Roiatatokenti Mark 1
1
Tiotasaȣakȣen tsini Roiaton nʼOriȣatokenti ne Roiatatokenti Mark.
1Tsiniiot tsi tiotasaȣo no Iesos Keristos Niio Roienha Raiatatake.
2Nonen ne Rotitokensehakȣe: iahiiatori ne rake-riȣenhaȣe, raonha enhiahaaseronnien.
3Kenh nibaȣennoten ne Karhakonson raȣennota-ties; raton; Seȣahaaseronni ne Raȣenniio rahohaa, tsionniarakȣenhaton tsi rothato.
4Karhakon sakohnekȣaheslakȣe no Saȣatis, nok Sakoretsiaronskȣe naonsaiontatieȣato oni aonsaiako-terakeȣase ne Kariȣaneren.
5Akȣekon ne Judée tienakere oni ne Jerusalem-ronon ronȣaiatorenskȣe: Nok ne raonha akȣekon tasakohnekȣahestonhatie Kaihionhakon ne Jourdain
6Kenh nihokȣenniotenne ne Saȣatis; Oniakȣaer ononȣerhon rotseronniatonne nok ohna rotiatann-henne, tsistarare tanon otsinakontakȣano otsikheta rahotennatsera kenhne.
7Ratonhakȣe tsi sakoiatiskȣe: iah teȣakorihonto nʼahiiennikatsienanerensi tsini haiatanoron ne tenhia-tiatasonterako.
8Onekanos nii kierata tsi kȣanekȣahesta; nok tanon ne raonha, Rotkon Ronikonratokenton entsi-seȣanekȣahestakȣo.
9Akȣa taiotokentane ethone nʼaraȣe no Iesos, Nazaretke tahaientakȣe, nok kaihionhakon oni nehne ȣahatenekȣaheste.
10Nok akȣa neok sonsahateskoko, iahatkato ne Saȣatis tontonteronhiakhasi nok eh tahaiakenne ne Rotkon-Ronikonratokenti, Orite kenraken rotiaton-takȣenhatie tsi ȣahotienhase ne Iesos.
11Ehoni takaȣenninekenne, ȣakenron: ise kon-hienha akȣekon ishaȣe nakenonȣesera.
12Nok oksaok karhakon iahotori nʼOnikonra.
13Kaieri niȣasontasen nikariȣes kontirio rohna-riskonhonhaties, nok ronȣaiatanonstatonhaties ne rahoronhiakeronon okon, eh oni nahe ȣateniontense-ronnes nʼotkon nahoni konrotako.
14Onen sihonȣannhoton ne Saȣatis, Kalilene son-saraȣe no Iesos Sakorihonniennihatie ne Niio rahona-kerasera.
15Ratonne: Onen ieiotenniserihe, akta oni onen ihȣe ne Niio rahonakerasera: saseȣatatroȣat, nok taseȣetak no Kariȣiio.
16Onen kaniataraktatie sire no Iesos, Sasakoken iatatekenhaa, Simon tanon Antré iataharos, aseken nitsiakȣaskȣe.
17Ȣasakaȣenhaso ne Iesos: takehninonteratiesek nok ii enkenirihonnien Onkȣe hentsetsiiataharosseke.
18Ok eh taiatsiakȣarisi ne rahonahahre nok ȣahon-ȣasero.
19Iah sotsi ihnon tiipshaȣenon, eh are ionsasakoken iatatekenhaa, Sak tanon San nene Zebedé Sakoionho-konha, kaonȣakon niiatit iataharaseronni.
20Iasakohnonke oni neneh: Ok oni neneh eh-taonȣatsiakȣarisi no ronȣaniha oni ne kannhatsera nok ȣahonȣasere.
21Kafarnaim iahontenatorenne; tsi ȣahorhenno iaȣentatokenton, Ononsatokentike iahataȣeiate nok ȣasakori hon nion.
22Aksekon ok iakohnerakȣenhatonskȣe tsinihat-tokhakoȣa, aseken iah eh tohaierhakȣe tsi Sakotatis tsinihatiierha no Ratiiatons, neh tanon raierathakȣe tsini hokȣeniatseroten.
23Saiatat eh raiatare notkonseraksen rotienni, tontahohenrete.
24Sahenron: Ah! Iesos Nasaretronon toh nate-tiattihen? neh kenh taseniente naskȣatonte? ȣakate-rientase onka niso: Ise ne Niio Iaienha.
25Nok tanon ne Iesos tahoteȣennakȣisronhase, ȣahaȣenhase: tastotek, satsiakenn oni tsinoiiȣe nisi-teron.
26Neso ȣaonni ȣaharonhiaken oni ȣathohenrete tsi sakaiakenne no rotiennine Otkonseraksen.
27Akȣekon ok iakohnerakȣaskȣe, iontonnionskȣe: oh nahaiatotenkoȣa ne kenh ronkȣe? ok tisakoȣenniio nonatkonseraksen, ronȣaȣennarakȣa oni.
28Neso ȣaonni ȣahasennoȣannha ne Kalilero-nonke.
29Nok nonen sonsakaiakenne. Sak tanon San ȣaonne eli Sahonnete tsi thotinonsote ne Simon tanon nʼAntre.
30Ethone niiotonkȣarhoskȣe ne Simon ronȣenn-honsa, kanaktake kaiationni; neh niare taontierente ȣatkonȣarensaronnion.
31Ethone akta niiahare, ȣahanontsa nok ȣahakes-tsko, iokontatie Sakenton-kȣanoste; nok saioiohten.
32Okarahane nonkȣati, onen siiateiotsothon eh ȣaontatiataroroke nʼiakononȣaktanionni niatekannrotenson,
33Iotiokȣatsanit tsi kannhokaronte iakoteroronne.
34Eso oni eh sasakotsiente niatekannrotenson iakononȣaktanitakȣe; nok sasakoiatinekenseron oni notkonseraksen iakonatiennine, nok sakotinhesehakȣe nonatkonseraksen nakontrori tsi ronȣaionteri.
35Nok, sekon ok tetiokaras ȣahatkestsko, tsinonȣe shatitken niiahare eh iahaterennaien.
36Nok ne Simon, oni ne rontenrotiene ȣathonȣa-karenhaȣe, nok ȣahonȣasere.
37Nok nonen Siiahonȣaiatorenne, ȣahonniron: akȣekon ok ise iesaiatisaks.
38Tontahenron: hennioh neh noiah tetkanataien niieheteȣe iakeiatati oni neneh; aseken neh teȣake-nienton tsi teȣakenon.
39Nese ȣaonni akȣekon niiehataȣoiatakȣe, nok sakotatiatakȣe tsi ronterennaientakȣa ne Kalile-ronon, nok sesakoiatinekenskȣe notkonseraksen iakoh-natiennine.
40Saiatat roststaȣis ȣahoiatorenne, ȣattotontso-thase tsi ȣahoneken, Sahenron: askȣeni nasere sit-sient.
41Ȣathoniatasiharano no Iesos tsi ȣahotkatho, iathonisnonsaerhase, nok Sahenron; neh ikere satsie-ȣentann.
42Akȣa neok iahateȣennokten ok eh tonhton tsi roststarakȣe nok sahaton.
43Ȣahotiaȣenratse nahatrori, nok sahotekȣate.
44Sahenron: senikonrarak tosa onka sherori; ȣas tanon shenatonnira ne ratitsihenstatsi nok asheni-konrasenniete tsi aseriȣaierite tsini hotenienten ne Moïs tsi tokensko sasaton.
45Nok tanon ne rahonha: ethok iahatasaȣen ȣa-thateriȣareniato oni ȣaharihoȣanate tsi nahaȣenne. Nese ȣaonni iah teseȣatonskȣe ne ȣene akenhatie tsi ratenatorenskȣe; tiotkon ok ihnon, tsi oni nonȣe sah-titken itreskȣe, sekonkiʼsʼ sane ok kenh titiaȣenskȣe ronȣaiatorenskȣe.
انتخاب شده:
Roiatatokenti Mark 1: MOH1880
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Published by the British and Foreign Bible Society in 1880.
