Matayo 6
6
1Mi kolama ta ngale mi ko’oro amiki ta ole piri di mundia mise aii konoro: kadre nitini nga amiki Ata buna di dreka amise yokodo.
2Tandu nidise mi ko’o amiki tai kinikini di, mi kovo ngunga mi kandra ko, ngoro dia togo iri dii o tai sinagogona dii, latii ase dii tini, mundia kobaro utukufu aiiru. Ma ta amidre pati, Aii doki aiiki nga dre. 3Mi ko’o tai kinikini di, mi ko’o ami dreka liji dre di nile ko ado tai ya ami dreka drigulese dre ole di: 4ami tai kinikini di kadrero liaro: amiki Ata tai vo adea liaro di nolepi di kofe nga amidre.
5Dra mi dre ngozo Nzambe kandra di, mi kadre dia togo iri dii tini ko: aii dre lele adrele ngole Nzambe kandra sinagogona dii, latii dre rukusura’a dii mundia konoro aii. Ma ta amidre pati, Aii doki aiiki nga dre. 6Mi kongo Nzambe kandra di, mi koši ami jo adrelepi jona di lena, mi kase ami joti ka, mi kongo ami Ata adrelepi liaro didre, ami Ata tai vo adea liaro di nolepi di dre nga fezo amidre. 7Mi dre ngora’a Nzambe kandra, mi kota ta tako dia‐suru di tini ko: aii dreki tušule dise a koyi aiiki tai, aiiki tai tale bi diise. 8Tai nidise, mi kadre aii tini ko: amiki Ata buna di dre nile dridri dise, ado nga ya mi dre lele dise, mi dre ngora’a adi kandra di. 9Tandu nidise mi kongo Nzambe kandra ngoro nitini: Amaki Ata buna di, A koba ami ru lolo. 10Ami mataya kali. A ko’o vudri ngoro mi dre lele di tini, i dre ole buna di tini. 11Mi kofe amadre nga ñale di kitu nise. 12Mi kotiza ami mari ama drekase, ngoro mundia adrelepi amaki mari be ama dre tizale di tini. 13Mi kodri ama lizo vo dia litizo di lena ko, mi kopa ama teri konji anda drekase. 14Mì dre diaki takonji tizale dise di, amiki Ata buna di kotiza amikia indi. 15Mi dre diaki takonji tizazo ko di, amiki Ata buna di kotiza amiki ta konji ko indi.
16Tai azi be, mi koga nga ñale di re di, mi kadre ngoro dia togo iri dii tini mibale tizaro di be ko, aii dreki aiiki mibale ole adrele tani mundia mise ko dise, mundia konoro aii adre nga ñale ga re. Ma ta amidre pati, Aii doki aiiki nga dre. 17Mi, mi koga nga ñale di re di, mi koli ami dri dose, mi dre ami mibale jizo. 18Mundia konoro mi adre nga ñale di ga re ko, ami Ata adrelepi liaro di konoro: ami Ata tai vo adea liaro di nolepi di kofe nga midre.
19Mi kosu nga ru vudri amise ko, vo ambarapa dre nga ñazo di, kindri dre nga mbezo di, vo dia dre nga fuzo kuguzo di: 20mi kusu nga ru buna amise, vo ambarapa der nga ñazo di a ko, vo kindri dre nga mbezo di a ko, vo dia dre nga fuzo kuguzo di a ko: 21ami nga vo ni a mi dre lele di dre adrele dise ami togo kadre indi. 22Tala rumva adea mikisia e: tandu nidise ami mikisi kadre alo di ami rumva titi kadre ngadraro gale bi. 23Ami mikisia kadre konji di, ami rumva titi kadre tinimvaro gale bi. Tandu nidise ngadra adrelepi ami a di tinimva e di, tinimva a ni we angini ya! 24Dia alo kicoa adrele adremakandraro bwana iri diise teji ko: adi dre alo di lele ko dise, dre azina lezo di; adi dre trozo alo diru, dre azina voazo voavoa. Mi kicoa adrele adremakandra Nzambe adearo, adremakandra nga adearo indi ko. 25Tandu nidise ma ta amidre, Amiki togo ko’o ta kuku amiki lidrise ko, ado nga ya mi koña, ado nga ya mi komvu; amiki togo ko’o ta kuku amiki rumvase ko indi ado bongo ya mi kaso. Amba lidri nga ñale di ruse ko ya? Amba rumva bongo di ruse ko ya? 26Mi ko no aria bu adea, aii riki ngakisia ko, aii loaki laña ko, aii lutu nga kerona ko; amiki Ata buna di dre nga fezo aiidre ñale. Amba amiki lagi we aiikia di ruse ko ya? 27Dia angodi ya amiki ketona kicoa mbale ami drise kuru ta togo ozo kuku dise ya? 28Mi o ta kuku bongo asole dise adose ya? Mi kotusu ta fefo amvona di dre mbazo di ami lena; aii oki azi ko, aii jaki gotona faru ko: 29ma ta amidre teji Solomo, akodia utukufu titi be, adre asole bongose di ngoro aii di tini ko. 30Nzambe dre mbi amvona adrelepi andru tudru a ba furuna di asozo ngase nitini di, amba tai nidi i dre bongo fele amidre asole di ruse ko ya, A ami ta ka’ile ca di be? 31Amiki togo ko’o ta kuku ko, tara’a ki di, Ma koña ado nga ya? Ma komvu ado nga ya? Ma kaso ado bongo ya? 32Dia‐šuru dreki tai niiki ndale o̱ei dise; amiki Ata buna di, dre nile mi dre adrele nga niiki lele dise. 33Mi konda adini mataya e, adini ta ole piri di be, i dre ngae niiki fezo o̱ei amidre. 34Tandu nidise amiki togo ko’o ta kuku tai tudru diise ko: tai tudru diise ko’o tai kuku ai tandise. Takonji kitu alo dise kicoa kitu nadise.
Currently Selected:
Matayo 6: LOG
Tõsta esile
Share
Copy
Want to have your highlights saved across all your devices? Sign up or sign in
first printed by the British and Foreign Bible Society in 1924 and 1927.