ɛYohana Nikɔn ne phyik te seng ɛWee Yɛ
Nikɔn ne phyik te seng ɛWee Yɛ
Sɔng ɛnyi gha ne ɛ kɛ haa ɛwee yɛwoo wo kɛ mɔng rywɛɛk ɛbhɛ nɛ ndɔ yɛ nang, gbik ne iphɛ ɛlɛy, kɛ ne jung seng wu ɛYohana ne ɛ soye ɛNgɔn ne Tom, ɛhaa ne ɛYɛso gha i sim, ɛbhɛ ɛ kɛ haa ɛwee yɛwoo wo. Yɛɛn: 13.23; 19.26; 20.2; 21.7; 20. I wɛɛ te kɛ haa ɛwee yɛwoo wo ɛtsim ne ishay nzuwubɔ ɛnaras ne ifɛ iwii ɛtsim mɛ ne kɛ yɛk ɛYɛso ye.
Kɛ haa ɛwee ɛYohana wo te i tɔɔrek ɛli ne iBɔrɔk ne iBol ɛTaanggbey de, ne iphɛ sang ɛtum mo ne ɛgak ko kɛ teye ɛten ɛsii, ɛ shɛɛ ndɔ njwɛɛn niten nisii. ɛYɛso ɛbhɛ ɛ soyɛ ɛHaa ne phɔt njwɛɛn ne ɛTaanggbey kaa ku sim-mɛ, ɛbhɛ ne ɛ ta soye ɛKiriti ne ɛNgɔn ɛTaanggbey.
ɛWee ɛYohana wo kɛ tiil ibol ne iken ne inat de ne i sɛ lenɛ ne ìnang ne itin de ne ɛKiriti gha. iPhɛ kɛ tɔɔrek wɛsɛrɛk wu gbik ninaa nɛ nibhɛ kɛ ne nang ne itin nɛ wu ɛYɛso gha ɛbhɛ soye ɛnkiinɛ, ne itin de gbik ne iken, nibhɛ kɛ ne sɛ iphɔrɔt.
ɛNyi gha ne ɛ kɛ haa ɛwee yɛwoo wo kɛ mɔn ɛtomɛ ne ᐩizazurum nikɔn nɛ ninyi na i ku yɛɛ te ɛ mɛmɛ nibhɛ nɛ nikɔn na nɛ nibhɛ so ninaa ne ikabyik. Ɛ kɛ mɔn ɛtomɛ gha nɛ nikɔn na ɛlɛ: inɛn, ne ɛnu ne izuk, ne ɛnkiinɛ, ne ɛhon ɛnap, ne ikpam ɛnap pɛ ne ɛhaa ne ihyep ᐩigyol gbik ne ire.
Currently Selected:
ɛYohana Nikɔn ne phyik te seng ɛWee Yɛ: etxNT
Tõsta esile
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and
© the Nigeria Bible Translation Trust 2018
in cooperation with
iTen Language and Bible Translation Project