Susumo 10
10
Yére nèy Nowa
1Vemo ba sé nèy Nowa, nɛ à Shɛm, na Ham tanga Yafɛt. E bamâ tɛmɛ-nshi ba tɔs a yɛn nèy, ko yére mɛn a yet:
2Nèy Yafɛt, nɛ a Gɔmɛr, na Magɔk, na Madai, na Yavan, na Tubal, na Meshek tanga Tiras. 3Yére Gɔmɛr, yɛ a Ashkenas, na Rifas tanga Tɔgarma. 4Yére Yavan, yɛ a Elisha, na Tarshish, na BeKiti tanga BeRɔdan.#10:4 BeRɔdan: E ji jɛk detidetu hê raane ba jɛk “BeRɔdan”, ko e ji jɛ̂k BeIbrani ba jɛk “BeDɔdan”. Mara hin 1Neha 1:7. 5Yére mɛn yɛ de ya sangal e bakwogom na e bazîk berep. Ya tɛ́ ɛ yére jijining. Kayɛ e ji yɛ̄ ya vɔk ruhûp yɛ̀, yà sangal e vwêl yɛ̀, ko ya vɔk relêm yɛ̀ arɔng.
6Nèy Ham, nɛ a Kush, na Misra, na Put tanga Kanaan. 7Yére Kush, yɛ a Seba, na Havila, na Sapta, na Raama tanga Saptɛka. Yére Raama, yɛ a Sheba tanga Dedan.
8Ko Kush a vɔk hwey hak de ba tâng hɛ, à Nimrɔt, yɛ wɛ à wò mɛsɛng e ji jey mwa de a nusu rwas. 9A sè gbɔng mwât jàma za wɛt. Yaga ano, bemat ba tē, “Mwat womo a sé gbɔng mwât jàma za wɛt sede Nimrɔt.” 10Nimrɔt a pɛrɛ re negwɔm mɛ e ra bapomô Babilɔn, na Ɛrɛk tanga Akat, mwa nedem nane mo na sé#10:10 mwa nedem nane mo na sé: kɛ: Kalne. e ji sevwêl Babilɔnya. 11-12Yi e sevwêl Babilɔnya mo a kyè vɔk e sevwêl Asirya, a lɔk gbɔng repomô Nineve, na bapomô Rɛhɔbɔt-Ir, na Kala tanga Rɛsɛn hemo de ha sé e tê Nineve na Kala.
13Ko Misra yɛ wɛ à dâ BeLut, na BeAnam, na BeLehap, na BeNaftu, 14na BePatrus, na BeKaslu tanga BeKaftor;#10:14 BeKaftor: E ji jɛ̂k BeIbrani ba jɛk “a sé yi e ji BeKaslu de ba sé BeFilisti” ko mara na Amɔs 9:7. a sé yi e ji BeKaftor de BeFilisti ba nusu ɛ.
15Ko Kanaan a vɔk nèy, hê mɛsɛng o à Sidɔn, hê neba mo hɛ à Hɛt; yɛn beba ba tɛ́ ɛn yére bemat. 16Kanaan a to sé dâ BeYebus, na BeAmɔr, na BeGirgash, 17na BeHivi, na BeArki, na BeSini, 18na BeArvat, na BeZemar tanga BeHamat. E bama mo, rùhûp Kanaan ba shara hɛn. 19Yɛnɛ̂ vwêl Kanaan o ha wul yi e repomô Sidɔn e rwa bato vɔk e Gaza wɔ e Gerar e rwa batin, ko vɔk e bapomô Sɔdɔm, na Gɔmɔra, na Adma tanga Zɛbɔyim wɔ e Lasha e rwa rak.
20Yerê Ham yēmo mwa ya tɛ́ ɛn yére jijining. Kayɛ e ji yɛ̄ ya vɔk ruhûp yɛ̀, yà sangal e vwêl yɛ̀, ko ya vɔk relêm yɛ̀ arɔng.
21Shɛm kwong, gwa Yafɛt kunat, a vɔk nèy arɔng; yɛ wɛ a dâ dâ mwa yerê Ɛbɛr. 22Yerê Shɛm o, yɛ a Ɛlam, na Ashur, na Arpakshat, na Lut tanga Aram. 23Yerê Aram, yɛ a Us, na Hul, na Gɛtɛr tanga Mash. 24Arpakshat yɛ à dâ Shela, ko Shela a sé dâ Ɛbɛr. 25Ɛbɛr a vɔk nèy neba, ba tâng gwining o a Pɛlɛk,#10:25 Pɛlɛk: Cap reza mo ya sé “gas ba”. yaga e jeng mɛ de bemât jey ba gas ɛn ba, ko gwà mɛ ba yila hɛ a Yɔktan. 26Yɔktan a tɔ Almodat, na Shɛlɛf, na Hazarmavɛt, na Yɛra, 27na Hadoram, na Uzal, na Digla, 28na Obal, na Abimayel, na Sheba, 29na Ofir, na Havila tanga Yobap. Mwa hɛn ba sé yerê Yɔktan. 30Yɛnɛ̂ vwel de ba sangal ɛ̀ ha kaba yi e Mesha vɔk e Sefar e vwêl bahwol e rwa rak.
31Yerê Shɛm yēmo mwa ya tɛ́ ɛn yére jijining. Kayɛ e ji yɛ̄ ya vɔk ruhûp yɛ̀, yà sangal e vwêl yɛ̀, ko yà vɔk relêm yɛ̀ arɔng.
32Yerê bemât jey o mwa, na yére jining o mwa yɛ à yére nèy Nowa. E bamâ tɛmɛ-nshi, yére bemât jey mwa e ji jey ya yi e nèy Nowa.
اکنون انتخاب شده:
Susumo 10: bomBI
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2009 Nigeria Bible Translation Trust and Wycliffe Bible Translators, Inc. in cooperation with Berom Language and Translation Board
New Testament originally published by © 1984 International Bible Society and Nigeria Bible Translation Trust