YOANO 2
2
1KU dituku diamusatu kwakadi dibakwa ku Kana mu Ngalili, yi Yisu mamanci akadi koku. 2Yi Yisu akaswadibwa yi beyi banci ku bidya bia dibakwa. 3Yi pakasaka finyo, Yisu mamanci ndo akamwambila ene, Kabena yi finyo, 4Yisu akamwambila ene, Nkisi yinebe kai, mwamukaxi ? Ola amene kafikili. 5Mamanci akakwambila basadi ene, Kintu kioso kinanwambilayi, nonu nukienci. 6Koku lolo kwakakwemana mabungu manene a mabwe asombomo, luna biakusula kusula bena Yuda bintu yinao, alelekyela yi macwala ndo abidi ku dibungu ndo asatu. 7Yisu akabambila ene, Nwolubisi mabungu mai. Yi bakakwolubisa tô tô tô. 8Yi akabambila ene, Nusuni nkyekyu, nucwali kudi fumu a kidyaki. Yi bakacwala. 9Yi fumu a kidyaki, pakakikisayi mai akakulumunibwa ku finyo, yi akadi kasolubukwa kwakalwao, (kate basadi bakasuna mai bakalubukwa,) fumu a kidyaki akabikila mwangaci a dibakwa 10yi akamwambila ene, Muntu mwoso amateka finyo unengela buxi ; oka lolo bantu bamanwa loko, kunyuma finyo a kanana ; owe pako wamabumba finyo unengela pôi nkyekyu. 11Bubangabanga bobu bwa bilayixilu bienci ndo bwakakwenca Yisu ku Kana mu Ngalili, yi akakwebesa dikai dienci ; yi beyi banci bakamwetabuxila. 12Kunyuma kwakapwekayi ku Kapenaumu, yei yi mamanci yi bena kwanci yi beyi banci ; yi bakasala koku matuku atena mangi.
13Kidikixilu lolo kia bena Yuda kiakadi pepe, yi Yisu akaximuna ku Yelusaleme. 14Yi akasañana bantu mu tempelo badi mu kwodisa ñombi yi mikwakwa yi bimbenga, yi basumbanyi ba mpalata baxikamini momu ; 15yi akakwenca mwobangabanga ă mixinga, yi akatenyeka bungi bwabo mu tempelo, yi mikwakwa yi nombi ; yi akapangulula mpalata ya basumbanyi, yi akapudeya mesa yabo ; 16yi akatôyela bodixi ba bimbenga ene, Nunculi bintu bebi momu ; kanuteki ncibo a Tetemi ncibo a kisalu. 17Yi beyi banci bakakwela lukanyi mwakafundibwa ene, Mulukutu ă ncibo ebe ămangudya. 18Mbwôso bena Yuda bakakulumuna yi bakamwambila ene, Owe utwebesa kilayixilu kai ? bwalo bwakisa bintu bebi. 19Yisu akapingasa yi akabambila ene, Nuxipi tempelo you, yi nakumubisa kabidi ku matuku asatu. 20Bena Yuda bakatôya lolo, ene, Ku mbula masangi anai yi mbula isambomo ndo kwakakwabakibwa tempelo you, yi owe unamubisa ku matuku asatu ? 21Kaninga yei akatôya dia tempelo a mumbidi ănci. 22Mbwôso pakadi amabixibwa kudi bafu, beyi banci bakakwela lukanyi mwakatôyayi nako, yi bakakwetabusa mukanda ă Ncembi, yi diyi diakatôya Yisu.
23Pakadiyi lolo ku Yelusaleme ku Kidikixilu, ku kitula, bantu bangi bakakwetabuxila dina dienci, bamatebela bilayixilu bienci biakakwencayi. 24Kate Yisu mikyenci akadi kasobetabuxila bienci, bwalo bwakalubukwayi bantu boso, 25yi bwalo butakwabilayi muntu a kumutôbôlela dia muntu ; bwalo bwakalubukwayi mikyenci munda mwa muntu mudimu.
Currently Selected:
YOANO 2: Luna_NT
Tõsta esile
Share
Copy
Want to have your highlights saved across all your devices? Sign up or sign in
© La Société biblique de Genève