San Andres Islander Creole - 2015 Edition ( Non-Drama NT)

San Andres Islander Creole - 2015 Edition (Non-Drama NT)

San Andres Islander Creole - 2015 Edition (Drama NT)

<div class="version vid1451 iso6393icr" data-vid="1451" data-iso6393="icr">
 <div class="book bkMAT">
 <div class="chapter ch5" data-usfm="MAT.5">
 <div class="label">5</div><div class="s">Blesin ahn trobl weh deh kom</div><div class="r">(Luke 6.20-23)</div><div class="p"> 1Wen Jesus si di paila pipl dem, ihn gaan op pan wan hilsaid. Ahn wen ihn sidong, ihn disaipl dem kom upaa ihn wende, 2ahn siem taim ihn staat tiich dem deh seh,</div><div class="q1"> 3&#8220;Dem weh puor iina spirit, bles;</div><div class="q2">bikaaz di Kingdom a Hevn dah fi dem!</div><div class="q1"> 4Dem weh muon ahn hala now, bles;</div><div class="q2">bikaaz God gwain mek dem glad agen.</div><div class="q1"> 5Dem weh ombl now, bles;</div><div class="q2">bikaaz di ort gwain bii fi dem.</div><div class="q1"> 6Dem weh aal taim waahn pliiz God, bles;</div><div class="q2">bikaaz God gwain help dem du gud.#5.6 Or di vors kuda seh: &#8220;Dem weh hongry ahn torsty fi raichosnis, bles; bikaaz dehn gwain get satisfai.&#8221;</div><div class="q1"> 7Dem weh shuo morsy tu ada pipl, bles;</div><div class="q2">bikaaz God gwain shuo morsy tu dem tu.</div><div class="q1"> 8Dem weh dehn haat kliin, bles;</div><div class="q2">bikaaz dehn gwain si God.</div><div class="q1"> 9Dem weh henda prablem ahn trobl, bles;</div><div class="q2">bikaaz dehn gwain kaal dem God pikniny.</div><div class="q1"> 10Ahn dem weh dehn trai kiip dong jos sieka dehn du gud, bles tu;</div><div class="q2">bikaaz di Kingdom a Hevn dah fi dem.</div><div class="p"> 11&#8220;So den, unu bles, wen dehn insolt unu, kiip unu dong, ahn seh aal kain a bad ting bout unu weh dah no so, jos sieka unu du weh Ah seh. 12Rijais ahn get glad wen dat hapm, bikaaz wan big gif deh wiet fi unu iina hevn. Memba seh: dehn ansesta dem wehn du di siem ting tu di prafit dem lang taim bifuor unu.</div><div class="s">Di seyin bout saalt ahn lait</div><div class="r">(Mark 9.50; Luke 11.33; 14.34, 35)</div><div class="p"> 13&#8220;Unu dah laik saalt fi di pipl fahn di worl. Bot if dah saalt luuz ih ties, how ih gwain ties laik saalt agen? Ih no gwain gud fi notn ataal, ongl fi chruo pan di grong fi pipl waak pahn ih.</div><div class="p"> 14&#8220;Unu dah laik lait fi di pipl fahn di worl. Wan sity weh deh op pahn wan hil kyaahn haid. 15Nonbady no gwain lait wan lamp ahn den put'ih aanda wan baaskit. Insida dat dehn gwain put'ih op pan wan stan, so evrybady iina di hous kyan si gud. 16Dah di siem wie, unu fi mek pipl si di lait iina unu, so dehn wi si aal di gud ting weh unu du, ahn dehn wi priez unu Faada iina hevn.</div><div class="s">Jesus tiich bout di Laa weh Moses lef</div><div class="p"> 17&#8220;Unu tink seh Ah wehn kom fi don weh wid Moses Laa or weh di prafit dem wehn tiich? Nuo sah, Ah no kom fi don weh wid dem ataal; Ah kom fi mek aal weh dehn seh wi fi du hapm. 18Bikaaz Ah deh tel unu di chruut: til hevn ahn ort no disapier, nat iivn wan a di smaalis spek gwain don weh wid outa di Laa, til evryting God waahn du chruu'ih, don hapm. 19So enybady weh lef out wan a di likil'is komaanment dem ahn tiich ada pipl fi du di siem ting, demde pipl gwain get kaal di likil'is iina di Kingdom a Hevn. Bot enybady weh du aal weh ih seh ahn tiich, dehn gwain get kaal di bigis iina di Kingdom a Hevn. 20Bikaaz Ah deh tel unu: if unu no bihiev beta an di tiicha a di Laa ahn di Pharisee pipl dem, unu nontaim gwain get fi go iina di Kingdom a Hevn!</div><div class="s">Jesus tiich bout beksnis ahn how wi hafy fargiv</div><div class="p"> 21&#8220;Unu nuo seh di Laa &#8212;weh wehn egzis fahn unu ansesta dehn taim&#8212; komaan dem seh: &#8216;Unu no fi kil fi notn,&#8217; ahn &#8216;Enybady weh kil gwain get ponish fronta di atarity dem.&#8217; 22Bot now Ah deh tel unu: enybady weh gat iin fi ihn breda, gwain pie. Ahn enybady weh tel ihn breda &#8216;donsy hed!&#8217; gwain get ponish fronta di Kongsl. Ahn enybady weh seh &#8216;Yo fuul yo!&#8217; gwain gat gilt tu, nof fi go iina hel faiya. 23So, if unu deh gi unu gif fi God dah di alta, bot den memba seh unu breda gat somting gens unu, 24unu fi stap fahn gi unu gif, ahn go, go taak ahn grii bak wid unu breda. Den unu kyan go finish aafa unu gif.</div><div class="p"> 25&#8220;Taak tu di man weh gat somting gens unu, ahn get gud wid im bifuor tingz go tu faar, ahn ihn akyuuz unu tu di joj, ahn di joj han unu uova tu di kyapm a di gyaad, ahn ihn ker unu dah jiel! 26Ah deh tel unu di chruut: unu no gwain kom out fahn iin dehso til unu pie bak di laas sent!#5.26 Or: &#8220;&#8230;dongtu di laas quadrans.&#8221; Wan quadrans wot haaly notn ataal, 1/64 a dehn diely wiej iina demde diez.</div><div class="s">Jesus tiich bout adolchry</div><div class="p"> 27&#8220;Unu yuuztu hier seh, &#8216;Unu no fi du adolchry.&#8217; 28Bot Ah tel unu seh enybady weh luk pahn wan uman ahn tink seh ihn deh lidong wid im, rait dehso ihn komit adolchry iina ihn haat. 29So, if yu go ahed deh sin wid yo rait ai, beta yo liv laik sombady weh gat ihn ai dig out, bikaaz ih beta fi yo go ahed liv laik sombady wid one ai, insida fi gat yo two ai ahn yo huol bady go dah hel. 30Ahn if yu go ahed deh sin wid yo rait han, beta yo liv laik sombady weh gat ihn han chap aaf, bikaaz ih beta fi yo go ahed liv laik sombady wid one han, insida fi gat yo two han ahn yo huol bady go dah hel.#5.30 Or di vors kuda seh: &#8220;So, if sieka yo rait ai yo sin, tier'ih out ahn dash'ih weh. Bikaaz ih beta fi yo luuz jos wan paat aafa yo bady insida mek yo huol bady go tu hel. Ahn if yo rait han mek yo sin, kot'ih aaf ahn chruo'ih weh faar fahn weh yo deh. Bikaaz ih beta fi yo luuz jos wan paat aafa yo bady insida mek yo huol bady go tu hel.&#8221;</div><div class="s">Jesus tiich bout divuors</div><div class="r">(Matthew 19.9; Mark 10.11, 12; Luke 16.18)</div><div class="p"> 31&#8220;Unu hier tu seh, &#8216;Enybady weh divuors fahn ihn waif fi rait dong seh ihn divuors im, ahn gi'im wan piepa weh sehso.&#8217; 32Bot Ah deh tel unu seh, &#8216;Enybady weh divuors fahn ihn waif &#8212;ahn dah no aafa shii deh gat rilieshan wid wan nada man&#8212; ihn deh mek shii komit adolchry. Ahn enybady weh marid tu wan uman weh divuors, deh komit adolchry tu.&#8217;</div><div class="s">Jesus tiich bout tekin uot</div><div class="p"> 33&#8220;Agen, Ah seh tu unu: unu yuuztu hier dehn tel unu ansesta dem seh, &#8216;Yo no fi tek uot#5.33 Nuotis seh: Wan uot dah wat yo seh dah chruu-chruu. seh yo gwain du somting wen yo nuo seh dah lai,&#8217; bot &#8216;Yo fi du evryting weh yo pramis iina di Laad niem.&#8217; 34Bot Ah deh tel unu: no tek uot fi notn ataal, nat iivn iina hevn niem, bikaaz hevn dah fi God, 35niida unu fi tek uot iina di ort niem, bikaaz dis dah di plies weh God gat aal di atarity, niida iina Jerusalem niem, bikaaz dat dah di griet King sity. 36Niida tek uot iina yo hed niem, bikaaz yo kyaahn mek nat iivn wan straan a hier pan yo hed get wait nar blak. 37So, yuu fi ongl seh wan simpl &#8216;yees,&#8217; ahn miin &#8216;yees,&#8217; or seh wan simpl &#8216;nuo,&#8217; ahn miin &#8216;nuo.&#8217; Bikaaz enyting muo an dat, dah fahn di Bad Wan.</div><div class="s">Jesus tiich bout rivench</div><div class="r">(Luke 6.29, 30)</div><div class="p"> 38&#8220;Unu yuuztu hier dehn seh, &#8216;Wan ai fi wan ai, ahn wan tiit fi wan tiit.&#8217; 39Bot Ah deh tel unu: no rizis dem weh waahn hot yo. Insida dat, if enybady lik yo pan yo rait jaa, mek ihn lik yo pan di neks wan tu. 40Ahn if sombady waahn put wan laa-suut pan yo ahn tek weh yo shot, gi'im yo jakit tu. 41Ahn if sombady iina atarity fuos yo fi ker ihn tingz somweh, waak di dobl wid im. 42Enybady weh beg yo, gi dem. Ahn no haid fahn di wan weh waahn baara somting fahn yo.</div><div class="s">Jesus seh, &#8220;Lov yo enimy dem&#8221;</div><div class="r">(Luke 6.27, 28, 32-36)</div><div class="p"> 43&#8220;Yo yuuztu hier dem seh, &#8216;Yo fi lov yo nieba ahn hiet yo enimy.&#8217; 44Bot Ai deh tel yo: Lov yo enimy dem, ahn prie fi dem weh triit yo bad, 45so yo kyan bii yo Faada iina hevn pikniny. Bikaaz ihn mek di son shain pahn di bad man dem ahn pahn di gud tu, ahn ihn gi rien tu dem weh du gud ahn dem weh du bad tu. 46Bikaaz, if yo ongl lov di pipl dem weh lov yo, wai yo wuda waahn get bles den? Dongtu di taks kalekta dem du dat. 47Ahn if yo ongl hiel yo fren dem, wat gud yu deh du muo an wan nada man? Dongtu di Gentile sina dem du di siem ting, no chruut? 48So jos laik how yo Faada iina hevn du gud aal di taim, yo fi bii uova gud iina evrywie tu.</div>
 </div>
 </div>
</div>

Wen Jesus si di paila pipl dem, ihn gaan op pan wan hilsaid. Ahn wen ihn sidong, ihn disaipl dem kom upaa ihn wende, ahn siem taim ihn staat tiich dem deh seh,
“Dem weh puor iina spirit, bles;
bikaaz di Kingdom a Hevn dah fi dem!
Dem weh muon ahn hala now, bles;
bikaaz God gwain mek dem glad agen.
Dem weh ombl now, bles;
bikaaz di ort gwain bii fi dem.
Dem weh aal taim waahn pliiz God, bles;
bikaaz God gwain help dem du gud.
Dem weh shuo morsy tu ada pipl, bles;
bikaaz God gwain shuo morsy tu dem tu.
Dem weh dehn haat kliin, bles;
bikaaz dehn gwain si God.
Dem weh henda prablem ahn trobl, bles;
bikaaz dehn gwain kaal dem God pikniny.
Ahn dem weh dehn trai kiip dong jos sieka dehn du gud, bles tu;
bikaaz di Kingdom a Hevn dah fi dem.
“So den, unu bles, wen dehn insolt unu, kiip unu dong, ahn seh aal kain a bad ting bout unu weh dah no so, jos sieka unu du weh Ah seh. Rijais ahn get glad wen dat hapm, bikaaz wan big gif deh wiet fi unu iina hevn. Memba seh: dehn ansesta dem wehn du di siem ting tu di prafit dem lang taim bifuor unu.


“Unu dah laik saalt fi di pipl fahn di worl. Bot if dah saalt luuz ih ties, how ih gwain ties laik saalt agen? Ih no gwain gud fi notn ataal, ongl fi chruo pan di grong fi pipl waak pahn ih.
“Unu dah laik lait fi di pipl fahn di worl. Wan sity weh deh op pahn wan hil kyaahn haid. Nonbady no gwain lait wan lamp ahn den put'ih aanda wan baaskit. Insida dat dehn gwain put'ih op pan wan stan, so evrybady iina di hous kyan si gud. Dah di siem wie, unu fi mek pipl si di lait iina unu, so dehn wi si aal di gud ting weh unu du, ahn dehn wi priez unu Faada iina hevn.

“Unu tink seh Ah wehn kom fi don weh wid Moses Laa or weh di prafit dem wehn tiich? Nuo sah, Ah no kom fi don weh wid dem ataal; Ah kom fi mek aal weh dehn seh wi fi du hapm. Bikaaz Ah deh tel unu di chruut: til hevn ahn ort no disapier, nat iivn wan a di smaalis spek gwain don weh wid outa di Laa, til evryting God waahn du chruu'ih, don hapm. So enybady weh lef out wan a di likil'is komaanment dem ahn tiich ada pipl fi du di siem ting, demde pipl gwain get kaal di likil'is iina di Kingdom a Hevn. Bot enybady weh du aal weh ih seh ahn tiich, dehn gwain get kaal di bigis iina di Kingdom a Hevn. Bikaaz Ah deh tel unu: if unu no bihiev beta an di tiicha a di Laa ahn di Pharisee pipl dem, unu nontaim gwain get fi go iina di Kingdom a Hevn!

“Unu nuo seh di Laa —weh wehn egzis fahn unu ansesta dehn taim— komaan dem seh: ‘Unu no fi kil fi notn,’ ahn ‘Enybady weh kil gwain get ponish fronta di atarity dem.’ Bot now Ah deh tel unu: enybady weh gat iin fi ihn breda, gwain pie. Ahn enybady weh tel ihn breda ‘donsy hed!’ gwain get ponish fronta di Kongsl. Ahn enybady weh seh ‘Yo fuul yo!’ gwain gat gilt tu, nof fi go iina hel faiya. So, if unu deh gi unu gif fi God dah di alta, bot den memba seh unu breda gat somting gens unu, unu fi stap fahn gi unu gif, ahn go, go taak ahn grii bak wid unu breda. Den unu kyan go finish aafa unu gif.
“Taak tu di man weh gat somting gens unu, ahn get gud wid im bifuor tingz go tu faar, ahn ihn akyuuz unu tu di joj, ahn di joj han unu uova tu di kyapm a di gyaad, ahn ihn ker unu dah jiel! Ah deh tel unu di chruut: unu no gwain kom out fahn iin dehso til unu pie bak di laas sent!

“Unu yuuztu hier seh, ‘Unu no fi du adolchry.’ Bot Ah tel unu seh enybady weh luk pahn wan uman ahn tink seh ihn deh lidong wid im, rait dehso ihn komit adolchry iina ihn haat. So, if yu go ahed deh sin wid yo rait ai, beta yo liv laik sombady weh gat ihn ai dig out, bikaaz ih beta fi yo go ahed liv laik sombady wid one ai, insida fi gat yo two ai ahn yo huol bady go dah hel. Ahn if yu go ahed deh sin wid yo rait han, beta yo liv laik sombady weh gat ihn han chap aaf, bikaaz ih beta fi yo go ahed liv laik sombady wid one han, insida fi gat yo two han ahn yo huol bady go dah hel.


“Unu hier tu seh, ‘Enybady weh divuors fahn ihn waif fi rait dong seh ihn divuors im, ahn gi'im wan piepa weh sehso.’ Bot Ah deh tel unu seh, ‘Enybady weh divuors fahn ihn waif —ahn dah no aafa shii deh gat rilieshan wid wan nada man— ihn deh mek shii komit adolchry. Ahn enybady weh marid tu wan uman weh divuors, deh komit adolchry tu.’

“Agen, Ah seh tu unu: unu yuuztu hier dehn tel unu ansesta dem seh, ‘Yo no fi tek uot seh yo gwain du somting wen yo nuo seh dah lai,’ bot ‘Yo fi du evryting weh yo pramis iina di Laad niem.’ Bot Ah deh tel unu: no tek uot fi notn ataal, nat iivn iina hevn niem, bikaaz hevn dah fi God, niida unu fi tek uot iina di ort niem, bikaaz dis dah di plies weh God gat aal di atarity, niida iina Jerusalem niem, bikaaz dat dah di griet King sity. Niida tek uot iina yo hed niem, bikaaz yo kyaahn mek nat iivn wan straan a hier pan yo hed get wait nar blak. So, yuu fi ongl seh wan simpl ‘yees,’ ahn miin ‘yees,’ or seh wan simpl ‘nuo,’ ahn miin ‘nuo.’ Bikaaz enyting muo an dat, dah fahn di Bad Wan.


“Unu yuuztu hier dehn seh, ‘Wan ai fi wan ai, ahn wan tiit fi wan tiit.’ Bot Ah deh tel unu: no rizis dem weh waahn hot yo. Insida dat, if enybady lik yo pan yo rait jaa, mek ihn lik yo pan di neks wan tu. Ahn if sombady waahn put wan laa-suut pan yo ahn tek weh yo shot, gi'im yo jakit tu. Ahn if sombady iina atarity fuos yo fi ker ihn tingz somweh, waak di dobl wid im. Enybady weh beg yo, gi dem. Ahn no haid fahn di wan weh waahn baara somting fahn yo.


“Yo yuuztu hier dem seh, ‘Yo fi lov yo nieba ahn hiet yo enimy.’ Bot Ai deh tel yo: Lov yo enimy dem, ahn prie fi dem weh triit yo bad, so yo kyan bii yo Faada iina hevn pikniny. Bikaaz ihn mek di son shain pahn di bad man dem ahn pahn di gud tu, ahn ihn gi rien tu dem weh du gud ahn dem weh du bad tu. Bikaaz, if yo ongl lov di pipl dem weh lov yo, wai yo wuda waahn get bles den? Dongtu di taks kalekta dem du dat. Ahn if yo ongl hiel yo fren dem, wat gud yu deh du muo an wan nada man? Dongtu di Gentile sina dem du di siem ting, no chruut? So jos laik how yo Faada iina hevn du gud aal di taim, yo fi bii uova gud iina evrywie tu.

Kuuntele Matthew 5