LUKA 2
2
1MO ku matuku yia kwakakwelebwa bwadi kudi Kyesa Angusto ene, bena mbata mioso babadibwi lubadi ku mena abo. 2Lolu ndo lubadi lwa buxi lwakabadibwa pakadi Kulenio udi mulopwe a Silia. 3Yi bungi bwa bantu bakaya kuya fundibwa mu mukanda, muntu mwoso ku bula bwanci muntu mwoso ku bula bwanci. 4Yi Yosefe kabidi akancuka mu Ngalili mu bula bwa Nasalete, kuya ku Yudiya, ku bula bwa Dafidi bwabikidibwa ene, Beteleme ; bwalo bwakadiyi muna nkumbu a Dafidi a bulungu bwanci ; 5kuya fundibwa mu mukanda, yi Mali, mukasanci a mbandu akadi yi difu. 6Yi pakadi batani koku, matuku anci a kulela akakukixibwa. 7Yi akalela mwananci a buxi, yi akamudinga mbuxa mile yi akamuladisa mu kidilu kia nyama, bwalo bwakasakabo kidi mu ncibo a benyi.
8Yi ku mbata you kwakadi tulama twa mikwakwa twamasala kunci ku mbata, tudi mu kunama nama kibumbu kiabo kia mikwakwa ku butuku. 9Yi mwangele a Fumu akakwemana padibo, yi dikai dia Fumu diakalumuka kudibo, yi bakacina bowa bungi. 10Yi mwangele akabatôyela ene, Kanucini ; mona, nwambila losangu lunengela lwa kiango kingi kinakala kia bubila buncimancima ; 11bwalo bwamanulelebwa Mupandixi lelo mu bula bwa Dafidi, udi Kalistu Fumu. 12Yi kunu kudi kilayixilu kienu ; nunasañana mwana mubende mudinga yi mbuxa mile, ulele mu kidilu kia nyama. 13Yi kibumbu kia masalai a diulu kiakasangila mangwoso yi mwangele, badi mu kutumbisa Ncembi, yi badi mu kutôya ene, 14Dikai kudi Ncembi kulu, yi polo pa loboko, muxekyělelu pakacikad pa bantu.
15Yi pakancuka bangele kudibo kuya mu diulu, pakatôyelañana tulama ene, Cuyi nkyekyu lolo pôi ku Beteleme, tumoni bwalo bobu bwamatulubukisa Fumu. 16Yi bakaya mangwoso yi bakasañana yi Mali yi Yosefe, yi mwana mubende ulele mu kidilu kia nyama. 17Yi pakamonabo nako, bakalubukisa bantu diyi diakabambidibwa dia Mwana you. 18Yi bantu bosc bakakwo mbwa bakakamina bintu biakabambidibwa kudi tulama twa mikwakwa, 19Mc Maii akabumba malo aa moso, udi mu kwelañana nkanyi mu mucima ănci. 20Yi tulama twa mikwakwa twakapiñana, tudi mu kutumbisa yi kwembikixila Ncembi bwalo bwa bintu biakakwombwabo yi biakamonabo, bea biakabambidibwa.
21Yi pakadi matuku yenana amakukixibwa bwalo bwa kumwela bwadi, pakabikidibwa dina dienci ene, Yisu ; diakabikidibwayi noku kudi mwangele buxi butakwembicibwayi mu difu.
22Yi pakadi matuku a kukusudibwa kwabo amakukixibwa luna bidi bwadi bwa Mosese, bakamucwala ku Yelusaleme kuya mulongola kudi Fumu, 23(bea biamafundibwa mu bwadi bwi Fumu ene, Mwamulumi mwoso adipula difu unabalolebwa babala bwalo bwa Fumu) ; 24yi kulongola dilongi bea biamatôyebwa mu bwadi bwa Fumu ene, Bimbenga bibidi ndo twana tubidi twa nkudimba.
25Yi mona, mu Yelusaleme mwakadi muntu, dina dienci ene, Ximeono ; yi you akadi muna nkwami yi muna bowa, udi mu kukungila kibondelu kia Isalele, yi Mwoxixi a babala akadi kulu kwanci. 26Yi kwakamwebexebwa kudi Mwoxixi a babala ene, yei kaxemona lufu buxi bwa kumona Kalistu a Fumu. 27Yi akabwela mu Mwoxixi munda mwa tempelo ; yi pakabwesa tetenci yi mamanci Mwana Yisu bixemwencelabo bea luna mwosambu ă bwadi, 28yei akamwangata mu biboko bienci, yi akatumbisa Ncembi ; yi akatôya ene, 29Fumu, nkyekyu utanalekyela musadi ebe bea biakadi diyi diebe, ayi polo ; 30bwalo bwamamona meso amene kipandilu kiebe, 31kiamalungika owe ku mpala a mabila moso ; 32obo a kiebexelu ndo kwebesa mabila, yi dikai dia bantu bebe ba Isalele. 33Yi tetena yi mamanci bakakamina maio akatôyebwa ku bwaio bwanci. 34Yi Ximeono akabalwangwasana, yi akatôyela Mali mamand ene, Mona, mwana you amatekyebwa bwalo bwa kupona yi bwalo bwa kwombuluka kwa bantu bangi mu Isalele ; yi ku kilayixilu kinatangolebwa ; 35(yi mwele unatubula isanga mucima ěbe) ; bixekwebexebwa nkanyi ya mu micima mingi.
36Yi mudimuxi akadiko a babakaxi, Ana, mwana a Fanwele, a bulungu bwa Axele, akalekola yi mbula bungi. Akadi amasala yi bayend mbula sambwali pôi ku buxika bwand, 37yi mikyend akakala mukasa a mufu pôi ku mbula masangi yenana yi mbula inai. Yei akadi kasoncuka ku tempelo, udi mu kusadila Ncembi yi ku butuku yi ku munyinya yi kundla kwa oidya ndlu yi ndombu kuiomba lomba. 38Yei lolo akalwa ku ola you akaxinga Ncembi, yi akatôya ku bwalo bwand kudi bantu boso bakakungila kipikudilu kia Yelusaleme.
39Yi pakadi bamamana bintu bioso bia bwadi bwa Fumu, bakapiñana ku Ngalili ku bula bwabo bwa Nasalete. 40Yi mwana akalunda, yi akasuba, akakwolubixibwa yi bwinu, yi lwoxixi lwa Ncembi lwakadi kulu kwand.
41Yi tetend yi mamanci bakaya ku mbula mwoso ku Yelusaleme ku kitula kia Kidikixilu. 42Yi pakadi yei udi yi mbula disangi yi ibidi pakaximunabo bea biakadi mwosambu ă kitula. 43Yi pakadi bamakukisa matuku a kitula, biakapiñanabo, Mwana Yisu akasala kunyuma mu Yelusaleme ; yi tetend yi mamand bakadi kaôasclubukwa. 44Mo bwalo bwakakwencabo ene, udi mu kibumbu kia bena lwendo, ndo bwakakwendabo lwendo lwa dituku dimodimwe ; yi bakamupalala mu bilungu biabo ; 45yi pakadi kabasomusañana, bakapiñana ku Yelusaleme, badi mu kumupalala. 46Yi kunyuma kwa matuku asatu kwakamusañanabo mu tempelo, uxikamini pakacikaci pa beyexi, utanabombwa yi utanabapangusa miapangusu. 47Yi bungi bwa bantu bakamwombwa bakakamina bwinu bwanci, yi meyi akapingasayi. 48Yi pakamumonabo bakakama kama ; yi mamanci akamutôyela ene, Mwana, kukai wamakwenca yinecu nako ? Mona, tetebe yi meme twamakupalala yi buxitu bungi. 49Yi akabambila ene, Nwamangupalala kukai ? Kanwalubukwa ene, kudi bwalo bwamene meme kwakala mu bintu bia Tetemi ? 50Yi bobo bakadi kabasolubukwa diyi diakabambilayi. 51Yi akapweka yinabo, yi akalwa ku Nasalete, yi akabedeya edeya. Yi mamanci akabumba malo aa moso mu mucima ănci. 52Yi Yisu akalunda yi bwinu yi bule yi lwoxixi ku mpala a Ncembi yi ku mpala a bantu.
Currently Selected:
LUKA 2: Luna_NT
Tõsta esile
Share
Copy
Want to have your highlights saved across all your devices? Sign up or sign in
© La Société biblique de Genève