<div class="version vid1388 iso6393yka" data-vid="1388" data-iso6393="yka">
 <div class="book bkGEN">
 <div class="chapter ch41" data-usfm="GEN.41">
 <div class="label">41</div><div class="s">Si Yusup magpah&#257;ti taginep sultanin</div><div class="p"> 1Palabey ne duwen tahun neginep sultanin we&#42892; la&#42892;i ko&#42892; iye nengge tapit si higad bohe&#42892; hadje in&#275;nan Nil. 2Niya&#42892; ko&#42892; takitene patakas amban Nil miya&#42892;an pitu&#42892; sapi&#42892; h&#257;p duk lemmek. Mangan balili siye la&#42892;i. 3Ubus niya&#42892; isab paturul pitu&#42892; sapi&#42892; seddili, debbes duk kagkag manamal patakas amban Nil miya&#42892;an. P&#299; siye nengge si bihing sapi&#42892; sinduwehin la&#42892;i si higad Nil. 4Bu me&#42892; sapi&#42892; makagkagin kakande me&#42892; sapi&#42892; mah&#257;p duk malemmekin. Ubus miya&#42892;an ngape ne sultanin. 5Ubus tuli iye balik bu ne ne isab neginep balik. Niya&#42892; ko&#42892; dampo&#42892;on kuwe&#42892; paley pitu&#42892; tangka buwa&#42892;nen lemmek duk h&#257;p manamal. 6Ubus niya&#42892; ko&#42892; isab takitene tomo&#42892; pitu&#42892; tangka, buwa&#42892;nen kagkag duk lanes sabab baliyu panas. 7Iloroy we&#42892; makagkagin me&#42892; pitu&#42892; malemmekin. Ubus bu ngape sultanin duk kata&#42892;uhanne we&#42892; teginep hati&#42892; hadja miya&#42892;an. 8Pag salung ne suse sultanin. Masan iye da&#42892;akne p&#299; si iye k&#275;mon me&#42892; a&#42892;a elimu&#42892;an duk a&#42892;a lalem kata&#42892;unen. Pag la&#42892;i ne siye k&#275;mon inakahan we&#42892; sultanin me&#42892; teginepne miya&#42892;an, saguwa&#42892; ga&#42892; niya&#42892; siye ta&#42892;u mah&#257;tine si sultanin.</div><div class="p"> 9Manjari miss&#257; nakura&#42892; me&#42892; a&#42892;a magbo&#42892;o-bo&#42892;o ininumin si sultanin, pa&#42892;inne, &#8220;Kuwe&#42892;itu ta&#42892;essebku me&#42892; kasalla&#42892;annu si akuhin. 10Metu&#42892;uhin pag inastel kew si kami me&#42892; dara&#42892;akannun, dina&#42892;ak kami duk nakura&#42892; me&#42892; a&#42892;a maghinang-hinang panin kinalabusu we&#42892; nu dem luma&#42892; kapitan guwaldiyahin. 11Dambuwa&#42892; sangem neginep kami duwangan sali&#42892;-sali&#42892;. Saguwa&#42892; magseddili taginep kamihin. 12Manjari niya&#42892; la&#42892;i dembuwa&#42892; lella Hibrani bata&#42892; pe, dara&#42892;akan kapitan me&#42892; guwaldiyahin. Pag magaka kami si iye tineginep kamihin, pinah&#257;tihan kami we&#42892; ne. Akahanne kami dangan-dangan h&#257;ti teginep kamihin. 13Tewwa&#42892; k&#275;mon pina&#42892;innen. Aku, pinabalik ku si hinangkun duk a&#42892;a dambuwa&#42892;in pinapatey ne.&#8221;</div><div class="p"> 14Sakali&#42892; takale sultanin miya&#42892;an magtawus pinasan we&#42892; ne dina&#42892;ak p&#299; si iye si Yusup. Magdayi&#42892;-dayi&#42892; siye ngeddo&#42892; si Yusup pinaluwas amban kalabusu. Magkeke dahu&#42892; iye duk magganti&#42892; semmek ubus bu p&#299; ne iye si sultanin. 15Ubus pa&#42892;in sultanin pu si Yusup, &#8220;Bakas ku neginep bu ga&#42892; niya&#42892; ta&#42892;u mah&#257;tine. Takaleku we&#42892; ta&#42892;u kew magpah&#257;ti teginep.&#8221; 16Nambung si Yusup pa&#42892;inne, &#8220;Duma&#42892;in hep aku, Sultan. Saguwa&#42892; pah&#257;tihan Tuhanin du kew bang ine teginepnun bu h&#257;tinen para si kah&#257;pannu du.&#8221;</div><div class="p"> 17Ubus pa&#42892;in sultanin pu si Yusup, &#8220;Teginepkun we&#42892; la&#42892;i ku nengge si higad bohe&#42892; Nil. 18Na, niya&#42892; pitu&#42892; sapi&#42892; h&#257;p duk lemmek manamal patakas amban Nil miya&#42892;an. Mangan balili siye la&#42892;i. 19Ubus bu niya&#42892; paturul pitu&#42892; sapi&#42892; seddili patakas. Me&#42892; sapi&#42892; miya&#42892;an debbes duk kagkag manamal. Ga&#42892; ku bakas ngite sapi&#42892; debbes kuwe&#42892; miya&#42892;an tu&#42892;u si k&#275;mon lahat Misir inin. 20Ubus bu me&#42892; sapi&#42892; makagkagin kakande me&#42892; pitu&#42892; sapi&#42892; malemmekin. 21Pag ubus kakande ga&#42892;i takilale we&#42892; bakas kakande pegge&#42892; ga&#42892; du halin kagkagden. Ubus ngape ne ku. 22Manjari,&#8221; pa&#42892;inne, &#8220;neginep ku balik. Niya&#42892; dampo&#42892;on kuwe&#42892; paley pitu&#42892; tangka buwa&#42892;nen lemmek duk h&#257;p manamal. 23Ubus bu tomo&#42892; isab pitu&#42892; tangka buwa&#42892;nen kagkag duk lanes sabab baliyu panas 24bu iloroy we&#42892; me&#42892; buwa&#42892; makagkagin me&#42892; buwa&#42892; mah&#257;pin. Bakas akaku tineginepku inin si me&#42892; a&#42892;a elimu&#42892;an saguwa&#42892; ga&#42892; niya&#42892; ta&#42892;u mah&#257;tine.&#8221;</div><div class="p"> 25Pa&#42892;in si Yusup si sultanin, &#8220;Me&#42892; teginepnun, Sultan, magdambuwa&#42892; du h&#257;tinen. Pakitehan Tuhanin si ka&#42892;u bang ine s&#333;ng hinangnen. 26Me&#42892; pitu&#42892; sapi&#42892; mah&#257;pin,&#8221; pa&#42892;inne, &#8220;h&#257;tinen pitun tahun, duk me&#42892; pitu&#42892; tangka buwa&#42892; mah&#257;pin h&#257;tinen pitun tahun du isab. Magdambuwa&#42892; du h&#257;tinen. 27Me&#42892; pitu&#42892; sapi&#42892; madebbes duk makagkagin, iye mapaturul si me&#42892; mah&#257;pin h&#257;tinen pitun tahun,&#8221; pa&#42892;inne, &#8220;duk me&#42892; pitu&#42892; tangka buwa&#42892; makagkagin duk malanes sabab baliyu panasin h&#257;tinen pitun tahun isab. H&#257;tine inin s&#333;ng niya&#42892; pitun tahun unus. 28Akahante kew, Sultan, pakitehan Tuhanin si ka&#42892;u bang ine s&#333;ng hinangne. 29S&#333;ng tekka dahu&#42892; pitun tahun manjari manamal k&#275;mon tinanem diyalem lahat Misirin. 30Saguwa&#42892; paturul amban iyan niya&#42892; isab pitun tahun unus. Hangkan ga&#42892;i ne ta&#42892;essebde masa ka&#42892;ekka kapamanganin. Sigpit manamal dem lahatin we&#42892; unusin. 31Hawal kasigpitan iyan ga&#42892; niya&#42892; a&#42892;a maka&#42892;esseb bakas kamanjari me&#42892; tinanemden.&#8221; 32Pa&#42892;inne pe, &#8220;Hangkan minduwe teginepnun supaya kata&#42892;uhannu we&#42892; demb&#363;s-b&#363;s ne Tuhanin duk ga&#42892;i tiggel asal patekkane k&#275;mon inin.&#8221;</div><div class="p"> 33&#8220;Manjari,&#8221; pa&#42892;inne pe, &#8220;h&#257;p, Sultan, bang kew miha dembuwa&#42892; a&#42892;a ta&#42892;u duk pandey mikil bu urunganun iye kapatut ngantan dem lahat Misir inin. 34H&#257;p isab bang urungannu kapatut me&#42892; a&#42892;a sinduwehin magnakura&#42892; si kalahatan inin. Dem pitun tahun kamanjari me&#42892; tinanemin, bahagi&#42892;un pinalime k&#275;mon jari me&#42892; tinanem si Misirin duk eddo&#42892;un da bahagi&#42892;. 35Ubus,&#8221; pa&#42892;inne pe, &#8220;subey eddo&#42892; me&#42892; nakura&#42892;in k&#275;mon bahagi&#42892; si ka&#42892;uhin, Sultan, dem kapitun tahun kamanjari tinanemin bu inenna&#42892; pah&#257;p-h&#257;p we&#42892; de diyalem me&#42892; bodega si me&#42892; puweblo. 36Buwa&#42892; tinanemin dem me&#42892; bodega miya&#42892;an subey inenna&#42892; duk niya&#42892; kinakan bang tekka pitun tahun unusin duk ga&#42892;i inunus me&#42892; a&#42892;a Misirin.&#8221;</div><div class="s">Si Yusup tahinang nakura&#42892; la&#42892;i si lahat Misir</div><div class="p"> 37Manjari sultanin duk k&#275;mon me&#42892; bata&#42892;nen kasulutan si biniss&#257; si Yusup miya&#42892;an. 38Pa&#42892;in sultanin si me&#42892; bata&#42892;nen, &#8220;Ga&#42892; te&#42892;ed niya&#42892; takasuwa&#42892;te bi a&#42892;a kuwe&#42892; si Yusup iyan. La&#42892;i si iye kata&#42892;u amban Tuhanin.&#8221; 39Ubus pa&#42892;inne pu si Yusup, &#8220;Ga&#42892; niya&#42892; a&#42892;a paliyu kata&#42892;unen duk kapandeyannen amban ka&#42892;u, pegge&#42892; pinata&#42892;u kew we&#42892; Tuhanin. 40Ka&#42892;u ne iye magbaya&#42892; si k&#275;monkun. K&#275;mon a&#42892;akun dem lahat inin subey ne patuhut si ka&#42892;u. Luwal aku, pegge&#42892; sultan ku, langkew amban ka&#42892;uhin.&#8221; 41Pa&#42892;inne pe, &#8220;Kuwe&#42892;itu ka&#42892;u ne mangantanan lahat Misirin.&#8221; 42Ubus pinellusan we&#42892; sultanin sinsimne tege malka sultanin#41:42 Sinsim s&#257; miya&#42892;an ginuna para pagpilma. amban gulameyne bu pinap&#299; si gulamey si Yusup. Pinasemmekan h&#257;p we&#42892; ne si Yusup bu pinap&#299;han gantung li&#42892;ug bulawan si kellongne. 43Ubus bu da&#42892;akne si Yusup pasakey diyata&#42892; pasakeyan#41:43a Pasakeyan sultanin masaley arak kuwe&#42892; kalesa, suga&#42892; ga&#42892; niya&#42892; sapewne bu h&#257;p te&#42892;ed. para a&#42892;a mapasunu&#42892; si sultanin. Bu niya&#42892; dehellu amban iye ngalingan, pina&#42892;in, &#8220;Pasujud ka&#42892;am#41:43b lit. &#8216;abrek&#8217;; ga&#42892;i tantu kata&#42892;uhan h&#257;tinen, kaw &#8216;pasujud ka&#42892;am&#8217; atawa &#8216;pal&#299;&#42892; ka&#42892;am&#8217; atawa &#8216;da&#42892;a ka&#42892;am si l&#257;n&#8217;..&#8221; S&#257; miya&#42892;an pinatingkolo&#42892; si Yusup we&#42892; sultanin ngantanan lahat Misirin.</div><div class="p"> 44Pa&#42892;in sultanin pu si Yusup, &#8220;Aku sultanin, saguwa&#42892; ga&#42892;i makajari me&#42892; a&#42892;ahin tu&#42892;u dem lahat Misir maghinang ine-ine bang ga&#42892;i du da&#42892;aknu.&#8221; 45Ubus bu ginanti&#42892;an we&#42892; sultanin &#275;n Yusupin bu &#275;nanne iye Sapenat-panea. Ubus pina&#42892;andahan we&#42892; sultanin si Yusup pu si Asenat, anak Potipera, imam amban On. S&#257; miya&#42892;an labeyannen hangkan si Yusup tapagbaya&#42892; la&#42892;i si lahat Misir.</div><div class="p"> 46Tagna&#42892; si Yusup dina&#42892;ak magbaya&#42892; we&#42892; sultan Misirin tellump&#363;&#42892; tahun umulnen. Pag tahala&#42892; si Yusup amban sultanin lumengngan iye p&#299; si kalahat-lahatan dem lahat Misir. 47Dem pitun tahun ekka manamal jarihan tinanemin 48duk paka&#42892;eddo&#42892; we&#42892; si Yusup k&#275;mon buwa&#42892; tinanemin bu paka&#42892;enna&#42892;ne dem bodega si me&#42892; puweblo. Si k&#275;mon puweblohin enna&#42892;ne kinakan amban me&#42892; tana&#42892; mapaliputin. 49Banes manamal kinakan inenna&#42892; we&#42892; si Yusup; duk padeheng ne iye nakesne pegge&#42892; ekka ne manamal kuwe&#42892; ekkahan umus si tahikin hangkan ga&#42892;i ne tatakes; inenna&#42892; ne hadja.</div><div class="p"> 50Ga&#42892; pe tekka unusin niya&#42892; ne duwe anak si Yusup lella duk andanen Asenat, anak Potipera, imam amban Onin. 51Pang&#275;n si Yusup anakne sakahin Manasse#41:51 &#274;n Manasse inin biss&#257; Hibrani duk hellingnen arak kuwe&#42892; &#8216;takeyipat&#8217; si biss&#257; Hibrani. . &#8220;Pegge&#42892;,&#8221; pa&#42892;inne, &#8220;tabang Tuhanin ku duk takeyipatku ne k&#275;mon me&#42892; bakas kasusehankun duk me&#42892; usbakun.&#8221; 52Pang&#275;nne anakne salihin Eprayim#41:52 &#274;n Eprayim biss&#257; Hibrani isab duk hellingnen arak kuwe&#42892; &#8216;manjari&#8217; atawa &#8216;dubli jarinen&#8217; si biss&#257; Hibrani.. &#8220;Pegge&#42892;,&#8221; pa&#42892;inne, &#8220;inurungan ne ku duwe anak we&#42892; Tuhanin tu&#42892;u dem lahat bakas kasigpitankun.&#8221;</div><div class="p"> 53Manjari pag ubus ne pitun tahun kamanjari me&#42892; tinanemin la&#42892;i si Misir 54tekka ne pitun tahun unusin s&#257; bakas pina&#42892;al si Yusupin. Niya&#42892; unus si k&#275;mon kalahatan. Saguwa&#42892; la&#42892;i si Misir ekka kinakan inenna&#42892;. 55Pag kakulangan ne si kinakan me&#42892; a&#42892;a si k&#275;mon lahat Misirin bu inusan ne siye, m&#257;ku kinakan siye amban sultanin. Pa&#42892;in sultanin si me&#42892; a&#42892;a Misirin, &#8220;P&#299; ka&#42892;am pu si Yusup duk ine-ine da&#42892;akne hinangun bi.&#8221; 56Pag latag ne we&#42892; unus lahat miya&#42892;an, iluka we&#42892; si Yusup k&#275;mon me&#42892; bodegahin duk pinabellihan we&#42892; ne kinakanin si me&#42892; a&#42892;a Misirin. Pegge&#42892; inunus te&#42892;ed me&#42892; a&#42892;ahin. 57Tekka ne si lahat Misir me&#42892; a&#42892;a amban me&#42892; lahat seddilihin magbelli kinakan amban si Yusup pegge&#42892; pas&#333;ng unusin si k&#275;mon kalahatan si dunya.</div>
 </div>
 </div>
</div>

Palabey ne duwen tahun neginep sultanin weꞌ laꞌi koꞌ iye nengge tapit si higad boheꞌ hadje inēnan Nil. Niyaꞌ koꞌ takitene patakas amban Nil miyaꞌan pituꞌ sapiꞌ hāp duk lemmek. Mangan balili siye laꞌi. Ubus niyaꞌ isab paturul pituꞌ sapiꞌ seddili, debbes duk kagkag manamal patakas amban Nil miyaꞌan. Pī siye nengge si bihing sapiꞌ sinduwehin laꞌi si higad Nil. Bu meꞌ sapiꞌ makagkagin kakande meꞌ sapiꞌ mahāp duk malemmekin. Ubus miyaꞌan ngape ne sultanin. Ubus tuli iye balik bu ne ne isab neginep balik. Niyaꞌ koꞌ dampoꞌon kuweꞌ paley pituꞌ tangka buwaꞌnen lemmek duk hāp manamal. Ubus niyaꞌ koꞌ isab takitene tomoꞌ pituꞌ tangka, buwaꞌnen kagkag duk lanes sabab baliyu panas. Iloroy weꞌ makagkagin meꞌ pituꞌ malemmekin. Ubus bu ngape sultanin duk kataꞌuhanne weꞌ teginep hatiꞌ hadja miyaꞌan. Pag salung ne suse sultanin. Masan iye daꞌakne pī si iye kēmon meꞌ aꞌa elimuꞌan duk aꞌa lalem kataꞌunen. Pag laꞌi ne siye kēmon inakahan weꞌ sultanin meꞌ teginepne miyaꞌan, saguwaꞌ gaꞌ niyaꞌ siye taꞌu mahātine si sultanin.
Manjari missā nakuraꞌ meꞌ aꞌa magboꞌo-boꞌo ininumin si sultanin, paꞌinne, “Kuweꞌitu taꞌessebku meꞌ kasallaꞌannu si akuhin. Metuꞌuhin pag inastel kew si kami meꞌ daraꞌakannun, dinaꞌak kami duk nakuraꞌ meꞌ aꞌa maghinang-hinang panin kinalabusu weꞌ nu dem lumaꞌ kapitan guwaldiyahin. Dambuwaꞌ sangem neginep kami duwangan saliꞌ-saliꞌ. Saguwaꞌ magseddili taginep kamihin. Manjari niyaꞌ laꞌi dembuwaꞌ lella Hibrani bataꞌ pe, daraꞌakan kapitan meꞌ guwaldiyahin. Pag magaka kami si iye tineginep kamihin, pinahātihan kami weꞌ ne. Akahanne kami dangan-dangan hāti teginep kamihin. Tewwaꞌ kēmon pinaꞌinnen. Aku, pinabalik ku si hinangkun duk aꞌa dambuwaꞌin pinapatey ne.”
Sakaliꞌ takale sultanin miyaꞌan magtawus pinasan weꞌ ne dinaꞌak pī si iye si Yusup. Magdayiꞌ-dayiꞌ siye ngeddoꞌ si Yusup pinaluwas amban kalabusu. Magkeke dahuꞌ iye duk maggantiꞌ semmek ubus bu pī ne iye si sultanin. Ubus paꞌin sultanin pu si Yusup, “Bakas ku neginep bu gaꞌ niyaꞌ taꞌu mahātine. Takaleku weꞌ taꞌu kew magpahāti teginep.” Nambung si Yusup paꞌinne, “Dumaꞌin hep aku, Sultan. Saguwaꞌ pahātihan Tuhanin du kew bang ine teginepnun bu hātinen para si kahāpannu du.”
Ubus paꞌin sultanin pu si Yusup, “Teginepkun weꞌ laꞌi ku nengge si higad boheꞌ Nil. Na, niyaꞌ pituꞌ sapiꞌ hāp duk lemmek manamal patakas amban Nil miyaꞌan. Mangan balili siye laꞌi. Ubus bu niyaꞌ paturul pituꞌ sapiꞌ seddili patakas. Meꞌ sapiꞌ miyaꞌan debbes duk kagkag manamal. Gaꞌ ku bakas ngite sapiꞌ debbes kuweꞌ miyaꞌan tuꞌu si kēmon lahat Misir inin. Ubus bu meꞌ sapiꞌ makagkagin kakande meꞌ pituꞌ sapiꞌ malemmekin. Pag ubus kakande gaꞌi takilale weꞌ bakas kakande peggeꞌ gaꞌ du halin kagkagden. Ubus ngape ne ku. Manjari,” paꞌinne, “neginep ku balik. Niyaꞌ dampoꞌon kuweꞌ paley pituꞌ tangka buwaꞌnen lemmek duk hāp manamal. Ubus bu tomoꞌ isab pituꞌ tangka buwaꞌnen kagkag duk lanes sabab baliyu panas bu iloroy weꞌ meꞌ buwaꞌ makagkagin meꞌ buwaꞌ mahāpin. Bakas akaku tineginepku inin si meꞌ aꞌa elimuꞌan saguwaꞌ gaꞌ niyaꞌ taꞌu mahātine.”
Paꞌin si Yusup si sultanin, “Meꞌ teginepnun, Sultan, magdambuwaꞌ du hātinen. Pakitehan Tuhanin si kaꞌu bang ine sōng hinangnen. Meꞌ pituꞌ sapiꞌ mahāpin,” paꞌinne, “hātinen pitun tahun, duk meꞌ pituꞌ tangka buwaꞌ mahāpin hātinen pitun tahun du isab. Magdambuwaꞌ du hātinen. Meꞌ pituꞌ sapiꞌ madebbes duk makagkagin, iye mapaturul si meꞌ mahāpin hātinen pitun tahun,” paꞌinne, “duk meꞌ pituꞌ tangka buwaꞌ makagkagin duk malanes sabab baliyu panasin hātinen pitun tahun isab. Hātine inin sōng niyaꞌ pitun tahun unus. Akahante kew, Sultan, pakitehan Tuhanin si kaꞌu bang ine sōng hinangne. Sōng tekka dahuꞌ pitun tahun manjari manamal kēmon tinanem diyalem lahat Misirin. Saguwaꞌ paturul amban iyan niyaꞌ isab pitun tahun unus. Hangkan gaꞌi ne taꞌessebde masa kaꞌekka kapamanganin. Sigpit manamal dem lahatin weꞌ unusin. Hawal kasigpitan iyan gaꞌ niyaꞌ aꞌa makaꞌesseb bakas kamanjari meꞌ tinanemden.” Paꞌinne pe, “Hangkan minduwe teginepnun supaya kataꞌuhannu weꞌ dembūs-būs ne Tuhanin duk gaꞌi tiggel asal patekkane kēmon inin.”
“Manjari,” paꞌinne pe, “hāp, Sultan, bang kew miha dembuwaꞌ aꞌa taꞌu duk pandey mikil bu urunganun iye kapatut ngantan dem lahat Misir inin. Hāp isab bang urungannu kapatut meꞌ aꞌa sinduwehin magnakuraꞌ si kalahatan inin. Dem pitun tahun kamanjari meꞌ tinanemin, bahagiꞌun pinalime kēmon jari meꞌ tinanem si Misirin duk eddoꞌun da bahagiꞌ. Ubus,” paꞌinne pe, “subey eddoꞌ meꞌ nakuraꞌin kēmon bahagiꞌ si kaꞌuhin, Sultan, dem kapitun tahun kamanjari tinanemin bu inennaꞌ pahāp-hāp weꞌ de diyalem meꞌ bodega si meꞌ puweblo. Buwaꞌ tinanemin dem meꞌ bodega miyaꞌan subey inennaꞌ duk niyaꞌ kinakan bang tekka pitun tahun unusin duk gaꞌi inunus meꞌ aꞌa Misirin.”

Manjari sultanin duk kēmon meꞌ bataꞌnen kasulutan si binissā si Yusup miyaꞌan. Paꞌin sultanin si meꞌ bataꞌnen, “Gaꞌ teꞌed niyaꞌ takasuwaꞌte bi aꞌa kuweꞌ si Yusup iyan. Laꞌi si iye kataꞌu amban Tuhanin.” Ubus paꞌinne pu si Yusup, “Gaꞌ niyaꞌ aꞌa paliyu kataꞌunen duk kapandeyannen amban kaꞌu, peggeꞌ pinataꞌu kew weꞌ Tuhanin. Kaꞌu ne iye magbayaꞌ si kēmonkun. Kēmon aꞌakun dem lahat inin subey ne patuhut si kaꞌu. Luwal aku, peggeꞌ sultan ku, langkew amban kaꞌuhin.” Paꞌinne pe, “Kuweꞌitu kaꞌu ne mangantanan lahat Misirin.” Ubus pinellusan weꞌ sultanin sinsimne tege malka sultanin amban gulameyne bu pinapī si gulamey si Yusup. Pinasemmekan hāp weꞌ ne si Yusup bu pinapīhan gantung liꞌug bulawan si kellongne. Ubus bu daꞌakne si Yusup pasakey diyataꞌ pasakeyan para aꞌa mapasunuꞌ si sultanin. Bu niyaꞌ dehellu amban iye ngalingan, pinaꞌin, “Pasujud kaꞌam.” Sā miyaꞌan pinatingkoloꞌ si Yusup weꞌ sultanin ngantanan lahat Misirin.
Paꞌin sultanin pu si Yusup, “Aku sultanin, saguwaꞌ gaꞌi makajari meꞌ aꞌahin tuꞌu dem lahat Misir maghinang ine-ine bang gaꞌi du daꞌaknu.” Ubus bu ginantiꞌan weꞌ sultanin ēn Yusupin bu ēnanne iye Sapenat-panea. Ubus pinaꞌandahan weꞌ sultanin si Yusup pu si Asenat, anak Potipera, imam amban On. Sā miyaꞌan labeyannen hangkan si Yusup tapagbayaꞌ laꞌi si lahat Misir.
Tagnaꞌ si Yusup dinaꞌak magbayaꞌ weꞌ sultan Misirin tellumpūꞌ tahun umulnen. Pag tahalaꞌ si Yusup amban sultanin lumengngan iye pī si kalahat-lahatan dem lahat Misir. Dem pitun tahun ekka manamal jarihan tinanemin duk pakaꞌeddoꞌ weꞌ si Yusup kēmon buwaꞌ tinanemin bu pakaꞌennaꞌne dem bodega si meꞌ puweblo. Si kēmon puweblohin ennaꞌne kinakan amban meꞌ tanaꞌ mapaliputin. Banes manamal kinakan inennaꞌ weꞌ si Yusup; duk padeheng ne iye nakesne peggeꞌ ekka ne manamal kuweꞌ ekkahan umus si tahikin hangkan gaꞌi ne tatakes; inennaꞌ ne hadja.
Gaꞌ pe tekka unusin niyaꞌ ne duwe anak si Yusup lella duk andanen Asenat, anak Potipera, imam amban Onin. Pangēn si Yusup anakne sakahin Manasse. “Peggeꞌ,” paꞌinne, “tabang Tuhanin ku duk takeyipatku ne kēmon meꞌ bakas kasusehankun duk meꞌ usbakun.” Pangēnne anakne salihin Eprayim. “Peggeꞌ,” paꞌinne, “inurungan ne ku duwe anak weꞌ Tuhanin tuꞌu dem lahat bakas kasigpitankun.”
Manjari pag ubus ne pitun tahun kamanjari meꞌ tinanemin laꞌi si Misir tekka ne pitun tahun unusin sā bakas pinaꞌal si Yusupin. Niyaꞌ unus si kēmon kalahatan. Saguwaꞌ laꞌi si Misir ekka kinakan inennaꞌ. Pag kakulangan ne si kinakan meꞌ aꞌa si kēmon lahat Misirin bu inusan ne siye, māku kinakan siye amban sultanin. Paꞌin sultanin si meꞌ aꞌa Misirin, “Pī kaꞌam pu si Yusup duk ine-ine daꞌakne hinangun bi.” Pag latag ne weꞌ unus lahat miyaꞌan, iluka weꞌ si Yusup kēmon meꞌ bodegahin duk pinabellihan weꞌ ne kinakanin si meꞌ aꞌa Misirin. Peggeꞌ inunus teꞌed meꞌ aꞌahin. Tekka ne si lahat Misir meꞌ aꞌa amban meꞌ lahat seddilihin magbelli kinakan amban si Yusup peggeꞌ pasōng unusin si kēmon kalahatan si dunya.

Kuuntele Panagnaꞌan 41