Mateo 18
18
¿Nuxh nak'r blou?
(Mr 9:33-37; Lc 9:46-48)
1Larakz dza'a, bënni useed kie' Jesús gulabiige'e ga ze' len gulunaab'de le':
—¿Nuxh nak'r blou lu yëla rnabe' ki yewayuba?
2Na' Jesús bliidze'bi tuubi bi'dau' len bze'bi gatzj'lau'i'a 3ati gne':
Blikz'da rea' lbi'ili ki xhki ti ktza'li yëla rbëëz kieeli len këëz'li ka tabëëz'bi bi'dau', ti tzaaz'li lu yëla rnabe' ki yewayuba. 4Bënni'a rxhëxhj laadxe'e len rbëëze ka rbëëz'bi bi'dau' ni, bënni'a nak're blou lu yëla rnabe' ki yewayuba. 5Len bënni'a rzi'e'bi lu la' tuubi bi'dau' ka bi'dau' ni', neda rzi'e.
Banaadx le nuche' gbixh'ru lu dula
(Mr 9:42-48; Lc 17:1-2)
6»Ati nu'ti'teez nu gun ga gbixh'bi lu dula tuubi bi we'en'du bi rajle'bi neda, wak'l kie' dxia'a luuge'e yeene tu giaj gich len luzal'e le' lu nis xhën. 7¡Bayechi nak'tzka ki yëdz'lyu ni koma nakua'tzka le grixh le' bënni lu dula! Le ni' rala'kz lakua', san ¡bayechi nake bënni'a guune ga gbixe lu dula bënni yubl!
8»Lena'a, xhki no'u u ni'u tun ga guunu dula; pchuug'k len bzal ley zitu; nak'ru dxia'a kchuugu ley len waaziu lu yëla rnabe' kie' Dios, ka len grop'te no'u u grop'te ni'u tzajtzu'u lu gi'gabil. 9Len xhki lau'u run ga guunu dula, gliaj len bzal ley zitu; nak'ru dxia'a waaziu lu yëla rnabe' kie' Dios len tuuz lau'u, ka len grop'te lau'u tzajtzu'u lu gi'gabil.
Diidza run lsaki'i kieeba bëku'xhiila gnit'ba
(Lc 15:3-7)
10»Ti gna ku tzaazlaadxik'li'bi yugu bi'dau' ni. Koma rea' lbi'ili ki yewayuba nakua'ke gbaaz la'ay kiek'bi len tuyu'tekze lau'rue'e Xuuza zue' yewayuba. 11[Koma Le' Xi'ine bënni biide naar usle' le chi na'nit.]
12»¿Bixh rnaali lbi'ili? Xhki tue' bënni nakua'ba kie' tu gayua'ba bëku'xhiila ati rnit'ba tuuba, ¿Naru ti rka'ane'ba bua' tap'lalj'yu'chenu'ba lu gia'a, naar tzajdiilje'ba bëku'xhiila'a gnit'ba? 13Ati ka nak'tza udzëël'de'ba, rudziijir'de kieeba bëku'xhiila'a ni' ka kiek'ba bua' tap'lalj'yu'chenu'ba bua'a ti gulanit'ba. 14Lekz'ka' Xuuz'li zue' yewayuba keg tuubi bi'i we'en'du ni re'en'de lanit'bi.
Ka rala si'xhën'ru bë'chi' lza'a'ru
(Lc 17:3)
15»Xhki bënni bë'chu'u bi ksake'e li', chop'z'li ka gulgui' diidza len ben ga si'lu'ne'e lea beene'a. Xhki gzenaage, chi bude'li'du'ne bënni bë'chu'u. 16San xhki ti gzenaage, bliidze ye tue' u chope' bënni, naar layëën'de yugute' diidza gui'li len gunn lujxaka'lau'ke. 17Xhki lekz'ka' ti gzenaage len leke, bzua' ley lu dxin'lau'i kieke bënni'a nayajle'ke ati xhki lekz'ka' ti gzenaage len bënni dxin'lau'i'a, na' gunn gle'i'du'ne ka tue' bënni ti nayajle'e u ka tue' bënni rkiixhje laaz'sua'ke ki Roma.
18»Blikz'da rea' lbi'ili ki yugute' le lbi'ili guuga'li lu yëdz'lyu ni, lekz'ka' gaaga' yewayuba, ati le lbi'ili kseedx'li lu yëdz'lyu ni, lekz'ka' tseedx yewayuba.
19»Le ni rea' lbi'ili: Xhki chope' bënni luune diidza dzaag lu yëdz'lyu ni bi lunaab'de Dios kati lui'leene le' diidza, Xuuza zue' yewayuba gunne ley. 20Koma ga nudzaag'ke chope' u tsone' bënni lu la', ladj'ke'a na' zua' neda.
21Na' Pedro yajnaab'de Jesús:
—Xan, ¿Bal lzu rala si'xhëëna'ne bënni bë'cha'a xhki bi ksake'e neda? ¿Gaadx lzu?
22Jesús bubi'e diidza:
—Ti rea' li' ki gaadx lzu'z, rea' li' ki tson'lalj'yu'chi lzu le gaadx lzu'a.
Diidza run lsaki'i kie' bënni'a ti gu'un'de si'xhëëne
23»Lena'a, yëla rnabe'e ki yewayuba rak ki ka guk kie' tue' bënni rnabe' gu'un'de kueki'xhbei'de len bënni wendxin kie'. 24Kati gzulau'e, yajua'ke lau'e tue' bënni wendxin kie', bënni ni ra'le'e kie' dumi ki chop'gayua' mil iz dxin. 25Ati koma bënni wendxin ni ti de kie' len bixh kiixhj'de, lena'a bënni rnabe'a gnabe'e ki lado'u'ke le' dzaage'nu nguul kie' len bi kie' ati lekz'ka' yugute' le de kieke, naar waaxhj lea rale'e. 26Bënni wendxin ni bzechu xhiibe lau'e bënni rnabe' ni len gutayui'de le', gne': “Ben'xhën'laadxu'u, len yugute' le rala kiu' ugiixhja.” 27Na' bënni rnabe'a buechilaadxe'e le'; len gxhi'xhëëne yugute' lea rale'e kie' ati psaane le'.
28»San kati burooje'a, bënni wendxin ni budzaage tue' bënni wendxin lze'e bënni rale'e kie' dumi ki tu'gayua' dza dxin. Gxhën'je yeene re'eni'kz'de gdëëd'de le', rne': “¡Gdiixhj le ra'lu'u kia'!” 29Bënni lze'a bzechu xhiibe len gutayui'de le', rne': “Ben'xhën'laadxu'u, len yugute' le rala'a kiu' ugiixhja.” 30San le' ti gu'un'de, ati beene ga lagu'e le' liidx'gia nakati gdiixhj're yugute' lea rale'e kie'. 31Le ni beeni'tzki zi' laadxi'dau'ke ye la'ke bënni'a tun'leene le' dxin, bënni ni yajake lau'e bënni rnabe' len gulagixhji'de le' yugute' le guk. 32Na' bënni rnabe', gnabe'e tzajliidz'ke bënni wendxin ni ati gudxe le': “¡Bënni xhe'e! Neda gxhi'xhëëna yugute' le ralu'u kia' koma dujëtayui'du neda. 33Lekz'ka' li' gula wechilaadxu'ne bënni lzo'u, ka neda buechilaadxa'a li'.” 34Ati bdze'i'tzki'de bënni rnabe'a, lena'a gnabe'e ki lusaka'zi'ke le' nakati kiixhj're yugute' lea rale'e.
35Jesús lekz'ka' gne':
—Lekz'ka' guune len lbi'ili Xuuza zue' yewayuba, xhki lbi'ili ti si'xhëën'li'ne bënni bë'chi'li gdu laadxi'li.
اکنون انتخاب شده:
Mateo 18: PZD
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Sociedad Biblica de México AC
