प्रेरितहोन 6
6
सात
1उन दिनहोन मे जब चेलाहोन की गीनती बडन लगी, तब यूनानी भाषा बोलनआला इब्रानी भाषा बोलनआला पर कुरकुर करण लग्या कि हरदिन कि सेवकाइ मे हमारी विधवाहोन कि याद नी ली जाय. 2तब उन बाराझन ने चेलाहोन की मन्डली खे अपना पास बुलैइ खे “बोल्यो यो ठीक नी कि हम परमेश्वर को वचन छोडी खे खान पिलान कि सेवा मे र्हिये. 3येका लिये हे भैइहोन अरु भैइनहोन अपना मे से सात सुनाम इन्सानहोन, जो पवित्र आत्मा अरु बुध्दि से परिपूर्ण हइ, चुनी ले, कि हम उनका यो काम पर ठैर्य दे. 4लेकीन हम तो प्रार्थना मे अरु वचन की सेवा मे लग्या र्हिये.”
5या बात पुरी मंडली खे अच्छी लगी, अरु उनने स्तिफनुस नामको एक इन्सान को जो विश्वास अरु पवित्र आत्मा से परिपूर्ण थो, फिलिप्पुस, अरु पुरखुरुस, अरु नीकानोर अरु तीमोन, अरु परमीनास, अरु अन्ताकियावासी नीकुलास के जो यहूदीया मत मे अय गयो थो, चुनी लियो. 6इन्हे प्रेरितहोन का सामने खडो कर्यो अरु उनने प्रार्थना करीखे उन पर हाथ रख्यो. 7परमेश्वर को वचन फैलाता गयो अरु यरुशलेम मे चेलाहोन की गिनती भोत बडी गइ. अरु याजकहोन को बडो समाज यो मत खे माननआला हुइ गया.
स्तिफनुस कि गिरफ्तारी
8स्तिफनुस अनुग्रह अरु सामर्थ्य से परिपूर्ण हुइ खे दुन्या मे बडा बडा अदभुत काम अरु चिन्ह दिखायो करतो थो. 9तब उ आराधनालय मे से दासत्व - मुक्त की कैलाती थी, अरु कुरेनी अरु सिकन्दरिया अरु किलिकिया अरु आसिया का दुन्या मे से कइ एक उठैखे स्तिफनुस से वाद विवाद करण लग्या. 10पन उ ज्ञान अरु उ आत्मा को जोकासे उ बातहोन करतो थो, वे सामना नी करी सक्ये. 11येका पर उनने कइ दुन्या खे उभार्यो जो बोलन लग्या, “हम ने येके मूसा अरु परमेश्वर का विरोध मे नीन्दा की बातहोन बोलता सुन्यो हइ.” 12अरु दुन्या अरु बुजरुक अरु शास्त्रियहोन, भडकी खे चडी आया अरु ओके पकडी खे महासभा मे लि आया. 13अरु झुठा गवा खडा कर्या जेने बोल्यो. “यो इन्सान या,” पवित्र जगा अरु व्यवस्था का विरोध मे “बोलनु नी छोड्यो. 14क्युकि हम ने ओका यो बोलता सुन्यो हइ कि योइ यीशु नासरी या जगा खे झाकि दियो, अरु वा रीतिहोन खे बदली डाल्यो जो मूसा ने हम खे दि दियोस हइ.” 15तब सब दुन्या ने जो सभा मे बैठ्या था ओ पर नजर गडाइ ते ओको मुडो स्वर्गदूत को जसो दिख्यो.
انتخاب شده:
प्रेरितहोन 6: NTGnn24
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The New Testament in Gowlan Language ©The Word for the World International and Gawlan Translation Samiti, Telkhar, Maharashtra, India, 2024.
