Psalmyn 6
6
EVENING PRAYER.
PSAL. 6.
Domine, ne.
1O Hiarn, ny cur oghsan dooys ayns dty chorree:
cha-moo smaghtee mee ayns dty yymmoose.
2Jean myghin orrym, O Hiarn, son ta mee annoon:
O Hiarn, slaanee mee, son ta my chraueyn seaghnit.
3Ta sou-aigney trome myrgeddin orrym:
agh, Hiarn, caid nee oo mish y cherraghey?
4Chyndaa uss, O Hiarn, as livrey m’annym:
O saue mee er graih dty vyghinyn.
5Son ayns baase cha vel dooinney erbee cooinaghtyn orts:
as quoi ver moylley dhyts ayns yn oaie?
6Ta mee deïnagh lesh gaccan; dy-chooilley oie ta mee gushtaghey my lhiabbee:
as fluighey my lhiaght lesh my yeïr.
7Ta my aalid er n’immeeaght lesh eer seaghyn:
as er ny lheïe ersooyl kyndagh rish ooilley my noidyn.
8Ersooyl voym shiuish ooilley ta gobbraghey molteyrys:
son ta’n Chiarn er chlashtyn coraa my ghobberan.
9Ta’n Chiarn er chlashtyn my accan:
nee’n Chiarn soiaghey jeh my phadjer.
10Bee ooilley my noidyn er nyn stroie as dy-trome seaghnit:
chyndaa-ee ad nyn gooyl, as hig ad gys nearey doaltattym.
اکنون انتخاب شده:
Psalmyn 6: PS1765
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
maintained by the British and Foreign Bible Society