Genesis 20
20
Caibidil XX.
Sarah ar na tabhairt ó Abraham, aisiogthar í saor. 17 Ag athchoinnidh Abraham slanaighthear Abimelech.
1Agus do ghluáis Abraham as sin don tir bu dheas, agus do áitreabh eidir Cades agus Súr, agus do rinne comhnuidhe ann, Gerar. 2Agus a dubhairt Abraham a ttáobh Shárah a mhná, A si mo dheirbhshiur í: agus do chuir Abimelech righ Gérar fios, agus do ghlac sé Sárah. 3Ach táinic Dia go Habimelech a naisling sa noidhché, agus a dubhairt ris, Feuch, ní bhfuil ionnad ach duine marbh tres an mnáoi do ghlac tú; oir is bean fir í. 4Ach ní tháinig Abimelech na gar: achd a dubhairt sé, A THIGHEARNA, an muirfidh tu mar sin cineadh ionnruic? 5Nach dubhairt seision riomsa, Sí mo dheirbhshíur í? agus sisi mar an gcéudna, isi féin a dubhairt, Sé mo dhearbhrathair é: a simplidheachd mo chroidhe, agus a neimhchionta mo lamh, do rinne misi so. 6Agus a dubhairt Día a naisling ris, Is fior, is aithnidh damhsa gur ó chroidhe ghlan do rinne tú so; óir do chonnuimh mé ó pheacadh do dheunamh am aghaidh thú: uime sin nar léig mé duit buáin ria. 7Uime sin annois aisig don fhior a bhean; óir is faidh é, agus guidhfidh ar do shon, agus bíaidh tú beó: agus muna aisiogtha tú í, bíodh a fhios agad go bhfuighe tú bás go deimhin, thú féin agus an mheid ghabhus leachd. 8Uime sin do éirigh Abimelech go moch ar maidin, agus do ghoir a sherbhísigh uile, agus do innis na neithesi uile ann a gclúasuibh: agus do líonadar na dáoine deagla mhóir. 9Ann sin do ghoir Abimelech Abraham, agus a dubhairt ris, Créd do rinne tusa linne? agus créud a nurchóid do rinne mé féin duit, ás a ttug tú peacadh mór oram féin agus ar mo rioghachd? do rinne tú gníomha orumsa nár chóir a dhéunamh. 10Agus a dubhairt Abimelech ré Abraham, Créd do chonnairc tú as a ndearna tú an ní si? 11Agus a dubhairt Abraham, Do chionn gur sháoil mé, Go deimhin nach bhfuil eagla Dé sa náitse; agus go muirfidhe misi ar son mo mhná. 12Agus go deimhin thairis sin a si mo dhearbhshiúr í; is inghean dom athair í, ach ní hinghean dom mhathair í; agus tugadh na mnáoi dhamh í. 13Agus tárla, a nuáir thug Día ormsa imtheachd romham ó thigh mathar, do ráidh me ría, Is é so do chineáltussa do dhéunas tú orumsa; ann gach uilé bhall iona ttiucfam, abair dom tháobhsa, A sé mo dhearbhrathair é. 14Agus do ghlac Abimelech cáoirigh, agus daimh, agus ógláoich, agus inniltigh, agus tug do Abraham íad, agus do aisig Sarah a bhean dó. 15Agus a dubhairt Abimelech, Féuch, atá mo dhuthaigh as do choinne: comhnuigh sa náit is fearr chítear dhuit. 16Agus ré Sárah a dubbairt sé, Féuch, tug mé dot dhearbhrathair míle píosa airgid: féuch atá sé dhuitsi na fholach súl, do nuile da bhfuil ad fhochair, agus a bhfochair a nuile eile: mar sin fuáir si achmhusán. 17Ann sin do ghuidh Abraham Día: agus do leighis Día Abimelech, agus a bhean, agus inniltigh; agus rugadar clann. 18Oír do dhruid an TIGHEARNA go daingean a nuile bhrú a ttigh Abimelech, ar son Shárah bean Abraham.
Currently Selected:
Genesis 20: Bedell
Tõsta esile
Share
Kopeeri
Want to have your highlights saved across all your devices? Sign up or sign in
First published by the British and Foreign Bible Society in 1817.
Maintained by the British and Foreign Bible Society (BFBS) on behalf of the National Bible Society of Ireland (NBSI) and the Bible Society in Northern Ireland (BSNI)