ลามูลา 21
21
ลาฆู บือฌาดี นะ อีซัก
1ตูฮัด บือซัยํ เดะ อาตัซ_ ญา มาแรฮ บูวัจ ลาฆู นู บาฌิ ฌางัน ซารา_ ตูโรจ กะ ปือมือเลา นะ ญา. ญา ตูโลก ซารา_ ตูโรจ บือกะ นู ญา บือเลฮ อาเกะ มือเลา บือฌาญี ดัฮ. 2กะฆีเตอ_ ซารา บือโปรจ ดัฮ_ ดูโดะ เดะ อาปี_ นานะ กีลากี_ นู ฌาดี นานะ นะ อับราฮัม. ฌาดี กะฆีเตอ_ วะตู อับราฮัม ตูฮา ดัฮ_ ตูโรจ บือกะ วะตู_ นู ตูฮัด มือเลา ฌางัน ญา. 3นู ซารา ดูโดะ เดะ อาปี_ บือเลฮ นานะ ฌางัน อับราฮัม เตอ_ อับราฮัม ตืองะ ปือนามา บรี กะ นานะ อีตู จะ_ อีซัก#21.3 ปือนามา “อีซัก”_ ฌาดี จะ_ “ญา ฆือละ.”. 4ตานา อีซัก_ อูมอยํ ลาปัด อารี ดัฮ_ อับราฮัม บูวัจ ลาฆู กรัจ_ กะ ญา_ ตูโรจ บือกะ ปือมือซัด นู ตูฮัด บือเลฮ ปือซัด กะ ญา. 5ตานา อับราฮัม บือเลฮ นานะ_ ปือนามา จะ_ อีซัก_ อูมอยํ นะ ญา_ ซือราตุซ (100) ตาโฮด ดัฮ.
6ซารา มือเลา จะ_ “ตูฮัด บูวัจ บรี กู บือฆือละ. ราตา ซือมียา_ นู ดืองัยํ ลาฆู อีนี_ นะ บือฆือละ บือซามา ฌางัน กู.” 7ญา มือเลา ลาฆี จะ_ “ซาปา นู บรานี นะ มือเลา ฌางัน อับราฮัม จะ_ ‘ซารา นะ อาดา นานะ มากัด ดาดา’? ตาปี กู บือเลฮ ดูโดะ เดะ อาปี_ นานะ กีลากี_ กาลา อับราฮัม ตูฮา ดัฮ”_ ซารา ญา จะ.
อับราฮัม โปรฮ ฮาฆา ฌางัน อิซมาเอน
8ตานา อีซัก บือซัยํ ดีกิ_ ญา บูวัก เตด มากัด ดาดา ดัฮ. อารี อีตู_ อับราฮัม บูวัจ ลาฆู บรามัย บือซัยํ มากัด บือซามา_ บาญะ ซือมียา. 9ตาปี ซารา ลีฮัจ_ นานะ นะ ฮาฆา_ ซือมียา นังฆรี อียิบ_ นู ฌาดี นานะ นะ อับราฮัม ฌูฆา_ ญา อูซิ บือบือโตยํ ฌางัน อีซัก_ นานะ นะ อับราฮัม. 10กะฆีเตอ_ ซารา มือเลา ฌางัน อับราฮัม จะ_ “กือนา โปรฮ ปราโซฮ นีบีนี อีนี_ ฌางัน นานะ นะ ญา_ บูวัก เลอ. ซาเบะ นานะ นะ ปราโซฮ นีบีนี อีนี_ นะ ซาโมจ ปือซากา เดะ เกา_ บือซามา ฌางัน อีซัก_ นานะ นะ กู_ ฮอย เตด บือเลฮ เลอ.”
11ลาฆู อีนี_ บูวัจ บรี อับราฮัม ฆาโดฮ ฮาตี_ ปาซัน ลาฆู นานะ นะ ญา. 12ตาปี ตูฮัด เดะ อาตัซ มือเลา ฌางัน อับราฮัม จะ_ “ฌางัน บรี เกา ฆาโดฮ ฮาตี_ ปาซัน ลาฆู นะ นานะ อีตู_ ฌางัน ปราโซฮ นีบีนี นะ เกา. นู ซารา มือเลา ฌางัน เกา_ เกา กือนา บูวัจ ตูโรจ_ ซาเบะ บือแนฮ บักซา นะ เกา_ นะ ฌาดี ซือมียา ตูโรด มือนูโรด มาแรฮ_ ดาตัก เดะ อีซัก เลอ. 13กู นะ บูวัจ บรี บือแนฮ นะ นานะ นะ ปราโซฮ นีบีนี อีตู_ ฌาดี บักซา บือซัยํ_ ซาเบะ ญา ฌูฆา_ ฌาดี นานะ นะ เกา เลอ”_ ตูฮัด ญา จะ.
14กะฆีเตอ_ อับราฮัม บีกัซ เดะ วะตู บือบีฮัก มาตา อารี นะ ตรือเบะ_ อาเมด โรตี มาแรฮ. ญา บอฮ อาเย เดะ โทก กูเละ บือนาตัก_ บรี กะ ฮาฆา ตาโงก. ญา ซรัฮ นานะ กะ ฮาฆา_ บรี ญา ตรือเบะ ปี เดะ รูมัฮ. กะฆีเตอ_ ญา บือฌาลัด_ บักซัจ ปี มาแรฮ_ เดะ ปาดัก ตานัฮ ตูโฮยํ นู ลือฆา_ โซะ ตูโปะ เบเออ-เซบา.
15ตานา อาเย เดะ โทก กูเละ ฮาบิฮ ดัฮ_ ฮาฆา ตีงัน นานะ_ เดะ บาวัฮ ลีโนฮ ปูโฮด กายู_ ซา ปูโฮด. 16กะฆีเตอ ญา ปี ดูโดะ ฌาโวฮ ดีกิ_ ฆามะ บือเลฮ ลีมา ปูโลฮ ดือปา_ อีงัจ เดะ ฮาตี จะ_ “ฌางัน บรี กู ลีฮัจ_ นานะ นะ กู มาตี.” กาลา ญา ดูโดะ ฌาโวฮ_ ญา มือนาแงฮ ซือวารา บูริ โตระ. 17ตูฮัด ญา ดืองัยํ ซือวารา มือนาแงฮ นะ นานะ อีตู. ฮูลู บาลัก นะ ตูฮัด_ ญา บลาโลก ฮาฆา_ ดาตัก เดะ โซะ ลาแงะ_ มือเลา จะ_ “ฮาฆา เออ_ เกา ฆาโดฮ ฮาตี ปาซัน นามา?_ ฌางัน ตาโกจ เลอ. ตูฮัด ดืองัยํ ซือวารา นะ นานะ_ นู ดูโดะ โซะ อีตู ดัฮ. 18บีกัซ เลอ_ ปี ฮือแนก นานะ อีตู_ กรด ญา บรี กือฌะ ฌางัน ตางัน นะ เกา_ ซาเบะ กู นะ บูวัจ บรี_ ญา นะ ฌาดี บักซา บือซัยํ” ตูฮัด ญา จะ.
19กะฆีเตอ_ ตูฮัด เดะ อาตัซ บูกา มาตา นะ ญา_ บรี ลีฮัจ จะ_ อาดา ตลาฆา นู อาดา อาเย ปือนอฮ. ญา ปี จือบุ อาเย_ บอฮ เดะ โทก กูเละ บือนาตัก_ ปือนอฮ ดัฮ_ บาวา ปี_ บรี กะ นานะ โอะ.
20ตูฮัด อาดา บือซามา ฌางัน นานะ อีตู. ญา บือซัยํ ซือรูโลยํ. ญา ดูโดะ เดะ ปาดัก ตานัฮ ตูโฮยํ นู ลือฆา_ ฌาดี ซือมียา ปานัย บรูเซ โกะ บือนาตัก เดะ ฮูตัด.
21ญา ดูโดะ เดะ ปาดัก ตานัฮ ตูโฮยํ นู ลือฆา_ โซะ นังฆรี ปาราน. มะ เดะ ญา_ ซารี นีบีนี มาแรฮ_ เดะ นังฆรี อียิบ_ ซืออูรัก_ บรี ฌาดี บีนี นะ ญา.
อับราฮัม ฌางัน อาบีเมเลก บูวัจ ปือมือเลา บือฌาญี บือตือตู
22กาลา อีตู_ ราฌา อาบีเมเลก ฌางัน ฟีโกน_ กือปาลา ตาฮัน นะ ญา_ มือเลา ฌางัน อับราฮัม จะ_ “ตูฮัด อาดา ดูโดะ บือซามา ฌางัน เกา_ เดะ ลาฆู ราตา มาจับ นู เกา บูวัจ เตอ. 23ซาเบะ กะฆีเตอ_ เกา กือนา อาเกะ มือเลา บือฌาญี_ ซือโบจ ตรือเบะ ปือนามา นะ ตูฮัด_ บรี กะ กู เดะ ตือปัจ อีนี_ จะ_ เกา นะ เตด บูวัจ กือบลากัก กะ กู_ ฌางัน โกะ นะบรานะ นะ กู_ เฆอ จะ บือแนฮ นะ กู_ กาลา เดะ โซะ บลากัก. ตาปี บือกะ นู กู บือเลฮ บูวัจ ฌางัน เกา_ ตูโรจ กะ ลาฆู ซายัก นู กือฌะ กือมัซ เตอ_ เกา กือนา บูวัจ ฌางัน กู_ ฌางัน นังฆรี นู เกา มือนูปัก ดูโดะ_ กะฆีเตอ ฌูฆา เลอ.”
24อับราฮัม มือเลา จะ_ “กู นี_ นะ ยอม บือฌาญี.”
25ตานา อับราฮัม มือญาเระ ลาฆู นู ญา ซูซัฮ_ กะ ราฌา อาบีเมเลก_ ปาซัน โกะ ซือมียา นะ ลูวัก_ นู ราปัซ อาเมด ตลาฆา นะ ญา_ 26ราฌา อาบีเมเลก มือเลา จะ_ “กู เตด ตาฮู จะ_ ซาปา บูวัจ กะฆีนี. เกา เตด บือเลฮ มือญาเระ กะ กู. กู โปด_ ฮอย เตด ตาฮู_ ฌู ตือดะ รอจ กะ อารี อีนี.”
27กะฆีเตอ_ อับราฮัม ญา บาวา โกะ แบะ ฌางัน โกะ ลือมู มาแรฮ_ บรี กะ อาบีเมเลก. กูญา กือดูวา ปาคัจ บูวัจ ปือมือเลา บือฌาญี บือตือตู บือซามา. 28โซะ อับราฮัม เตอ_ ญา ปือฮาฆิ อานะ กาเมก อายา_ ตูโฌฮ อีโกยํ_ โซะ อาซิก. 29อาบีเมเลก ตาญา อับราฮัม จะ_ “อานะ กาเมก อายา_ ตูโฌฮ อีโกยํ อีตู เตอ_ ฌาดี ลาฆู กะฮามี เลอ?”
30อับราฮัม ตีกัฮ จะ_ “บรี กะ ราฌา ซาโมจ อาเมด อานะ กาเมก อายา_ ตูโฌฮ อีโกยํ อีนี_ เดะ ตางัน นะ กู_ บีดา นะ บรี ราฌา ฌาดี ซะซรี กะ กู จะ_ กู บือเลฮ กาลี ตลาฆา อีนี.”
31กะฆีเตอ_ กูญา ปาคัจ บลาโลก ตือปัจ อีตู จะ_ เบเออ-เซบา#21.31 เบเออ-เซบา ปือนามา อีนี เดะ บาซา ฮีบรู ฌาดี จะ “ตลาฆา นะ ลาฆู บือซูปัฮ” เฆอ จะ “ตลาฆา นะ โกะ ตูโฌฮ.”_ กรานา จะ_ กูญา กือดูวา บือเลฮ อาเกะ มือเลา บือฌาญี บือซามา โซะ อีตู. 32กะฆีเตอ_ กาลา กูญา บูวัจ ปือมือเลา บือฌาญี บือตือตู_ ปัจ เบเออ-เซบา ซุจ ดัฮ_ อาบีเมเลก ฌางัน ฟีโกน_ กือปาลา ตาฮัน นะ ญา โปด_ บีกัซ บาลิ ปี กะ นังฆรี ลูมอฮ ฟีลิซะเตีย ดัฮ.
33อับราฮัม ญา ตานัม ปูโฮด รู กาโบจ ซา ปูโฮด_ เดะ เบเออ-เซบา. ญา มือญือมัฮ ซือโบจ ตรือเบะ ปือนามา นะ ตูฮัด บือซัยํ เดะ อาตัซ_ ตูฮัด นู อาดา ซือลาลู. 34กะฆีเตอ อับราฮัม ญา มือนูปัก ดูโดะ เดะ นังฆรี นะ ลูมอฮ ฟีลิซะเตีย_ บาญะ อารี เลอ.
انتخاب شده:
ลามูลา 21: ULBIBLE
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید