آیات محبوب کتاب مقدس از INLAHEN 1

به اشتراک گذاشتن

Teūngen pöri min yī-ö tö kanô-òṅ, hē ngam Töhet Fanöinylö nö i kui yīö. Ngaich yī-ö min ameūken Chu, i Yērusalem, keuheūtngöre chūök i Yūtā, Samariā, ane inrē söl ip manā-angkūö ngih pangam.

Ngaich ngö ṙô Anga-aṅ tö cha, Rö-ö yin yī-ö hōtu akahalōn tö ṙētak, hēk hē, ngam mī-im chöngö ngam Yöng.

Hamūltöre nö in cha; ngaich sōten cha Anga-aṅ nö kiröönngöre, nö ṙā-ang Yerūsalem; höngkökūö ngam kinlēḵngô ngam Yöng pöri, ngam ahang yīö in Chu. Pò Yôhan nö aṅtī tö mak nö vōk; aṅtī tö ngam Töhet Fanöinylö pöri yī-ö min vōk, öt ṙōl töre sumkam.

Yik tö hameukhumat tö Ò nö aṅ, unôichrit kanihngen Ò, nö pōiyen minkahngö; meūkö tö cha nö fën anāi tum sumkam; nö ṙôtö inlahen ngam pūlngö ngam Tēv.

Keuheūthëṙô Anga-aṅ tö u, ṙòngmöng hötīöna cha-a, ngaich kēḵlöngö Anga-aṅ, ngaich ök taṙul nö kēḵ An nö i kūö cha.

Hē cha nö ṙòngmö haköpmatre nö el halīöngö, tö chanūhu Ò; nët tak nak tarik samökhaka nö ranghen cha, tö isōhö hilā; nak tö ngö ṙô, Yī-ö tarik aṅ Kelelī; kūöyòh öi höng sökhaka, hatīönkö el halīöngö? Ngatī yanihih ön ngòh Yēsū min, ngam tö kēḵlöngö nö el halīöngö, nö ṙā-ang in yīö, sā mat yīö meūkan nö yônlö nö el halīöngö.