Génesis 35
35
Yosëri Pitiriquë Cacopo noya yaꞌhuëcaso marëꞌ shaꞌhuitërinsoꞌ
1Naporoꞌ Yosëri Cacopo huëꞌënquë yaꞌnotaton, camairin: “Caso Yosëco. Iráca iya masho Isao taꞌananpisën yaꞌnotëranquën. Pitiriquë paantaton, inaquë yaꞌhuëconquëꞌ. Inaquë canconpatan, chinotaancoso marëꞌ aꞌnara artaro niquëꞌ,” itërin. 2Napotohuachina Cacoposoꞌ, yaꞌipi huiꞌninpita, saꞌinpita, piyapinënpita, inapita camairin:
—Yaꞌipi nisha nisha mamanshiroꞌsa chinotëramasoꞌ, aꞌpocoꞌ. Aꞌpoatoma quëshico paꞌpitahuaꞌ. Naporahuaton amarahuatomaꞌ, noya nininso iꞌnanpiracoꞌ. 3Manóton Pitiriquë paꞌahuaꞌ. Inaquë Yosë chinotaꞌhuaso marëꞌ artaro nicaꞌhuaso yaꞌhuërin. Iráca nanan yaꞌhuëtaponco, Yosëso naꞌcon catahuarinco. Naporahuaton, itohua itohua paꞌnahuëquë, caꞌtanatonco catahuarinco, itërin.
4Napotohuachina, nisha nisha mamanshinëna moshapiso quëshipi. Pëꞌtëhuëratëroꞌsanta moshapiso quëshipi. Yaꞌipi inapita Cacopori Siquimo ninano yaꞌcariꞌ, paꞌpitërin. Aꞌnara insina nara pirayan, paꞌpitërin. 5Paꞌpachinara, Yosë nohuanton, nisha nisha ninanoroꞌsaquë yaꞌhuëpisopita paꞌpi tëꞌhuapi. Napoatona co nanitopihuëꞌ Cacopo huiꞌninpita, imatona iꞌhuërëtacaisoꞌ.
6Cacoposoꞌ huëntonënë chachin, paꞌsápatonaꞌ, Noso ninanoquë canconpi. (Ina ninanosoꞌ, Pitiri itopi antaꞌ, Canaan parti yaꞌhuërin.) 7Inaquë canconahuaton, artaro ninin huachi. Inaquë Yosë chinotërin niꞌton, ina roꞌtë aninihuanin: “Iri Pitiri#35.7 Iri Pitirisoꞌ: Pitiriquë yaꞌhuërinso Yosë, tapon naporin.” itërin. Iráca iin tëꞌhuataton taꞌananpihuachina, inaquë chachin Yosëri huëꞌënquë yaꞌnotërin niꞌton, napo nohuitërin.
8Nipica piyapinën Tipora itopisonta chiminpachina, inaquë chachin paꞌpitopi. Insina nara pirayan paꞌpitopi. Pitiri ninano yaꞌcariya, inapotopi. Cacopori inanta aninihuanin: “Naꞌnëiꞌ insina,” itërin.
9Cacopo Patan-aran quëran huënantahuachina, Yosëri naquëranchin inaquë yaꞌnotaantarin. Yaꞌnotaton noya yaꞌhuëcaso marëꞌ shaꞌhuitërin. 10-12Iso pochin shaꞌhuitërin:
“Quëmasoꞌ Cacopo itërinën.
Co huachi ina pochin nohuitarinënquënhuëꞌ.
Ipora quëran huarëꞌ Israiro itarinën,” itërin.
Ina quëran nininën canpiatahuaton itaantapon:
“Caso Yosëco, yaꞌipi nanitaparahuë.
Notohuaroꞌ huiꞌnanpita yaꞌhuëchinquën.
Shiparinpitantaꞌ, huaꞌhuayátërahuë yaꞌhuëꞌinaꞌ.
Quëmá quëran, aꞌna nacion pipipon.
Naporahuaton, shiparinpitanta naꞌa huëntonoꞌsa nicaponaꞌ.
Aꞌnaquën shiparinpita, copirno yaꞌconaponaꞌ.
Tata masho Apraan, tataparin Isaco,
inapita iso noꞌpaꞌ ahuaꞌanëntërahuë.
Ina chachin quëmanta quëchinquën.
Shiparinpitanta iso noꞌpa chachin huaꞌanëntaponaꞌ,” itërin Yosëri.
13-14Napotahuaton paꞌpachina, Cacoposoꞌ aꞌnara naꞌpi masahuaton onë pochin ahuanirin. Yosëri nontërintaquë chachin ahuanirin. Ina quëran tomaꞌ, huino, inapitaquë opotahuaton, Yosë marëꞌ acorin. 15Iráca nohuitërinso chachin ina ninanosoꞌ, Pitiri itërin.
Naquira chimininsoꞌ
16-17Huaꞌquimiachin inaquë yaꞌhuërapi quëran paantapi. Paꞌsápatonaꞌ, Iporata ninanoquë yaꞌcaritopi huachi. Inaquë Naquirasoꞌ, paꞌpi parisë quëran huaiton, coꞌchachin ninin. Napoaso ahuaitonaꞌpiri itapon: “Ama paꞌyanquësohuëꞌ, quëmapi chachin huaiyantaran,” itërin. 18Napotopirinhuëꞌ, Naquirasoꞌ yachiminin huachi. Nani yachiminahuasoꞌ, huaꞌhuin nininën acotërin: Pin-oni#35.18 Pin-onisoꞌ: Naꞌcon naꞌcon aparisitërincoso huaꞌhua, tapon naporin. itërin. Itopirinhuëꞌ, Cacoporisoꞌ, Mincamin#35.18 Mincaminsoꞌ: Paꞌya paꞌyatërahuëso huaꞌhua, tapon naporin. itërin. 19Inapo chimintërin Naquira. Napoaton Iporata ira pirayan paꞌpitopi. (Iporataso ipora marëꞌ, Pirin itopi.) 20Naquira paꞌpitahuaton, poꞌoronën aipi Cacoposoꞌ Panca raꞌpi ahuanirin. Ina naꞌpi ahuanirin quëran, Naquira poꞌoronën nohuitopi.
21Inaporahuaton, Israiroso paantarin. Itiri tori aquëcha, yaꞌhuaantacaiso marëꞌ nëꞌmëtë pëinëna ótëënpi. 22Inaquë huaꞌquimiachin yaꞌhuëpi. Inaquë chachin Nopinosoꞌ, paꞌpin cosonanën Pira itopiso monshitaton, ichihuëꞌërin. Ina natantahuaton, Israiroso paꞌpi noꞌhuitërin.
Cacopo huiꞌninpita nininsoꞌ
Cacoposoꞌ shonca cato huiꞌninpita quëmapiꞌsa yaꞌhuëtërin. 23Niaquëya nipisopitasoꞌ isopita: Paninansoꞌ Nopino, ina quëran, Simion, Nihui, Cota, Isacaro, Saporono, inapita. 24Naquiraquëya nipisopitanta isopita: Cosi, Mincamin, inapita. 25Naquira piyapinën Pira itopisoquënta isopita: Tano, Nipitari, inapita. 26Nia piyapinën Siripa itopiquëntaꞌ, isopita: Caro, Asiri, inapita. Ina nápo Cacopo huiꞌninpita yaꞌipiya quëran yaꞌhuëpi. Yaꞌipi pochin Patan-aranquë nasitopi.
Isaco chimininsoꞌ
27Aꞌna tahuëri Cacoposoꞌ paꞌpin yaꞌhuërinquë paꞌnin. Inasoꞌ, Mamiriquë yaꞌhuërin. Ina ninanosoꞌ Arapa itopi antaꞌ. Naporahuaton ina chachin Ipron itomantapi. Inaquë Apraan, Isaco, inapita yaꞌhuëpi. 28Pasa posa shonca piꞌipitasoꞌ, Isaco chiminin. 29Noyá mashoya nicaquë huarëꞌ chiminin. Chiminpachina, huiꞌninpita Isao, Cacopo, inapitari nipaꞌpichantopisoꞌ naninquë poꞌmopi.
Currently Selected:
Génesis 35: cbt
Tõsta esile
Share
Kopeeri
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.