St. Luka 19

1Ko Yesus aci lo wtin ko aci rêt Yericho.

2Ko yenkin ran ci côl Zachaeus, ko yen nom e koyc Publikani; ko yen aci kuet. 3Ko aci nang puou bi Yesus ting, ye ye-nga; ko keyʼ leu e dut e koyc, ké yen akor e guop-de. 4Ko yen aci ngor ko aci yid tim e kuèl nom bi yen ting; ké yen abi uer tetúy. 5Ko na Yesus aci ben tede aci ting wnyal ko aci yen ting, ko aci lek yen: Zachaeus, dayc yid piû ké ghèn akolé abi nyuc pan-du. 6Ko yen aci dayc yid piñ, ko aci yen lor e myed e puou. 7Ko na koyc eben aci kan ting aci môn ko aci luel: ké yen aci nyuc ghun e ran jol. 8Lone Zachaeus aci lo etong yen ko aci lek beyn-did: Yenkin, Beyn-did, long e uèu-cia aba yek koyc ci ngong, ko na ghên aci tok tut ka abi dûk yen ayá ʼnguan. 9Ko Yesus aci lek yen: Akolé aci a koyn etong ghuné; ké yen ayá man e Abraham. 10Ké man e ran aci ben bi koyn ke ci mor.

11Na kêk aci kan ping, yen aci juak ko aci luop luel, ké yen aci wtyok Yerusalem, ko kêk aci ngât pan e Dén-did abi dayʼ tîc. 12Ko yekan yen aci luel: Beyn tok adid aci jal te-mec bi kap bayn ko bi dûk. 13Ko aci côl aloékke wtyer ko aci kêk yek mna wtyer, ko aci lek kêk: Kuetke uèu ghêt ghên abi ben. 14Lone koyc-ke aci yen man ko aci tōc rōr e lek e yen cok, ko aci luel: Ghóg acin puou bi kan bayn etong ghóg. 15Ko na yen aci bayn mûk ko aci dûk, yen aci cyeng bi côl aloék ci yen kêk yek uèu bi nyic vékedi tok eben aci kuet. 16Lone ke tuèng aci ben ko luel: Beyn-did, mnâ-ku aci kuet mná wtyer. 17Ko aci lek yen: Oò, áloang puat, ké yin aci lacit e lik-ic yin abi nang ryel etong bey wtyer. 18Ko dé aci ben ko luel: Beyn-did, mnà-ku aci loy mnà wdyec. 19Ko aci lek kan: Yin ayá nom e bey wdyec. 20Ko dé aci ben ko aci luel: Beyn-did, yenkin a mnà-du, ci ghên tit alád-ic.

21Ké ghên aci yin ryoc, ké yin ran ril, yin a ngay ka keyc yin tau ko a tem akeyc yin com. 22Aci lek yen: Etong wtong-du ghên a lûk yin, aloang rac! Yin aci nyic ghên e ran ril ye ngay ka keyʼ ci ghên tau ko a tem ka keyʼ ci com; 23ko ne-ngu yin akeyc uèu-cia bei jang-nom bi ghên, na ghên aci ben, wtyèc uèu keke juak? 24ko aci lek koyc ci to tin: Ngayke etong yen mnà tok ko yekke kene a nong mnà wtyer. 25Ko kêk aci lek yen: Beyn-did, yen a nong a mnà wtyer. 26Lone ghên a lek uêk: tok eben ye nong abi yek etong yen, ko yen abi juak; ko etong kan ye ci bi nang abi ngay ayá ke ye nong. 27Lone kak kʼ a màn ghèn ko ci jay ghèn a bayn etong kêk, beike kêk ten ko nakke kêk a gha nyin tuèng.

28Ko na yen aci kan luel, yen aci bêr ko aci yid Yerusalem.

29Ko na yen aci wtyok Bethphage ko Bethania etong alel ci côl alel e tim e mok, yen aci tōc koyc-ke rou, 30ko aci luel: Lak pan to e uêk nom; ko na uèk akentin, uêk abi yok dan e mûl ci màc acin ran-tok atêr akeyʼ nyuc e yen kou; loynke ko beike yen. 31Ko na tok abi uèk wtyèc: ne-ngu uêk a loyn? kele uèk abi lek yen: ké beyn-did a nong puou luoy-de. 32Lone aci jal koyc ci tōc ko aci yok, acit yen lek kêk (dan e mûl a kàc), 33ko na kêk aci dan loyn, koyc nong mûl aci lek kêk: ne-ngu uêk a loyn dan e mûl? 34Ko kêk aci lek: ke beyn-did a dak yen. 35Ko kêk aci yen kuat etong Yesus, ko aci buông-ken tau e mûl kou ko aci Yesus nyuoc. 36Ko na yen aci ber kêk aci tyèwd buóng-ken kuèr-ic. 37Ko na yen aci wtyok ten koyc lo piñ alel e tim e mok, aci gol dut e koyc-ke eben bi myed e puou ko bi Dén-did lēc e kuoy did etong ryel eben ci kêk ting; 38ko aci luel: Aci wtyey ke bo beyn-did ke rin e Dén-did! Dor e wnyal-ic ko did te awtoyn! 39Ko tetok Pharisaei etong dut e koyc aci lek yen: Beyn e nyic, pen koyc-ku. 40Ko yen aci lek kêk: Ghên a lek uêk, na kêk abi byet kur abi côl.

41Ko na yen aci wtyok Yerusalem ko aci pan ting, aci dyau etong yen ko aci luel: 42Na yin aci nyic, yin, ya akol-du kede e dor etong yin; lone yémanic aci tyán e yi nyin. 43Ké abi ben akol etong yin na koyc mán yin abi yin ker e dyêr, ko abi yin ker ko abi yin rom tede eben; 44ko abi yin dyòm piñ ko miwt-ku to yin-ic, ko aci bi pyal yin-ic kûr a kûr kou, ké yin akeyʼ nyic ghon e nēm-du.

45Ko yen aci lo ghun e Dén-did-ic, ko aci gol cyèc koyc a ghác ke koyc ghóc e yen-ic, 46ko aci lek kêk: Aci gor, ghun-dia e ghun e cor, ko uêk aci yen loy adum e rōr e rum.

47Ko yen aci nyic akol eben ghun e Dén-did-ic; lone nim e tit ko koyc e gor, ko nim e koyc aci but bi yen ryok. 48Ko kêk akeyc kede yok bi rek etong yen; ké koyc eben aci yen nuât ko aci yen ping.

اکنون انتخاب شده:

St. Luka 19: CIEC1905

های‌لایت

به اشتراک گذاشتن

کپی