<div class="version vid1703 iso6393glv" data-vid="1703" data-iso6393="glv">
    <div class="book bkSIR">
        <div class="chapter ch2" data-usfm="SIR.2">
            <div class="label">2</div><div class="s"><span class="heading">CAB. II.</span></div><div class="p"><span class="content">  </span><span class="verse v1" data-usfm="SIR.2.1"><span class="label">1</span><span class="content">My vac, my t&#8217;ou cheet dy hirveish y Chiarn, kiare dty annym son seaghyn.</span></span></div><div class="p"><span class="verse v1" data-usfm="SIR.2.1"><span class="content">  </span></span><span class="verse v2" data-usfm="SIR.2.2"><span class="label">2</span><span class="content">Niartee dty chree, as jean gymmyrkey oo hene dy dunnal, as ny eiyr er drogh haaseyn dy haghney seaghyn.</span></span></div><div class="p"><span class="verse v2" data-usfm="SIR.2.2"><span class="content">  </span></span><span class="verse v3" data-usfm="SIR.2.3"><span class="label">3</span><span class="content">Cum shickyr huggey, as ny scugh dy lhiattee, dy vod oo ve er dty vishaghey ec y jerrey.</span></span></div><div class="p"><span class="verse v3" data-usfm="SIR.2.3"><span class="content">  </span></span><span class="verse v4" data-usfm="SIR.2.4"><span class="label">4</span><span class="content">Cre-erbee hig dty raad gow dy mie rish: as bee surransagh tra t&#8217;ou er ny chaghlaa gys stayd injil.</span></span></div><div class="p"><span class="verse v4" data-usfm="SIR.2.4"><span class="content">  </span></span><span class="verse v5" data-usfm="SIR.2.5"><span class="label">5</span><span class="content">Son ta airh er ny phrowal ayns yn aile, as deiney cairal ayns y choirrey dy heaghyn.</span></span></div><div class="p"><span class="verse v5" data-usfm="SIR.2.5"><span class="content">  </span></span><span class="verse v6" data-usfm="SIR.2.6"><span class="label">6</span><span class="content">Cred aynsyn, as nee eh cooney lhiat, freill dty chesmadyn dy kiart, as cur dty hreishteil ayn.</span></span></div><div class="p"><span class="verse v6" data-usfm="SIR.2.6"><span class="content">  </span></span><span class="verse v7" data-usfm="SIR.2.7"><span class="label">7</span><span class="content">Shiuish ta goaill aggle roish y Chiarn, farkee jee er e vyghin, as ny gow-jee dy lhiattee, er aggle dy duitt shiu.</span></span></div><div class="p"><span class="verse v7" data-usfm="SIR.2.7"><span class="content">  </span></span><span class="verse v8" data-usfm="SIR.2.8"><span class="label">8</span><span class="content">Shiuish ta goaill aggle roish y Chiarn, cred-jee ayn, as cha jean nyn leagh failleil.</span></span></div><div class="p"><span class="verse v8" data-usfm="SIR.2.8"><span class="content">  </span></span><span class="verse v9" data-usfm="SIR.2.9"><span class="label">9</span><span class="content">Shiuish ta goaill aggle roish y Chiarn, jeeagh-jee son bannaght, as son boggey dy bragh farraghtyn, as myghin.</span></span></div><div class="p"><span class="verse v9" data-usfm="SIR.2.9"><span class="content">  </span></span><span class="verse v10" data-usfm="SIR.2.10"><span class="label">10</span><span class="content">Jeeagh-jee gys sheelogheyn y chenn earish, as toig-jee: row rieau fer erbee, hug e hreishteil ayns y Chiarn, er ny choyrt mow? ny row rieau fer erbee, ren tannaghtyn ayns e aggle, er ny hreigeil? ny quoi ren eh rieau soiaghey beg jeh, ren geamagh er?</span></span></div><div class="p"><span class="verse v10" data-usfm="SIR.2.10"><span class="content">  </span></span><span class="verse v11" data-usfm="SIR.2.11"><span class="label">11</span><span class="content">Son ta&#8217;n Chiarn lane dy hymmey as dy vyghin; foddey-surransagh, as feer erreeishagh, as leih peccaghyn, as sauail ayns earish seaghyn.</span></span></div><div class="p"><span class="verse v11" data-usfm="SIR.2.11"><span class="content">  </span></span><span class="verse v12" data-usfm="SIR.2.12"><span class="label">12</span><span class="content">Smerg da&#8217;n moal-chreeagh, as y lhag-lauee, as y peccagh ta </span><span class="note f"><span class="label">#</span><span class=" body"><span class="ft">Jeh cree dooble.</span></span></span><span class="content">goaill daa raad.</span></span></div><div class="p"><span class="verse v12" data-usfm="SIR.2.12"><span class="content">  </span></span><span class="verse v13" data-usfm="SIR.2.13"><span class="label">13</span><span class="content">Smerg da&#8217;n moal-chreeagh, son ta e chredjue faase, shen-y-fa cha bee eh er ny choadey.</span></span></div><div class="p"><span class="verse v13" data-usfm="SIR.2.13"><span class="content">  </span></span><span class="verse v14" data-usfm="SIR.2.14"><span class="label">14</span><span class="content">Smerg diuish t&#8217;er choayll nyn meenid fo surranse: as cre&#8217;n erree hig erriu, tra lhieys y Chiarn e laue erriu?</span></span></div><div class="p"><span class="verse v14" data-usfm="SIR.2.14"><span class="content">  </span></span><span class="verse v15" data-usfm="SIR.2.15"><span class="label">15</span><span class="content">Adsyn ta goaill aggle roish y Chiarn, cha bee ad mee-viallagh gys e ghoo, as adsyn ta graihagh er, freillee ad e raaidyn.</span></span></div><div class="p"><span class="verse v15" data-usfm="SIR.2.15"><span class="content">  </span></span><span class="verse v16" data-usfm="SIR.2.16"><span class="label">16</span><span class="content">Adsyn ta goaill aggle roish y Chiarn, eiyree ad er shen ta taitnyssagh huggeysyn, as adsyn ta graihagh er, bee ad jeant magh lesh e leigh.</span></span></div><div class="p"><span class="verse v16" data-usfm="SIR.2.16"><span class="content">  </span></span><span class="verse v17" data-usfm="SIR.2.17"><span class="label">17</span><span class="content">Adsyn ta goaill aggle roish y Chiarn, kiartee ad nyn greeaghyn, as nyn anmeenyn y injillaghey ayns e hilley.</span></span></div><div class="p"><span class="verse v17" data-usfm="SIR.2.17"><span class="content">  </span></span><span class="verse v18" data-usfm="SIR.2.18"><span class="label">18</span><span class="content">Gra, Lhig dooin tuittym ayns laueyn y Chiarn, as cha nee ayns laueyn deiney: son lheid as ta e ard-ooashley, lheid cheddin ta e vyghin.</span></span></div>
        </div>
    </div>
</div>

© Society for Promoting Christian Knowledge (SPCK) under licence to the British and Foreign Bible Society (BFBS) 2017

My vac, my t’ou cheet dy hirveish y Chiarn, kiare dty annym son seaghyn.
Niartee dty chree, as jean gymmyrkey oo hene dy dunnal, as ny eiyr er drogh haaseyn dy haghney seaghyn.
Cum shickyr huggey, as ny scugh dy lhiattee, dy vod oo ve er dty vishaghey ec y jerrey.
Cre-erbee hig dty raad gow dy mie rish: as bee surransagh tra t’ou er ny chaghlaa gys stayd injil.
Son ta airh er ny phrowal ayns yn aile, as deiney cairal ayns y choirrey dy heaghyn.
Cred aynsyn, as nee eh cooney lhiat, freill dty chesmadyn dy kiart, as cur dty hreishteil ayn.
Shiuish ta goaill aggle roish y Chiarn, farkee jee er e vyghin, as ny gow-jee dy lhiattee, er aggle dy duitt shiu.
Shiuish ta goaill aggle roish y Chiarn, cred-jee ayn, as cha jean nyn leagh failleil.
Shiuish ta goaill aggle roish y Chiarn, jeeagh-jee son bannaght, as son boggey dy bragh farraghtyn, as myghin.
Jeeagh-jee gys sheelogheyn y chenn earish, as toig-jee: row rieau fer erbee, hug e hreishteil ayns y Chiarn, er ny choyrt mow? ny row rieau fer erbee, ren tannaghtyn ayns e aggle, er ny hreigeil? ny quoi ren eh rieau soiaghey beg jeh, ren geamagh er?
Son ta’n Chiarn lane dy hymmey as dy vyghin; foddey-surransagh, as feer erreeishagh, as leih peccaghyn, as sauail ayns earish seaghyn.
Smerg da’n moal-chreeagh, as y lhag-lauee, as y peccagh ta goaill daa raad.
Smerg da’n moal-chreeagh, son ta e chredjue faase, shen-y-fa cha bee eh er ny choadey.
Smerg diuish t’er choayll nyn meenid fo surranse: as cre’n erree hig erriu, tra lhieys y Chiarn e laue erriu?
Adsyn ta goaill aggle roish y Chiarn, cha bee ad mee-viallagh gys e ghoo, as adsyn ta graihagh er, freillee ad e raaidyn.
Adsyn ta goaill aggle roish y Chiarn, eiyree ad er shen ta taitnyssagh huggeysyn, as adsyn ta graihagh er, bee ad jeant magh lesh e leigh.
Adsyn ta goaill aggle roish y Chiarn, kiartee ad nyn greeaghyn, as nyn anmeenyn y injillaghey ayns e hilley.
Gra, Lhig dooin tuittym ayns laueyn y Chiarn, as cha nee ayns laueyn deiney: son lheid as ta e ard-ooashley, lheid cheddin ta e vyghin.

Kuuntele Sirach (Ecclesiasticus) 2