo chong'ala ng'hani. 11Usole mavuta ga kubakala ugabakaze mditeleko na kikalilo chake, giladi udibagule sama yangu nie.</div><div class="p"> 12&#8220;Wagale Haloni na wanage hanhu ha kwingilila mdihema da kuiting'hanila, abaho uwanave na mazi. 13Abaho m'vaze Haloni vivalo ving'alile, m'bake mavuta na um'bagule sama yangu nie, giladi yanisang'hanikile nie kamba mkulu wa nhambiko. 14Vivija uwagale wanage na uwavaze mashati gao. 15Abaho uwabake mavuta kamba vondaum'bake tataao, giladi wanisang'hanikile nie kamba wakulu wa nhambiko. Kubakigwa mavuta kumwao kowatenda wawe wakulu wa nhambiko hewo na milelo yao yondaize.&#8221;</div><div class="p"> 16Musa katenda kila kinhu kamba MNDEWA viyamulagize. 17Avo, mdizua da ichanduso da mulenge wa ichanduso wa mulao wa ikabili songela viwalawile Misili, wadisimika idihema da kuiting'hanila. 18Musa kadisimika idihema da kuiting'hanila mkwika vikalilo vake, mkuzinula felemu zake, mkuzigela boliti zake, na kuzisimika nguzo zake. 19Abaho kaikunzula imiguo ya kitani inogile isokotigwe na kudigubikiza idihema da kuiting'hanila uchana, na kwika ngubiko iyagwe itendigwe na ng'hwembe za songolomi wa ng'hondolo zisindikigwe na langi ndung'hu uchana yake na ngubiko ya kunze ya ng'hwembe zinogile, kamba MNDEWA viyamulagize Musa. 20Abaho kasola mbamha mbili za mabwe na kuzigela muna Idisanduku da Lagano. Kazigela izifimbo za kupapila muna ivitindi va idisanduku na kuika ingubiko ya idisanduku uchana yake. 21Abaho kadika Idisanduku da Lagano mgati ya idihema da kuiting'hanila na kutungika guo hagatigati ya Hanhu Hang'alile na Hanhu Hang'alile Ng'hani giladi yadikikiwize idisanduku, kamba MNDEWA viyamulagize Musa.</div><div class="p"> 22Keka meza mgati ya idihema da kuiting'hanila Hanhu Hang'alile, ng'ambu ya kaskazi, hanze ya idiguo, 23na kwandika imikate uchana yake haulongozi wa MNDEWA, kamba MNDEWA viyamulagize Musa. 24Keka ikiguzo cha kwikila viwenge mgati ya idihema da kuiting'hanila kikiilole na imeza ng'ambu ya kusi ya idihema da kuiting'hanila, 25na kavika iviwenge haulongozi wa MNDEWA, kamba MNDEWA viyamulagize Musa. 26Musa keka ikilingo cha zahabu cha kufushila ubane mgati ya idihema da kuiting'hanila haulongozi wa idiguo, 27na kufusha ubane unung'hila goya uchana yake, kamba MNDEWA viyamulagize Musa. 28Abaho katungika guo hanhu ha kwingilila mdihema da kuiting'hanila. 29Keka ikilingo cha kulukuzila nhosa hanhu ha kwingilila mdihema da kuiting'hanila, na kulava nhosa ya kulukuza na nhosa za usage uchana yake, kamba MNDEWA viyamulagize Musa. 30Keka teleko hagatigati ya idihema da kuiting'hanila na ikilingo cha kulukuzila nhosa na kudimemeza mazi mgati yake sama ya kuinavila. 31Musa, Haloni, na wanage wanava magulu na makono gao na mazi gakalile mditeleko dija 32kipigiti chochose viwengile mdihema da kuiting'hanila ama viwalondile kukikwenhukila ikilingo cha kulukuzila nhosa, kamba MNDEWA viyamulagize Musa. 33Abaho Musa katenda konhi kuzunguluka idihema da kuiting'hanila na ikilingo cha kulukuzila nhosa na kutungika guo hanhu ha kwingilila mdikonhi. Avo Musa kamambukiza sang'hano zose.</div><div class="s1">Wingu na Yenzi ya Mulungu</div><div class="r">(Mhet. 9:15-23)</div><div class="p"> 34Abaho wingu didigubika idihema da kuiting'hanila, na yenzi ya MNDEWA idimemeza idihema da kuiting'hanila. 35Musa hadahile kwingila mdihema da kuiting'hanila kwavija idiwingu dikala uchana yake, na yenzi ya MNDEWA idimemeza idihema da kuiting'hanila. 36Kipigiti dija idiwingu vudinuligwe uchana kulawa mdihema da kuiting'hanila, Waislaeli wagendelela na mwanza wodikweleleza idiwingu, 37ila kamba idiwingu hadinuligwe uchana, wasigala bahaja hawakalile mbaka idiwingu vudinuligwe uchana. 38Idiwingu da MNDEWA dikala uchana ya idihema da kuiting'hanila mkipigiti cha imisi, na moto ukala mdiwingu mkipigiti cha ikilo, hameso ga wanhu wose wa ng'anda ya Islaeli mkipigiti chose cha mwanza wao.</div>
 </div>
 </div>
</div>

Zaramo Bible Translation Project: © 2023 Pioneer Bible Translators  New Testament is a revision of: Zaramo New Testament: © 2020 The Word for the World International and © 2020 Pioneer Bible Translators

Abaho MNDEWA kamulongela Musa, “Udisimike idihema da kuiting'hanila mdizua da ichanduso da mulenge wa ichanduso. Udingize mgati Idisanduku da Lagano na udikikiwize idisanduku na idiguo. Wingize mgati imeza na uvike via vake uchana yake. Vivija wingize mgati ikiguzo cha kwikila viwenge, na uvike iviwenge uchana yake. Wingize ikilingo cha zahabu cha kufushila ubane haulongozi wa Idisanduku da Lagano, na utungike guo hanhu ha kwingilila mdihema da kuiting'hanila. Kike ikilingo cha kulukuzila nhosa haulongozi wa hanhu ha kwingilila mdihema da kuiting'hanila. Wike teleko hagatigati ya idihema da kuiting'hanila na ikilingo cha kulukuzila nhosa, abaho udimemekeze mazi. Utende konhi kuzunguluka idihema da kuiting'hanila, abaho utungike guo hanhu ha kwingilila mdikonhi.
“Usole mavuta ga kubakala ugabakaze mdihema da kuiting'hanila na vinhu vose vili mgati yake, giladi uvibagule sama yangu nie. Usole mavuta ga kubakala ugabakaze mkilingo cha kulukuzila nhosa na via vake vose, giladi ukibagule sama yangu nie avo ikilingo chong'ala ng'hani. Usole mavuta ga kubakala ugabakaze mditeleko na kikalilo chake, giladi udibagule sama yangu nie.
“Wagale Haloni na wanage hanhu ha kwingilila mdihema da kuiting'hanila, abaho uwanave na mazi. Abaho m'vaze Haloni vivalo ving'alile, m'bake mavuta na um'bagule sama yangu nie, giladi yanisang'hanikile nie kamba mkulu wa nhambiko. Vivija uwagale wanage na uwavaze mashati gao. Abaho uwabake mavuta kamba vondaum'bake tataao, giladi wanisang'hanikile nie kamba wakulu wa nhambiko. Kubakigwa mavuta kumwao kowatenda wawe wakulu wa nhambiko hewo na milelo yao yondaize.”
Musa katenda kila kinhu kamba MNDEWA viyamulagize. Avo, mdizua da ichanduso da mulenge wa ichanduso wa mulao wa ikabili songela viwalawile Misili, wadisimika idihema da kuiting'hanila. Musa kadisimika idihema da kuiting'hanila mkwika vikalilo vake, mkuzinula felemu zake, mkuzigela boliti zake, na kuzisimika nguzo zake. Abaho kaikunzula imiguo ya kitani inogile isokotigwe na kudigubikiza idihema da kuiting'hanila uchana, na kwika ngubiko iyagwe itendigwe na ng'hwembe za songolomi wa ng'hondolo zisindikigwe na langi ndung'hu uchana yake na ngubiko ya kunze ya ng'hwembe zinogile, kamba MNDEWA viyamulagize Musa. Abaho kasola mbamha mbili za mabwe na kuzigela muna Idisanduku da Lagano. Kazigela izifimbo za kupapila muna ivitindi va idisanduku na kuika ingubiko ya idisanduku uchana yake. Abaho kadika Idisanduku da Lagano mgati ya idihema da kuiting'hanila na kutungika guo hagatigati ya Hanhu Hang'alile na Hanhu Hang'alile Ng'hani giladi yadikikiwize idisanduku, kamba MNDEWA viyamulagize Musa.
Keka meza mgati ya idihema da kuiting'hanila Hanhu Hang'alile, ng'ambu ya kaskazi, hanze ya idiguo, na kwandika imikate uchana yake haulongozi wa MNDEWA, kamba MNDEWA viyamulagize Musa. Keka ikiguzo cha kwikila viwenge mgati ya idihema da kuiting'hanila kikiilole na imeza ng'ambu ya kusi ya idihema da kuiting'hanila, na kavika iviwenge haulongozi wa MNDEWA, kamba MNDEWA viyamulagize Musa. Musa keka ikilingo cha zahabu cha kufushila ubane mgati ya idihema da kuiting'hanila haulongozi wa idiguo, na kufusha ubane unung'hila goya uchana yake, kamba MNDEWA viyamulagize Musa. Abaho katungika guo hanhu ha kwingilila mdihema da kuiting'hanila. Keka ikilingo cha kulukuzila nhosa hanhu ha kwingilila mdihema da kuiting'hanila, na kulava nhosa ya kulukuza na nhosa za usage uchana yake, kamba MNDEWA viyamulagize Musa. Keka teleko hagatigati ya idihema da kuiting'hanila na ikilingo cha kulukuzila nhosa na kudimemeza mazi mgati yake sama ya kuinavila. Musa, Haloni, na wanage wanava magulu na makono gao na mazi gakalile mditeleko dija kipigiti chochose viwengile mdihema da kuiting'hanila ama viwalondile kukikwenhukila ikilingo cha kulukuzila nhosa, kamba MNDEWA viyamulagize Musa. Abaho Musa katenda konhi kuzunguluka idihema da kuiting'hanila na ikilingo cha kulukuzila nhosa na kutungika guo hanhu ha kwingilila mdikonhi. Avo Musa kamambukiza sang'hano zose.


Abaho wingu didigubika idihema da kuiting'hanila, na yenzi ya MNDEWA idimemeza idihema da kuiting'hanila. Musa hadahile kwingila mdihema da kuiting'hanila kwavija idiwingu dikala uchana yake, na yenzi ya MNDEWA idimemeza idihema da kuiting'hanila. Kipigiti dija idiwingu vudinuligwe uchana kulawa mdihema da kuiting'hanila, Waislaeli wagendelela na mwanza wodikweleleza idiwingu, ila kamba idiwingu hadinuligwe uchana, wasigala bahaja hawakalile mbaka idiwingu vudinuligwe uchana. Idiwingu da MNDEWA dikala uchana ya idihema da kuiting'hanila mkipigiti cha imisi, na moto ukala mdiwingu mkipigiti cha ikilo, hameso ga wanhu wose wa ng'anda ya Islaeli mkipigiti chose cha mwanza wao.

Kuuntele KUHALAWA 40