Jɛ́nɛ́sì 10
10
Nóàà nyúà-dyú deìn dúún ɓěɔ̀
1Nóàà dyú-gàà ɓě mɔ̀à Cɛ̃́ìn kè Hɛ̃́ìn kè Jéfɛ̀ kɛɛ nììn nyúà-dyú deìn dúún ɓě ɓɛ́ wa wóɖóìn ma, ti ɓɛ́ ní-tòɔ̀ ɖǎ ma dyi ziɛɛ, wa kɛà kɛ̀.
2Jéfɛ̀ nììn dyú ɓěɔ̀ kɛà kɛ̀: Gómɛ̀ kè Mágɔ̀ kè Máɖàì kè Jávã̀ kè Túɓàò kè Mɛ́sɛ̀ ɔ kè Tíwàɖàsì. 3Ké Gómɛ̀ nììn dyú ɓěɔ̀ kɛà kɛ̀: Ákànà kè Wíɖífà ɔ kè Tògámà. 4Ké Jávã̀ nììn dyú ɓěɔ̀ kɛà kɛ̀: Ɛ̀ɖísà kè Tásìà kè Kítììn ɔ kè Wóɖóɖàùn. 5Nyɔ ɓě nìà kɛ mɔ̀ nyɔ ɓě wa gbɛ̀ìn ma ɓóɖó-kpàɔ̀ kɔ̃in, ké wa cĩ́ dyóó ɓěɔ̀ wĩin nyɛ. Waà xwéɖé-dù kò-kò ɓě cĩ́ ma ɖé wa nììn ɓóɖó-dù kò-kò ɓě mú, ké wa po ma wuɖu-dù kò-kò ɓě.
6Hɛ̃́ìn nììn dyú ɓěɔ̀ kɛà kɛ̀: Kúsì kè Mìzánáì kè Pútì ɔ kè Kénà. 7Ké Kúsì nììn dyú ɓěɔ̀ kɛà kɛ̀: Sɛ́ɓà kè Hàvíɖà kè Sátà kè Wáɖáámà ɔ kè Sàtékà. Ké Wáɖáámà nììn dyú ɓěɔ̀ kɛà kɛ̀: Síɓà kè Dɛ́ɖàùn. 8Kúsì dyú-gàà ɓěɔ̀ ɖòɛ̀ nyɛ́nɛ́ mɔ̀ ma Níwɔ̀ɖɔ̀. Ɔ mɔ̀ ma to-vɔ̃-nyɔ̀ vɛ̀nɛ̀ ɖò ɓóɖó-kpàɔ̀ kɔ̃. 9Ké ɔ mɔ̀ ma xwáɖá-pa-nyɔ̀ vɛ̀nɛ̀ ɖò dyììn ɖé Bounɓoɔ̀ kpéɔ̀ mú. Ɔ jèɛɛ, wa poìn ɔ nyɔǔn dyí, ké wa ɖá, “Bounɓoɔ̀ mɛ nyu m̀ xwáɖá-pa-nyɔ̀ vɛ̀nɛ̀ mú kà Níwɔ̀ɖɔ̀ nìà kɛ.” 10Ké hwɔɖɔ vɛ̀nɛ̀ ɓě ɓɛ́ ɔ kɔ̃̀ ma wuɖuí kĩ́ín nyɛɛ mɔ̀ ma Báɓèɖɔ́ùn kè Ɛ́wɛ̀ɖɛ̀ kè Ákà ɔ kè Kánɛ̀. Hwɔɖɔ ɓě nìà kɛ nì ma ɖé Sínà-ɓòɖòɔ̀ kɔ̃. 11Sɔ̀ìn ɓóɛ gboɛɛ, ɔ mu ma ɖé Àsíwíɖíà-ɓòɖòɔ̀ kɔ̃, ké ɔ dè ma ɖé hwɔɖɔ vɛ̀nɛ̀ ɓě mɔ̀à Nínívà kè Wìɖìhóɓóì kè Káɖà 12ɔ kè Wɛ́ɖɛ́sɛ̃̀ìn kɛ. Wɛ́ɖɛ́sɛ̃̀ìn-hwɔ̀ɖɔ̀ɔ̀ nì ma ɓó Nínívà kè Káɖà-hwɔ̀ɖɔ̀ɔ̀ pṹa. Káɖà-hwɔ̀ɖɔ̀ɔ̀ mɔ̀ ma hwɔɖɔ vɛ̀nɛ̀, ké ɔ zi ma hwɔɖɔ séín ɓěɔ̀ dyí.
13Hɛ̃́ìn dyú-gààɔ̀ nyɔ mɔ̀à Mìzánáì kɛɛ wóɖóìn ma Ɖúɖì-nyɔ̀ ɓěɔ̀ kè Ànámì-nyɔ̀ ɓěɔ̀ kè Ɖɛ́hà-nyɔ̀ ɓěɔ̀ kè Náfù-nyɔ̀ ɓěɔ̀ 14kè Páfùɖù-nyɔ̀ ɓěɔ̀ kè Kásùɖù-nyɔ̀ ɓě kɔ̃̀ mú ɓɛ́ Féɖésìà-nyɔ̀ ɓěɔ̀ sɔ̀ ma kà kɛ ɔ kè Kátɔ̀-nyɔ̀ ɓěɔ̀.
15Ké Hɛ̃́ìn dyú-gààɔ̀ nyɔ mɔ̀à Kénà kɛɛ wóɖóìn ma Zíɖɔ̀ùn mɔ̀à ɔ nyíɔ́-dyùɔ̀ kɛ kè Hítì-nyɔ̀ ɓěɔ̀ 16kè Jɛ́ɓù-nyɔ̀ ɓěɔ̀ kè Ámɔ̀-nyɔ̀ ɓěɔ̀ kè Gígà-nyɔ̀ ɓěɔ̀ 17kè Hívì-nyɔ̀ ɓěɔ̀ kè Ákì-nyɔ̀ ɓěɔ̀ kè Sínì-nyɔ̀ ɓěɔ̀ 18kè Àváɖì-nyɔ̀ ɓěɔ̀ kè Zɛ́mà-nyɔ̀ ɓěɔ̀ ɔ kè Hámà-nyɔ̀ ɓěɔ̀. Sɔ̀ìn ɓóɛ gboɛɛ, Kénà-nyɔ̀ ɓěɔ̀ xwéɖé-dù ɓěɔ̀ gbɛ̀ìn ma dyi. 19Ké wa páɔ̀ sɔ̀ìn ma ɖé Zíɖɔ̀ùn-hwɔ̀ɖɔ̀ɔ̀ gbo, ké ɔ nyini ma ɖé Gázà-hwɔ̀ɖɔ̀ɔ̀ gbo. Gázà-hwɔ̀ɖɔ̀ɔ̀ nì hwìè muà ɖé Géwɔ̀ɖɔ̀-hwɔ̀ɖɔ̀ɔ̀ múɛɛ kɔ̃. Ké wa páɔ̀ nyini ma ɖé Ɖásà-hwɔ̀ɖɔ̀ɔ̀ gbo. Ɖásà-hwɔ̀ɖɔ̀ɔ̀ nì hwìè muà ɖé Sáɖɔ̀ùn kè Gòmɔ́ɖɔ̀ kè Àdámà ɔ kè Zɛ̀ɓódyììn-hwɔ̀ɖɔ̀ ɓěɔ̀ múɛɛ kɔ̃. 20Nyɔ ɓě nìà kɛ mɔ̀ ma Hɛ̃́ìn nyúà-dyú deìn dúún ɓěɔ̀. Waà xwéɖé-dù kò-kò ɓě cĩ́ ma ɖé wa nììn pá-dù kò-kò ɓě kè wa nììn ɓóɖó-dù kò-kò ɓěɔ̀ mú, ké wa po ma wuɖu-dù kò-kò ɓě.
21Cɛ̃́ìn mɔ̀ ma kà Jéfɛ̀ɛ̀ ɖíí-gàà vɛ̀nɛ̀, mɔ̀ ma kà Híìbúɖúù-nyɔ̀ ɓěɔ̀ nììn ɓǎ-ɓǎ sùà kɛɛ wóɖóìn ma dyú ɓě ɖekè. 22Cɛ̃́ìn nììn dyú ɓěɔ̀ kɛà kɛ̀: Éɖàùn kè Ásù kè Àfázà kè Ɖúɖì ɔ kè Áwàɖàùn. 23Ké Áwàɖàùn nììn dyú ɓěɔ̀ kɛà kɛ̀: Dyúzè kè Húò kè Géfɛ̀ ɔ kè Másì. 24Ké Àfázà wóɖóìn ma Séɖà, ké Séɖà wóɖóìn ma Éɓɛ̀. 25Ké Éɓɛ̀ wóɖóìn ma dyú sɔ̃́. Ɖòɛ̀ nyɛ́nɛ́ mɔ̀ ma Pɛ́ɖɛ̀ kɔ̃̀ xwíníín mɔ̀ mú-ge-ge kɛ, sepóɛɖé ɖé ɔ nììn tiɔ̀ mú, ɖéɛ̀ ɓóɖó-kpàɔ̀ nyɔ ɓěɔ̀ ge ma mú. Ké ɔ ɖíí-gààɔ̀ nyɛ́nɛ́ mɔ̀ ma Jɔ́tàùn. 26Ké Jɔ́tàùn wóɖóìn ma Ààmɔ́ɖà kè Sɛ́ɖɛ̀ kè Házàmávɛ̀ kè Jɛ́wàɖà 27kè Hàɖówàɖàùn kè Dyúzàò kè Díkàɖà 28kè Óɓàò kè Ábìmáè kè Síɓà 29kè Ófì kè Hàvíɖà ɔ kè Jóɓà. Nyɔ séín ɓěɛ̀ mɔ̀ ma Jɔ́tàùn dyú ɓěɔ̀. 30Pá kɔ̃̀ mú nyɔ ɓěɛ̀ cĩ́ ma kɛɛ sɔ̀ìn ma ɖé Mísà-hwɔ̀ɖɔ̀ɔ̀ gbo, ké ɔ mùìn ma ɖé Sɛ́fà-hwɔ̀ɖɔ̀ nìà ɖé toɖo-ɓòɖò hwɔà ɖé dyóɖó-xwáɖáún-wóɖóìn-naínɔ̀ dyíɛɛ gbo. 31Nyɔ ɓě nìà kɛ mɔ̀ ma Cɛ̃́ìn nyúà-dyú deìn dúún ɓěɔ̀. Waà xwéɖé-dù kò-kò ɓě cĩ́ ma ɖé wa nììn pá-dù kò-kò ɓě kè wa nììn ɓóɖó-dù kò-kò ɓěɔ̀ mú, ké wa po ma wuɖu-dù kò-kò ɓě.
32Kǎà Nóàà dyú ɓěɔ̀ xwéɖé-dù deìn dúún ɓěɔ̀ jè nyu ma nìɛ̀ ɖé waà ɓóɖó-dù kò-kò ɓěɔ̀ kɔ̃. Nyɔ séín ɓě gbɛ̀ìn ma ɓóɖó-kpàɔ̀ kɔ̃in ti ɓɛ́ ní-tòɔ̀ ɖǎ ma dyi ziɛɛ sɔ̀ìn ma ɖé nyɔ ɓěɛ̀ mú.
Currently Selected:
Jɛ́nɛ́sì 10: ƁB02
Tõsta esile
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.