TOWUNÖT 16
16
1Kitomönye kïyichï Saray pontenyi Apram monïng. Wölo kitïng työ nyo kingwïno koro Misri nyo kikuro Akar nyo kile chepö monïng. 2Kïlenchï Saray Apram, “Kiratanïn ECHOTYON nyo melö tosïkan ye monïng. Rïwö nko chepï pöghisyewanïn töptoy osïkonan monïng nyinte.” Kïcham Apram ngala Saray. 3Kïlenyona, kutö Saray Apram Akar chepay kingwïna Misri kïlïkwï chemïnïngwenyi.* Kikikïtöpö Apram koro Kanan könyis taman otini kighisyö ngalechoni. 4Kirï Apram nko Akar, kïsïkisyö. Akïtökïnyini lawel kisïwa lö kyosïkisyö, kïwechï kïkwol kegh akïsas Saray.
5Kïlenchï Saray Apram, “Nya kïlïkwï parakungu ghöyityö nyo kakighwanïn. Kyokoninyi chepï pöghisyewanïn, wölo otini kisïkï lö kyosïkisyö, kïwechï kïsasanïn. Nya kurwokwanïn ECHOTYON nko nyi lö ngo nyo tenate!”
6Wölo kïlenchï Apram Saray, “Sekeyontengu nyinte akïmi moriku. Ighchinö nyinte kïle wölini kemökenyi.” Kïlenyona, kunyaril kong Saray Akar ntökuperta.
7Kïtuyeghö malaykayanta ECHOTYON Akar ompö kö pö pögh nyo kimi surkwen ompö or nyo wetöy kutöngöy Syur. 8Kïtep malaykayantanay Akar lö, “Ingwïnonyi onö aiwetenyi onö?”
Kuyokyï Akar lö, “Orïponan wölo mi yonyan Saray.”
9Kïlenchï malaykayantanay, “Mïlena wölini mi nyinte aipöghisyechï ompö tölosyö.” 10Atolapay kïlö malaykayantanay, “Okoninyi monïng cho makïrar. 11Iyiyenyi monïng nyo le weri aikuronyi kaynenyi Ismael, ompöwölo kilïm ECHOTYON lokeko nyarïltangu. 12Wölo töpo werïngu le sïkïryö nyo körom ompö kwenu pich, poryegho nyinte pich löwïr, akïporyegho chi anka tïkwïl nyinte. Pesyot nyinte nko werkökwa löwïr.”
13Kïkurö Akar kaynata ECHOTYON nyini kingalan nko nyinte Tororöt nyo sïwïyi ompöwölo kinonchï kegh lö, “Kosöchan Tororöt yeteyi nyoman, Tororöt nyo sïwïyi akwanyï tochan satate?” 14Nka nyoni kuro pich kö pö pögh nyo mi kwenu Kades nko Pered, “Kö pö pögho Nyinte nyo Satate nyo Sïwïyanïn.”#16:14 Nyinte...Sïwïyanïn: Ompö Eprania kï, Peer Laay Roy.
15 #
Kal 4:22. Kïyichï Akar Apram worö, kïkurö Apram kaynenyi Ismael. 16Kitïng Apram könyis 86 otini kiyï Ismael.
Mutat nyo kilïkwï macheypa muma*
Currently Selected:
TOWUNÖT 16: PIPÏLIA
Tõsta esile
Share
Copy
Want to have your highlights saved across all your devices? Sign up or sign in
©Bible Society of Kenya, 2019