Matayi 1
1
Avanyenya va Yesu
1Ukalata wa luho lwa Yesu Chilisiti, umwana-Davidi, umwana-Abulahamu.
2UAbulahamu amupafilʼuYisikaka, uwenʼuYisikaka ahamupapʼuYakobu, uwenʼuYakobu ahamupapʼuYuda navamwavo, 3uwenʼuYuda ahamupapʼuPelezi nuSelaka mumushi uTamali, uwenʼuPelezi ahamupapʼuHezeloni, uwenʼuHezeloni ahamupapʼuAlamu, 4uwenʼuAlamu ahamupapʼuAminadabu, uwenʼuAminadabu ahamupapʼuNahasoni, uwenʼuNahasoni ahamupapʼuSalimoni, 5uwenʼuSalimoni ahamupapʼuBohasi mumushi uLahabu, uwenʼuBohasi ahamupapʼuObedi mumushi uLuti, uwenʼuObedi ahamupapʼuYisayi, 6uwenʼuYisayi ahamupapʼuDavidi umwene.
UwenʼuDavidi ahamupapʼuSolomoni mumuha Uliya, 7uwenʼuSolomoni ahamupapʼuLehobohamu, uwenʼuLehobohamu ahamupapʼuAbiya, uwenʼuAbiya ahamupapʼuAsa, 8uwenʼuAsa ahamupapʼuYosafati, uwenʼuYosafati ahamupapʼuYolamu, uwenʼuYolamu ahamupapʼuUziya, 9uwenʼuUziya ahamupapʼuYotamu, uwenʼuYotamu ahamupapʼuAhazi, uwenʼuAhazi ahamupapʼuHezekiya, 10uwenʼuHezekiya ahamupapʼuManase, uwenʼuManase ahamupapʼuAmoni, uwenʼuAmoni ahamupapʼuYosiya, 11uwenʼuYosiya ahamupapʼuYekoniya navamwavo pamwahʼula we vavasamizizye mu-Babeli.
12Ulwa pisinda lwe vavasamizizye mu-Babeli, pʼuYekoniya ahamupapʼuSalatiyeli, uwenʼuSalatiyeli ahamupapʼuZelubabeli, 13uwenʼuZelubabeli ahamupapʼuAbihudi, uwenʼuAbihudi ahamupapʼuEliyakimu, uwenʼuEliyakimu ahamupapʼuAzoli, 14uwenʼuAzoli ahamupapʼuZadoki, uwenʼuZadoki ahamupapʼuAkimu, uwenʼuAkimu ahamupapʼuElihudi, 15uwenʼuElihudi ahamupapʼuEliyazali, uwenʼuEliyazali ahamupapʼuMatani, uwenʼuMatani ahamupapʼuYakobu, 16uwenʼuYakobu 5 ahamupapʼuYosefu umulume wa Maliya, wʼamupafilʼuYesu wʼakwitwa ilya Chilisiti. 17Vonti lelo mwe vapwanilinkine muluho ukufuma pa-Abulahamu ukufiha pa-Davidi valʼishumi navane, havili ukufuma pa-Davidi ukufiha pala pe vavasamizizye mu-Babeli valʼishumi navane, havili ukufuma pala pe vavasamizizye mu-Babeli ukufiha pa-Chilisiti valʼishumi navane.
Ukupapwa kwa Yesu
Luk. 1,35.
18UkwenʼukupapwʼuYesu Chilisiti, shʼahonzizye vovulo. UwenʼuMaliya unyina lwʼamwimayʼuYosefu, lwʼashili nukupalamana nawo, pe vahagʼamwamile mumaha ga MupepʼuMufinjile. 19Uwene nyenʼuYosefu umulume wakwe shʼali mugolosu, she muhati ahati ntamupasyʼinsoni apazelu, pʼahasiva muhati ahati nkumutavula kukwilu. 20Ilelo lwʼakusiva zinizi vovulo pʼahitushilʼuhavizya wa Mwene akuti: Yosefu we mwana-Davidi, utogopaje ukusendʼuMaliya umushi waho, shʼamwamile mumaha ga MupepʼuMufinjile. 21Alipapʼumwanʼumwanaṿuli wʼulimupʼizina lya Yesu, shʼalivapohʼavantu vakwe kumalandu gavo. 22Zyonti zinizi lelo zihinza ukuti mwe zilunjihaje zizyo zyʼuMwenʼayanzile mumukuvwi wʼakuti: 23Yenya, umulindu alimwama, alipapʼumwanʼumwanaṿuli,
we valimupʼizina lya Imanweli,
lye likuti uMulungu ali naswe.
24UwenʼuYosefu lelo lwʼavusile mutulo, pʼahalandata zizyo zyʼamuhomelezizyʼuhavizya wa Mwene, ahasendʼumushi wakwe. 25Ahasitʼukumumanya suti ukufiha pʼahapapʼumwana wakwe umwanaṿuli wʼahamupʼizina lya Yesu.
Currently Selected:
Matayi 1: NYi1965
Tõsta esile
Share
Copy
Want to have your highlights saved across all your devices? Sign up or sign in
Nyiha New Testament © British and Foreign Bible Society, 1965.