Génesis 9
9
Noéta Teyta Dios äninqan
1Tsëpitanam Noétawan tsurinkunata bendisir Teyta Dios nirqan: <<Mirayë kë patsaman juntayanqëkiyaq.#Gén. 1.28. 2Tukïläya animalkunam, päriqkunam#9.2 Wakin nunakunaqa bolaqkuna niyanmi., lätëpa puriqkunam y lamarchö kawaqkunam mantsayäshunki. Tsënöllam llapan animalkuna munënikichö kayanqa. 3Tukïläya animalkunam, mikïkunam y verdürakunam mikuyänëkipaq kanqa. 4Tsënö kaptinpis ama mikuyankitsu yawaryuq ëtsataqa. Yawarninchömi kawënin këkan.#Lev. 7.26-27; 17.10-14; 19.26; Deut. 12.16, 23; 15.23.
5<<Nuna mayinta wanutsiq kaqqa wanutsishqam kanqa. Tsënöllam nuna wanutsiq animalpis wanutsishqa kanqa. 6Kikï rikuqtam nunata kamarqü.#Gén. 1.26. Tsëmi pipis nuna mayinta wanutsiptinqa kikintapis wanutsiyanqa.#Éxo. 20.13.
7<<Qamkuna atskaman mirayë. Tsënölla qampita mirënikikunapis kë patsaman juntanqanyaq mirayätsun>>.
8Tsëpitanam Noéta y tsurinkunata Teyta Dios nirqan: 9<<Diluviuwan yapë mana ushakätsiyänaqpaqmi qamkunawan y qamkunapita miraqkunawan pactuta rurëkä. 10Tsënöllam pactüta rurëkä arcapita yarquq llapan casta päriqkunawan, animalkunawan y jinantin munduchö kawaqkunawanpis. 11Kë pactuta cumplirmi diluviuwanqa manana imëpis yapëqa ushakätsishaqnatsu kë patsata, nunakunata ni animalkunatapis. Kë diluviu kanqannöqa manam imëpis kanqanatsu.
12<<Tukï casta animalkunawan y llapan nunakunawan pactuta rurashqäta imëpis yarpänäpaqmi 13pukutëchö turmanyëta rikakätsimushaq. Tsë turmanyëmi imëpis señal kanqa kë patsawan pactuta rurashqäta yarpänäpaq. 14Tsëmi patsa jananpa pukutë shamuptin turmanyëta rikakätsimushaq. 15Tsë turmanyë yurimuptinmi noqa yarpäshaq qamkunawan y kë patsachö llapan casta animalkunawan pactuta rurashqäta. Tsëmi kë patsata yakuwan imëpis ushakätsishaqnatsu. 16Pukutëchö turmanyë rikakämuptinmi yarpäshaq llapan nunakunawan y animalkunawanpis pactuta rurashqäta. Tsë pactutaqa imëpis cumplishaqmi. 17Tsëmi turmanyëta señalpaq churarqü qamkunawan y animalkunawan pactuta rurashqäta yarpänäpaq>>.
Tsënömi Teyta Dios parlarqan Noéwan.
Tsurinkunata Noé dispuninqan
18Noépa tsurinkunam kayarqan Sem, Cam y Jafet. Tsë kiman tsurinkunawanmi arcapita Noé yarqayämurqan. Cam karqan Canaánpa tëtanmi. 19Noépa kiman tsurinkunapitam kë patsachö llapan nunakuna mirayashqa.
20Noéqa jamakushqa chakrata kicharirmi üvasta plantarqan. 21Tsëpitanam üvas poquriptin vïnuta upurkur Noéqa shinkakurkurqan. Shinkarkurnam toldun rurinchö qalapächu jitarëkarqan. 22Tëtan qalapächu jitarëkaqta rikëkurmi Canaánpa tëtan Cam ishkë kaq wawqinkunata willaq ëwarqan. 23Tsëmi Semwan Jafet cäpata aqshukurkur qepapëllapa ëwar tëtanta tsaparkuyarqan. Tsënöqa tsaparkuyarqan tëtan qalapächu këkaqta mana rikäyänanpaqmi.
24Kachakashqana riyarkamurmi Noé musyarirqan qepa kaq tsurin wawqinkunata willashqanta. 25Tsëmi nirqan:
<<¡Canaán maldisishqa katsun!
¡Pëqa wawqinkunapa sirwiqninmi kanqa!>>
26Nïkurnam yapë nirqan:
<<Semtaqa Teyta Dios llapanchöpis yanapëkullätsun.
Tsënölla Canaánpita miraqkuna Sempita miraqkunapa sirwiqnin kayätsun.
27Jafetta Teyta Dios yanapëkutsun atskaman mirananpaq.
Sempita miraqkunawanpis juntu täräyätsun.
Tsënölla Jafetpita miraqkunapa sirwiqnin kayätsun Canaánpita miraqkuna>>.
28Diluviu kanqanpitaqa Noé kawarqan kima pachak pitsqa chunka (350) watayaqran. 29Noé wanurqan isqun pachak pitsqa chunka (950) watayuq këkarmi.
Currently Selected:
Génesis 9: qwhB
Tõsta esile
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.