Simuluho 36
36
Lusika lwa Isau
(1 Lita 1.34-37)
1Lo ki lona lusika lwa Isau, yena Edomo. 2#Sim 26.34 Isau n'a nyezi basali ba Makanana, ili bo Ada mwan'a Eloni wa Muhiti, Oholibama mwan'a Ana ya n'a pepilwe ki Zibioni wa Muhivi, 3#Sim 28.9 ni Basemati mwan'a Ishimaele kaizel'a Nebajoti. 4Ada, a pepa Elifazi ku Isau. Basemati a pepa Reuele. 5Mi Oholibama a pepa Jeushu, Jalamu ni Kora. Bao, ki bona bana b'a n'a pepile Isau mwa naha ya Kanana.
6Cwale Isau a nga basali ba hae, bana ba bashimani ni ba basizana, ni batu ba hae kamukana, ni likomu za hae kaufela, ni liluwo la hae l'a n'a luile mwa naha ya Kanana. A zwa ku munyan'a hae Jakobo, mi a ya kwa naha i sili. 7A tuta kakuli fo ne ba inzi ni Jakobo ne ku sa ba likani. Ne ba na ni likomu ze ñata hahulu, mi ba palelwa ku ina hamoho. 8Isau, kapa Edomo, kih'a y'o ina mwa naha ya malundu a Seiri.
9Lo, ki lona lusika lwa Isau, ndat'ahe Maedomo, mwa naha ya malundu a Seiri. 10A, ki ona mabizo a bana ba Isau. Ki Elifazi ya pepiwa ki Ada, ni Reuele ya pepiwa ki Basemati musal'a Isau. 11Bana ba Elifazi n'e li Temani, Omare, Zefo, Gatamo ni Kenazi. 12Timina n'e li yo muñwi wa basali ba mwan'a Isau, yena Elifazi, kw'a n'a pepile Amaleke. Bao, ki bona bana ba Ada musal'a Isau.
13Ba, ki bona bana ba Reuele. Ki Nahati, Zera, Shamaha ni Miza. Ki bona bana ba Basemati musal'a Isau.
14Oholibama, mwan'a Ana ya n'a pepilwe ki Zibioni, a t'o pepa Jeushu, Jalamu ni Kora ku Isau.
15Ba, ki bona manduna mwa lusika lwa Isau. Ki bana ba mweli wa Isau yena Elifazi. Ki nduna Temani, Omare, Zefo, Kenazi, 16Kora, Gatamo, ni Amaleke. Bao, i n'e li bona manduna ba Elifazi mwa naha ya Edomo. N'e li bana ba Ada.
17Ba, ki bona bana ba Reuele mwan'a Isau. Ki nduna Nahati, Zera, Shama ni Miza. Bao n'e li manduna ba Reuele mwa naha ya Edomo. N'e li bana ba Isau ku Basemati musal'a hae.
18Ba, ki bana musal'a Isau yena Oholibama. Ki nduna Jeushu, Jalamu ni Kora. Bao ki bona manduna ba ba pepilwe ki musal'a Isau yena Oholibama, mwan'a Ana. 19Lo, ki lona lusika lwa Isau kamba Edomo, mi bao ki bona mandun'a bona.
Lusika lwa Seiri
(1 Lita 1.38-42)
20Ba, ki bona bana ba Seiri wa Muhori, bañi ba naha. Ki bo Lotani, Shobali, Zibioni, Ana, 21Dishoni, Ezeri ni Dishani. Kwa bana ba Seiri, ba ki bona manduna ba Mahori mwa naha ya Edomo.
22Bana ba Lotani n'e li Hori ni Hemami. Timina ne li kaizel'a Lotani.
23Ba, ki bona bana ba Shobali. Ki Alevani, Manahati, Ebali, Shefo ni Onamu.
24Bana ba Zibioni ki Aiya ni Ana. Ana, ki yena ya kile a fumana mawelu-welu a mezi a cisa mwa naheñi ha n'a lisa limbongolo za ndat'ahe Zibioni. 25Bana ba Ana ki ba. Ki Dishoni ni kaizel'a hae Oholibama. 26Bana ba Dishoni ki Hemedani, Eshebami, Jitirani ni Kerani.
27Bana ba Ezere ki Bilihani, Zaavani ni Akani.
28Bana ba Dishani ki Uza ni Arani.
29Manduna ba Mahori ki bo Lotani, Shobali, Zibioni, Ana, 30Dishoni, Ezere, ni Dishani. Bao, ki bona manduna ba Mahori ka ku latelela masika a bona, mwa naha ya Seiri.
Malena ba Edomo
(1 Lita 1.43-54)
31Ba, ki bona malena ba ba busize naha ya Edomo, malena ba Maisilaele ba si ka busa kale. 32Bela mwan'a Beori a busa mwa Edomo. Libizo la munzi wa hae ne li Dinaba. 33Bela ha s'a shwile, Jobabi, mwan'a Zera wa kwa Bozira, a mu yola. 34Jobabi h'a shwa, Hushamu, wa mwa naha ya Matemana, a mu yola. 35Hushamu h'a shwa, Hadadi, mwan'a Bedadi, a mu yola. Ki yena ya tuzi Mamidiani mwa naha ya Moabi. Libizo la munzi wa hae n'e li Aviti. 36Hadadi ha s'a shwile, Samila wa kwa Masareka a nga sibaka sa hae. 37Samila h'a shwa, Shaule wa kwa Rehoboto, kwa Nuka ya Yuferati, a busa mwa sibaka sa hae. 38Shaule h'a shwa, Baale Hanani, mwan'a Akibore, a mu yola. 39Baale Hanani mwan'a Akibore h'a shwa, kwa yola Hadare mwa sibaka sa hae. Libizo la munzi wa hae n'e li Pau. Musal'a hae n'a bizwa Mehetabele mwan'a Mataredi ya n'a pepilwe ki musali ya n'a bizwa Mezahaba.
40A, ki ona mabizo a manduna ba Isau ha ba kolokisizwe ka limba, ni libaka mw'a n'a yahile yo muñwi ni yo muñwi wa bona. Ki nduna Timina, Aleya, Jetete, 41Oholibama, Ela, Pinoni, 42Kenari, Temani, Mibizari, 43Magadiele ni Irami. Bao, ki bona manduna ba Edomo ka ku ya ka libaka mo ne ba pila mwa naha ya bona. Isau ki yena ndat'ahe Maedomo.
Currently Selected:
Simuluho 36: Lozi09
Tõsta esile
Share
Kopeeri
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.