Tuwali Ifugao - 2004 Edition (Drama - NT)

<div class="version vid2123 iso6393ifk" data-vid="2123" data-iso6393="ifk">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="p"> 1Handih maid ni-an am-in hantudan wadad uwani ya wada tuwali nan Kali an mangipainilan Apu Dios. Hiya ya wada ke Apu Dios te Dios tuwali. 2Wada tuwali ke Apu Dios ot ahi mawadan am-in tun wadad uwani. 3Ot gapu ke hiya ya naltun am-in ya maid di oha an uggena lintu. 4Hiyay nalpuwan di biyag ya hiyay dilag an mamat-al hi nomnom di tagu ta maawatan day pangi-en Apu Dios. 5Hiyay mamat-al hi tapol an punnomnom di tagu. Ya hiya ya adinadaman mama-id, mu munnananong ta nangamung.</div><div class="p"> 6,7Wada nan tagun hi Juan di ngadanan pinilin Apu Dios an mangipainila mipanggep kediyen dilag ta kal-ina ot ya kulugon am-in di tagu. 8Bokon hi Juan hidiyen dilag, mu immali ya abun mangipainila kediyen kanan dan dilag.</div><div class="p"> 9Hidiyen dilag ya immali tuh luta te hiya ya abuy mamat-al hi nomnom di tagu. 10Hiyay gapunah naltuwan am-in tun wadah luta, mu handih immali ya ugge inimatunan di tatagu. 11Immali ot makiha-ad hi tataguna, mu dakol ke diday ugge nangabulut ke hiya. 12Wadaday nangabulut ke hiya ot diday indatanah kalebbengan an mibilang an imbabalen Apu Dios te nundinol dan hiya. 13Hidiyen nibilangan dan imbabalen Apu Dios ya adi umat hi pangibilang di taguh imbabalenan mitungo, te hay nibilangan da ya gapuh kabaelan Apu Dios, ta hidiye nan hiya moy Ama da.</div><div class="p"> 14Hidiyen Kali an mangipainilan Apu Dios ya numbalin hi tagu ot makiha-ad ni-an ke ditaku tuh luta. Tinibotibo mi ot inilaon min hiya nan binugtung an Imbabalen Apu Dios an kitib-an di dayaw Amana te makaulle tuwalin ditakun tatagu ya makulug am-in di kalyona. 15Hiyay impainilan Juan an kananay &#8220;Hiyah tuwe nan madayaw an tagun kinalik ke dakayun ahi umalin natag-en abu mu ha-on te hiya ya wada tuwali ot ahiyak mawada.&#8221;</div><div class="p"> 16Gapuh ongal an ulenan ditakun tatagu ya dakkodakkol di kiphodan an dawaton taku. 17Hanan Tugun Apu Dios ya hi Moses di nangipainila, mu nan ongal an ulen Apu Dios ya nan makulug an mipanggep ke hiya ya hi Jesu Kristoy nangipainila. 18Maid di tagun nanibon Apu Dios, te abunah diyen binugtung an Imbabalenan wadat nangamung ke hiya. Ot hiyay nangipainilan Apu Dios.</div><div class="s">Hay ituttudun Juan an mumbonyag</div><div class="r">(Mateo 3:1-12; Marcos 1:1-8; Lucas 3:1-18)</div><div class="p"> 19Hanadan ap-apun di Judyu an Pharisee ad Jerusalem ya intud-ak da nadan padi ya nadan bumadbaddang ke didah simbaan hi kad-an Juan ta eda mahmahan hin dahdi hiya. 20Ya makulug di inhumang Juan an kananay &#8220;Bokon ha-oy hi Kristo an tinuddun Apu Dios an mangipaptok hi tatagu.&#8221; 21Kanan dan hiyay &#8220;Kon he-a moh Elijah?&#8221; Kanan Juan di &#8220;Bokon.&#8221; Ot kanan da boy &#8220;Kon he-a mo nan kanan Apu Dios an ahi umalin profetas?&#8221; Kanan bon Juan di &#8220;Bokon.&#8221; 22Indani ya kanan dan hiyay &#8220;Ot dahdi ka mo? Mahapul an humangom ta waday kalyon mi nadah nangitud-ak ke dakami mipanggep ke he-a. Nganney kalyom mipanggep hi adol mu?&#8221; 23Kanan Juan di &#8220;Ha-oy nan inabig din hi Isaiah an profetas handih done an kananay</div><div class="q1">&#8216;Wada nan tagun ahi muntuttudu nah adi maboblayan an kananay &#8220;Iphod yuy dalanon nan Ap-apu taku.&#8221; &#8217;&#8221;#1:23 Hay pinhod tuwen kalyon ya mundadaan kayu an iphod yuy pangi-eyu te umali nan Ap-apu taku.</div><div class="p"> 24,25Indani ya kanan bon nadan intud-ak di Phariseey &#8220;Deket bokon he-ah Kristo weno hi Elijah ya bokon he-a nan profetas Apu Dios an umali, antipet bonyagam di tatagu?&#8221; 26Ya hinumang Juan an kananay &#8220;Om, mumbonyagak hi tatagu, mu danum ya abuy pamonyag ku. Mu waday oha tuh kad-an takud uwani an uggeyu inila. 27Hiya nan kanak an ahi umalin mihannot ke ha-on. Hiya ya natagtag-e mu ha-on, ta takon di hay mangubad hi gakod di apatut na ya nakababbaak an mangat kediye.&#8221; 28Hituwey naat ad Betania an dommang nan Wangwang an Jordan an numbonyagan Juan hi tatagu.</div><div class="s">Hi Jesus ya mialig hi kalnero te nate gapuh liwat di tagu</div><div class="p"> 29Handih nabiggatana ya tinibon Juan hi Jesus an mangalih kad-ana ot kanana nadah tataguy &#8220;Deyan mangali nan mumpakawan hi liwat di tagu. Hiya nan kanan dan Kalneron miappit ke Apu Dios. 30Hituwe nan kanak an umalin natagtag-e mu ha-on te wada tuwali ot ahiyak mawada. 31Ha-oy ya uggek ni-an inila, yaden hiyay gapunan pumbonyagak di tataguh tud Israel ta inilaon da hiya.&#8221;</div><div class="p"> 32Hituwey kanan Juan hi nanginilaanan Jesus: &#8220;Tinibok nan Espiritun Apu Dios an kay paloman nalpuh langit ot umpan hiya ya inilak mon hiyah Kristo. 33Te handih nangitud-akan Apu Dios ke ha-on an e mamonyag hi tataguh danum ya kananay &#8216;Hanan umaliyan di Espirituk an kay palomay ang-ang na ya hidiyeh Kristo. Hiyay mangibonyag hi Espirituk hi tatagu.&#8217; 34Tinibok am-in datuwen naat, kinali ihadak kun hiya ya Imbabalen Apu Dios.&#8221;</div><div class="s">Hay nanginilaan da Pedro ya hi Andres ke Jesus</div><div class="p"> 35,36Nabigat bon diyen muntattaddog da Juan ya nadan duwan ibbana ya mungkala-uh Jesus ot kanan Juan ke diday &#8220;Hiyah tuwe nan mialig an Kalneron miappit ke Apu Dios.&#8221; 37Dingngol dah diyen kinalin Juan ya pinghanadi ya niunud dan Jesus. 38Nunwingih Jesus ya tinibo nan mituntun-ud dan hiya ot kananan diday &#8220;Nganney pinhod yu?&#8221; Ya kanan dan hiyay &#8220;Apu, daanay kiha-ha-adam?&#8221; 39Ya kananan diday &#8220;Makayu ta eyu tibon.&#8221; Naki-e da ot makihumhummangan dan Jesus nipalpuh himbatangan ingganay mahilong.</div><div class="p"> 40Hay ngadan nan oha an nangngol hi kinalin Juan ot miunud ke Jesus ya hi Andres an tulang Simon Pedro. 41Hay namangulun inat Andres ya ena tiniboh tulang nan hi Simon ot kananan hiyay &#8220;Tinibo mih Kriston tinuddun Apu Dios an mangipaptok hi tagu.&#8221; 42Ot ikuyug Andres hi Simon hi kad-an Jesus ya kanan Jesus ke hiyay &#8220;He-ah Simon an imbabalen Juan, mu ad uwani ya hannotak di ngadan mu ta he-a moh Pedro.&#8221; Hay kibalinan tuwen ngadan ya Batu.</div><div class="s">Hi Felipe ke Nataniel ya disipulos damdaman Jesus dida</div><div class="p"> 43Nabigat kediye ya ninomnom Jesus an umed Galilee. Tinibo nah Felipe ot kananan hiyay &#8220;Mikuyug kan ha-on.&#8221; 44Hi Felipe an iBetsaida ya kaboblayana da Andres ke Pedro. 45E tinibon Felipeh Nataniel ot kananan hiyay &#8220;Tinibo mih Kristo an mipanggep ke hiyay intudok Moses ya handidan profetas. Hay ngadana ya hi Jesus an iNasaret an imbabalen Joseph.&#8221; 46Mu kanan Nataniel di &#8220;Kon waday maphod hi iNasaret?&#8221; Ya kanan Felipe ke hiyay &#8220;Makat em tibon.&#8221;</div><div class="p"> 47Inang-ang Jesus an mangali da Nataniel ot kananay &#8220;Hituwey makulug an holag Israel an maandong di pangi-ena.&#8221; 48Ya kanan Nataniel di &#8220;Antipet inilaak ke he-a?&#8221; Kanan Jesus di &#8220;Man tinibo daka tuwali handih punhidhidummam nah puun di kaiw an fig ot ahi daka e awiton ke Felipe.&#8221; 49Ot kanan Nataniel ke hiyay &#8220;Apu, makulug an He-ay makulug an Ap-apun di holag Israel!&#8221; 50Kanan Jesus ke hiyay &#8220;Wadan kinulugak te kanak di tinibo daka nah puun di kaiw. Mu wada pay di udum an namammam-an ahim kamodwongan mu hituwe.&#8221; 51Kanan bon Jesus di, &#8220;Donglonak ke dakayu te makulug an ahiyu tibon an mabukatan di kabunyan ya wadaday anghel Apu Dios an mumbinangngad an umalih kad-ak an Panguluwan di tagu.&#8221;</div><div class="s">Hay kasal ad Kana</div>
 </div>
 </div>
</div>

Handih maid ni-an am-in hantudan wadad uwani ya wada tuwali nan Kali an mangipainilan Apu Dios. Hiya ya wada ke Apu Dios te Dios tuwali. Wada tuwali ke Apu Dios ot ahi mawadan am-in tun wadad uwani. Ot gapu ke hiya ya naltun am-in ya maid di oha an uggena lintu. Hiyay nalpuwan di biyag ya hiyay dilag an mamat-al hi nomnom di tagu ta maawatan day pangi-en Apu Dios. Hiyay mamat-al hi tapol an punnomnom di tagu. Ya hiya ya adinadaman mama-id, mu munnananong ta nangamung.
Wada nan tagun hi Juan di ngadanan pinilin Apu Dios an mangipainila mipanggep kediyen dilag ta kal-ina ot ya kulugon am-in di tagu. Bokon hi Juan hidiyen dilag, mu immali ya abun mangipainila kediyen kanan dan dilag.
Hidiyen dilag ya immali tuh luta te hiya ya abuy mamat-al hi nomnom di tagu. Hiyay gapunah naltuwan am-in tun wadah luta, mu handih immali ya ugge inimatunan di tatagu. Immali ot makiha-ad hi tataguna, mu dakol ke diday ugge nangabulut ke hiya. Wadaday nangabulut ke hiya ot diday indatanah kalebbengan an mibilang an imbabalen Apu Dios te nundinol dan hiya. Hidiyen nibilangan dan imbabalen Apu Dios ya adi umat hi pangibilang di taguh imbabalenan mitungo, te hay nibilangan da ya gapuh kabaelan Apu Dios, ta hidiye nan hiya moy Ama da.
Hidiyen Kali an mangipainilan Apu Dios ya numbalin hi tagu ot makiha-ad ni-an ke ditaku tuh luta. Tinibotibo mi ot inilaon min hiya nan binugtung an Imbabalen Apu Dios an kitib-an di dayaw Amana te makaulle tuwalin ditakun tatagu ya makulug am-in di kalyona. Hiyay impainilan Juan an kananay “Hiyah tuwe nan madayaw an tagun kinalik ke dakayun ahi umalin natag-en abu mu ha-on te hiya ya wada tuwali ot ahiyak mawada.”
Gapuh ongal an ulenan ditakun tatagu ya dakkodakkol di kiphodan an dawaton taku. Hanan Tugun Apu Dios ya hi Moses di nangipainila, mu nan ongal an ulen Apu Dios ya nan makulug an mipanggep ke hiya ya hi Jesu Kristoy nangipainila. Maid di tagun nanibon Apu Dios, te abunah diyen binugtung an Imbabalenan wadat nangamung ke hiya. Ot hiyay nangipainilan Apu Dios.


Hanadan ap-apun di Judyu an Pharisee ad Jerusalem ya intud-ak da nadan padi ya nadan bumadbaddang ke didah simbaan hi kad-an Juan ta eda mahmahan hin dahdi hiya. Ya makulug di inhumang Juan an kananay “Bokon ha-oy hi Kristo an tinuddun Apu Dios an mangipaptok hi tatagu.” Kanan dan hiyay “Kon he-a moh Elijah?” Kanan Juan di “Bokon.” Ot kanan da boy “Kon he-a mo nan kanan Apu Dios an ahi umalin profetas?” Kanan bon Juan di “Bokon.” Indani ya kanan dan hiyay “Ot dahdi ka mo? Mahapul an humangom ta waday kalyon mi nadah nangitud-ak ke dakami mipanggep ke he-a. Nganney kalyom mipanggep hi adol mu?” Kanan Juan di “Ha-oy nan inabig din hi Isaiah an profetas handih done an kananay
‘Wada nan tagun ahi muntuttudu nah adi maboblayan an kananay “Iphod yuy dalanon nan Ap-apu taku.” ’”
Indani ya kanan bon nadan intud-ak di Phariseey “Deket bokon he-ah Kristo weno hi Elijah ya bokon he-a nan profetas Apu Dios an umali, antipet bonyagam di tatagu?” Ya hinumang Juan an kananay “Om, mumbonyagak hi tatagu, mu danum ya abuy pamonyag ku. Mu waday oha tuh kad-an takud uwani an uggeyu inila. Hiya nan kanak an ahi umalin mihannot ke ha-on. Hiya ya natagtag-e mu ha-on, ta takon di hay mangubad hi gakod di apatut na ya nakababbaak an mangat kediye.” Hituwey naat ad Betania an dommang nan Wangwang an Jordan an numbonyagan Juan hi tatagu.

Handih nabiggatana ya tinibon Juan hi Jesus an mangalih kad-ana ot kanana nadah tataguy “Deyan mangali nan mumpakawan hi liwat di tagu. Hiya nan kanan dan Kalneron miappit ke Apu Dios. Hituwe nan kanak an umalin natagtag-e mu ha-on te wada tuwali ot ahiyak mawada. Ha-oy ya uggek ni-an inila, yaden hiyay gapunan pumbonyagak di tataguh tud Israel ta inilaon da hiya.”
Hituwey kanan Juan hi nanginilaanan Jesus: “Tinibok nan Espiritun Apu Dios an kay paloman nalpuh langit ot umpan hiya ya inilak mon hiyah Kristo. Te handih nangitud-akan Apu Dios ke ha-on an e mamonyag hi tataguh danum ya kananay ‘Hanan umaliyan di Espirituk an kay palomay ang-ang na ya hidiyeh Kristo. Hiyay mangibonyag hi Espirituk hi tatagu.’ Tinibok am-in datuwen naat, kinali ihadak kun hiya ya Imbabalen Apu Dios.”

Nabigat bon diyen muntattaddog da Juan ya nadan duwan ibbana ya mungkala-uh Jesus ot kanan Juan ke diday “Hiyah tuwe nan mialig an Kalneron miappit ke Apu Dios.” Dingngol dah diyen kinalin Juan ya pinghanadi ya niunud dan Jesus. Nunwingih Jesus ya tinibo nan mituntun-ud dan hiya ot kananan diday “Nganney pinhod yu?” Ya kanan dan hiyay “Apu, daanay kiha-ha-adam?” Ya kananan diday “Makayu ta eyu tibon.” Naki-e da ot makihumhummangan dan Jesus nipalpuh himbatangan ingganay mahilong.
Hay ngadan nan oha an nangngol hi kinalin Juan ot miunud ke Jesus ya hi Andres an tulang Simon Pedro. Hay namangulun inat Andres ya ena tiniboh tulang nan hi Simon ot kananan hiyay “Tinibo mih Kriston tinuddun Apu Dios an mangipaptok hi tagu.” Ot ikuyug Andres hi Simon hi kad-an Jesus ya kanan Jesus ke hiyay “He-ah Simon an imbabalen Juan, mu ad uwani ya hannotak di ngadan mu ta he-a moh Pedro.” Hay kibalinan tuwen ngadan ya Batu.

Nabigat kediye ya ninomnom Jesus an umed Galilee. Tinibo nah Felipe ot kananan hiyay “Mikuyug kan ha-on.” Hi Felipe an iBetsaida ya kaboblayana da Andres ke Pedro. E tinibon Felipeh Nataniel ot kananan hiyay “Tinibo mih Kristo an mipanggep ke hiyay intudok Moses ya handidan profetas. Hay ngadana ya hi Jesus an iNasaret an imbabalen Joseph.” Mu kanan Nataniel di “Kon waday maphod hi iNasaret?” Ya kanan Felipe ke hiyay “Makat em tibon.”
Inang-ang Jesus an mangali da Nataniel ot kananay “Hituwey makulug an holag Israel an maandong di pangi-ena.” Ya kanan Nataniel di “Antipet inilaak ke he-a?” Kanan Jesus di “Man tinibo daka tuwali handih punhidhidummam nah puun di kaiw an fig ot ahi daka e awiton ke Felipe.” Ot kanan Nataniel ke hiyay “Apu, makulug an He-ay makulug an Ap-apun di holag Israel!” Kanan Jesus ke hiyay “Wadan kinulugak te kanak di tinibo daka nah puun di kaiw. Mu wada pay di udum an namammam-an ahim kamodwongan mu hituwe.” Kanan bon Jesus di, “Donglonak ke dakayu te makulug an ahiyu tibon an mabukatan di kabunyan ya wadaday anghel Apu Dios an mumbinangngad an umalih kad-ak an Panguluwan di tagu.”

Kuuntele Juan 1