آیات محبوب کتاب مقدس از Sélimɛ 6

به اشتراک گذاشتن

Á ki tɔ̀ni nɛ̀ Yewe biɛn a wi 'ki nyaa wire sì yé yɛli bè siɛn faanʔ, a ki 'wi fungo cúʔɔ gè.

A Yewe pɛ́nì ki nyaa siɛnnɛ pe kakpiʔiligele kiyē nɛ piʔi nɛ waa dàala nɛ̄ lè, á pe funzɔngirɔ ní dè nɛ waa cɛngɛ ó cɛngɛ kapiʔile kɔli mɛ́ gè.

Nɛ̀ ki yaʔa Nɔwe cé kpuʔɔrɔ taa Yewe mɛ́.

Nɔwe nɛ́ wi pìile siɛnrɛ dī dàa dè: Nɔwe 'puu siɛnsinwɛ nɛ́ ní dìgire fùn wi lɛ̀lɛ siɛnnɛ nī bèle; wi 'puu nɛ tári nɛ́ Kulocɛliɛ ní wī.

A Yewe 'jo: «Siɛnnɛ bálì mi 'faan bèle, m'bé pe cúʔɔ bè yige dàala nɛ̄ lè péwu, peli nɛ́ nyàʔayɛrɛ nɛ́ yajuuro ní dè, nɛ́ yafulolido ní dè, nɛ́ yafinide ní dè, nɛ́ ki cɛ́n ki tɔ̀ni nɛ̀ mi biɛn bɛ̀ mi 'siɛnnɛ nɛ́ yɛrɛ dáà ti mìɛni faan dè.»

Bà siɛnnɛ pe séli nɛ̀ sii nɛ niʔɛgi dàala nɛ̄ lè, a pe 'pìcapigele sii, a Kulocɛliɛ pìile pe 'siɛnnɛ pe pórilo nyaa bèle cɛ̀nminɛ, a pe 'fali nɛ pe líi nɛ waa cɛlilɛ a ŋìi cé pe dɛ́ni wè. A Yewe 'jo: «Mi Pìle niǐ ga tíi kò siɛn nī lɛ̀lɛ ó lɛ̀lɛ nīʔ; nɛ́ ki cɛ́n, siɛn muɔ nɛ nyaʔa wè, wi bé ba kùu wī. Siɛn wi sìi yiʔɛlɛ kiyě tóri yiʔɛlɛ tekɔlini (120) nɛ̄ʔ.» Kire lɛ̀lɛ lire nī, siɛnkpaʔajɛnminɛ pe 'puu nɛ tíin bile dàala nɛ̄ lè, nɛ́ míɛni kire kàduʔumɛ gè yi 'puu bile. A Kulocɛliɛ pìile pe pɛ́nì sínɛ nɛ́ siɛnnɛ pórilo ní bèle a pe 'pìile sii pe nɛ̄. Peli pe 'puu nàgaliriye yè nyàa yi 'puu nɛ́ ŋɔri ní dè faʔa gè, nɛ́ ní míʔɛfɔlilɔ bèle.

A Nɔwe 'ki kpíʔile. Gàa ki mìɛni Kulocɛliɛ cé juu nɛ̀ gbɛ̀ngɛ wi mɛ́ wè, a wi 'ki mìɛni kpíʔile bɛ̀.

A Kulocɛliɛ sí fali nɛ̀ juu Nɔwe ní nɛ́ jo: «Mi nyɛ́nì ki kɔ̀rirɔ bè siɛnnɛ pe mìɛni sìi yérige wè, nɛ́ ki cɛ́n siɛnnɛ pe fungbɛnyɛ yi nyɛ́nì dàala nyì lè. Kire nɛ̄ mi je pe cúʔɔ nɛ́ dàala ní lè.

Muɔ wè, ma kɔ́rikpuʔɔ káà kpíʔile nɛ́ gofɛri tiire ní, má saapigele kɔ̀n kɔ̀n ki laamɛ nī bè, má tiire kùro tíʔɛ ma ki tiin ki laamɛ nī bè nɛ́ kpànʔanɛ gè.

A Kulocɛliɛ 'duniya wéli wè nɛ́ ki nyaa duniya wiī cúʔɔwɔ; siɛnnɛ pe mìɛni tánʔagɛnmɛ yé pii nɛ̀ pɛ́nì tóri dàala nɛ̄ lè.

Muɔ bé yawiire ti mìɛni feliye nyɔ́gɔ kɔ́rikpuʔɔ nī gè, siin siin, nàguɔ nɛ́ cɛliwɛ, kire ga buu ti‑ kòri sìi nɛ̄ nɛ́ muɔ ní.