LUKA 13
13
1KU kikondo kieki kwakadi bantu koku bakamwambila dia bena Ngalili, bakaputola Pilata maxi abo yi malongi abo mosa. 2Yi Yisu akabapingasa ene, Nonu nwencenca ene, bena Ngalili baba bakadika bena Ngalili boso yi kwona, bwalo bwakatatabo bintu bebi ? 3Nwatôyela ene, Kañana ; kate ndo nonu kanusodibela, nunafwa bungi bwenu mo nako. 4Yi bwalo bwa bantu baba disangi yi yenana, bakapona kitangi kia matafwadi kulu kwabo mu Siloama kiakabaxipa ; nonu nwencenca ene, bobo bakadika bantu boso bena mbata bakala mu Yelusaleme ? 5Nwatôyela ene, Kañana ; kate ndo nonu kanusodibela, nunafwa bungi bwenu mo nako.
6Yi akatôya mwele ou ene, Muntu akadi yi kikuyi kia maxika kiakai kunibwa mu klbidi kienci kia finyo ; yi akalwa palala mamoma kudikio, yi akadi kasoasañana pô. 7Yi akatôyela munami a kibidi kia finyo ene, Mona, mbula isatu ndo yinamalwa palala mamoma ku muci ou ă kikuyi, yi kisoasafiana pô ; uxindi ; ămalengola loboko kabidi kukai ?
8Kaninga yei akamupingasa ene, Fumu, ulekyeli mbula you kabidi binadima loboko padiu yi nakwela tufi ; yi ndo unakama mamoma, ndo beci ? 9Kaninga ndo kumoni, kunyuma unauxinda paxi.
10Yi akadi mu kweyesa mu kinga kixingidilu ku Sabado. 11Yi mona, mwamukaxi akadi yi kidimu kia bubombu mbula disangi yi mbula yenana, akalumbeyebwa kwe, yi akadi kasolubukwa kudisangola pô. 12Yi Yisu pakamumonayi akamubikila, yi akamutôyela ene, Mwamukaxi, wamalekyelebwa bubombu bwebe. 13Yi akabaka bianca bienci kulu kwand ; yi akaxombolebwa mangwoso yi akatumbisa Ncembi. 14Mo fumu a kidngidilu akadi yi bituku bwalo bwakapandisa Yisu ku Sabado, akapingasa yi akatôyela bantu ene, Matuku adiko asambomo axekisa bantu mudimo ; mbwôso nulwi pandixibwa ku matuku aa, yi kumoni ku dituku dia Sabado. 15Mo Fumu akamupingasa yi akatôya ene, Bena mancanga ; ki muntu mwoso udi yinenu amasula fiombi anci ku Sabado, ndo mpundu anci ku kidilu, kuya muxiya ku mai ? 16Ki lolo mwamukaxi you udi mwana a Abalami, amasuka Satana mbula yei disangi yi yenana, uxesudibwa musukilu ou ku dituku dia Sabado ? 17Yi pakatôyayi bintu bebi, bungi bwabo bakatanda yinanci bakaxipibwa bundu ; yi kimbukuma kincimancima kiakaxekyeleia bwalo bwa makisa a dikai akakwencebwa kudiyi.
18Mbwôso akatôya ene, Bufumu bwa Ncembi bwafwana kifiani ? Yi nakubwelekyesa yi luna kifiani ? 19Bulexi yi luna mutongu ă mutadi ăkangata muntu ăkakwelayi mu kibidi kienci ; yi ăkalunda yi ăkalwa muci munene ; yi nyonyi ya kulu yakaxikama ku matamba anci. 20Yi akatôya kabidi ene, Nakwelekyesa bufumu bwa Ncembi yi luna kiñani ? 21Bulexi yi kiolubixilu kiakangata mwamukaxi, kiakasokokayi mu ncedi isatu ya bukula biakakwolubixibwa bungi bwabu.
22Yi akatanga mala yi tula tubende, udi mu kweyesa bantu yi mu kwenda lwa Yelusaleme. 23Yi muntu akamwapangusa ene, Fumu, bantu bapandixibwa badi babende ? Mo yei akabatôyela ene, 24Nufwilafiani ndo kubwela mu mbelo mubende, bwalo bunwatôyela ene, Bantu bangi banapalala kubwela munda yi kabanalubukwa pô. 25Panakala fumu a ncibo amabika yi amancibika mbelo bu, yi nonu nunabanga kwemana kunci yi kukwakwala ku lukuki ene, Fumu utudipudili ; yi yei unapingasa, unanutôyela ene, Kinubiyi kunwapulwa ; 26mbwôso nonu nunabanga kutôya ene, Twakadya yi twakanwa ku mpala ebe, yi Owe wakakweyesa mu ncila yecu. 27Yi yei unatôya ene, Nwatôyela ene, Kinubiyi kunwapulwa ; nuncuki kundi bungi bwenu badi bakixi ba bubi. 28Koku kunakala bidilu yi kukuya kwa meno, panunamona Abalami yi Isaka yi Yakobo yi bungi bwa badimuxi mu bufumu bwa Ncembi, mo nonu mikyenu nwamatenyekyebwa kunci. 29Yi banalwa kulolwa munyinya yi kuyeya munyinya, yi ku Nôdo yi ku Sudu, yi banaxikama ku bidya mu bufumu bwa Ncembi. 30Yi mona, banga bena nyuma banakala ku buxi, yi banga bena buxi ku nyuma.
31Ku ola you kwakalwa banga baFalixi, bakamutôyela ene, Batuka, ncuka kunu, bwalo bwakyeba Elodo kukuxipa. 32Yi akabatôyela ene, Nuyi ambila mubwabwa ou ene, Mona, ngwapaula bidimu bibi, yi ngwancincidisa bantu masama abo lelo, yi mankyelo ; yi ku dituku diamusatu nakumana nya. 33Kaninga bwalo bwamene budi ndo kwenda lelo yi mankyelo yi mayipi, bwalo butabiyi mudimuxi kuncimina kunci kwa Yelusaleme. 34Yelusaleme, Yelusaleme, bula bwamaxipa badimuxi, yi bwamabelela bobo mabwe bamatumibwa kudibu, nxesangisa bana bebe matuku mangi, bea biasangisa ncolo bana banci muxi mwa bipambwi bienci, yi nonu nwakanyafiana. 35Mona, ncibo enu amanuxiyidibwa kanana ; yi nwatôyela ene, kanunangumona pô pôi kikondo kinunatôya ene, You atumbixibwi ulolwa mu dina dia Fumu.
Currently Selected:
LUKA 13: Luna_NT
Tõsta esile
Share
Copy
Want to have your highlights saved across all your devices? Sign up or sign in
© La Société biblique de Genève