Daa 15
15
Lua bàa kua ń Ablaũo
1Bee gbɛa Dii yã'ò Ablaũɛ wɛpungu'ea guu à mɛ̀:
Ablaũ! Nsu to vĩa n kũo.
Mamɛ má n sɛngbao ũ,
n asea aɔ zɔ̃ɔ maamaaɛ.
2Ɔ̃ Ablaũ mɛ̀: Dii Lua, bɔ́ ńyɔ̃ ma gbai? Má nɛ vĩo. Ma bɛ tubiblena mɛ́ Damasi gbɛ̃́ Ɛliɛzɛɛ ũ. 3Lá ni ma gba nɛo, ma bɛ zĩkɛnapi mɛ́ a ma tubible. 4Ɔ̃ Dii òɛ̀: Aapi mɛ́ a n tubibleo. Nzĩa nɛ'ia mɛ́ a n tubible. 5Ɔ̃ à bɔ̀aanɔ bàasi à mɛ̀: Musu gwa ní saanaɔ nao, tó ńyɔ̃ fɔ̃́. Beewa ɔ̃ n buiɔ aaɔ dasi.#Lom 4.18; Hɛb 11.12 6À Dii naaikɛ̀, ɔ̃ Dii tò yã bɔ̀aanɔ na a naai pɔ a kɛ̀ yãi.#Lom 4.3; Gal 3.6; Zak 2.23 7A òɛ̀ lɔ: Mamɛ má Dii ũ, ma bɔnnɔ Ulu, Babiloni busuu, kɛ́ mà busuɛ bee kpama yãi. 8Ɔ̃ Ablaũ mɛ̀: Dii Lua, kpelewa máɔ dɔ̃ kɛ́ aɔ dɛ ma pɔ ũi? 9A wèwà à mɛ̀: Zununu wɛ̃̀ aaɔ̃ sɛ ń bleda wɛ̃̀ aaɔ̃o ń sãsa wɛ̃̀ aaɔ̃o ń felentɛ̃nao ń felenguuluo. 10Ɔ̃ à pɔpiɔ sɛ̀ pii à ń paapaa à ń zɔ̃ɛzɔ̃ɛ, ɔ̃ à ń kalɛkalɛ à ń aɛdɔ̀dɔkɔ̃wa, ãma i bãɔ paapaao. 11Kɛ́ yãamusuɔ mɔ̀ pɛ̀pɛ nɔ̀ɔpiɔwa, ɔ̃ Ablaũ ń yá.
12Kɛ́ ĩatɛ̃ lɛ́ gɛ̃ kpɛ́u, i Ablaũ kũ̀ gbãa, ɔ̃ gusia zɔ̃ɔ kùaala, a tò vĩa aà kũ̀. 13Ɔ̃ Dii òɛ̀: Ǹyɔ̃ dɔ̃ kɛ́ n buiɔ aaɔ dɛ nibɔɔ ũ busu pɔ dɛ ń pɔ ũo guu, aaiɔ zɔble we, wiɔ ĩadamá e wɛ̃̀ ɔaa pla.#Bɔa 1.1-14; Zĩn 7.6 14Ãma má yãkpalɛkɛ ń bui pɔ aalɛ zɔblenɛ́ɔ, n buiɔ aai bɔlɛ ń aizɛɛ zɔ̃ɔo.#Bɔa 12.40-41; Zĩn 7.7 15Mpi sɔ̃ ńyɔ̃ɔ aafiaɛ e ǹ gɛ ǹ zikũò, ní gbasa ǹ ta n deziɔ kĩi, wi n vĩ. 16N sɔ̃kpaɛɔ mɛ́ aa ɛa su la, asa Amɔleɔ duuna i pa yãao.
17Kɛ́ ĩatɛ̃ gɛ̃̀ kpɛ́u, gu sì, ɔ̃ Ablaũ è kĩna lɛ́ gɛ̃ nɔ̀ɔ pɔ a pàapaapiɔ zãnguo, àlɛ suɛlɛbɔ ń tɛvuao#Bɔa 3.2, 13.21, 19.18. 18Zĩ́ bee Dii mɛ̀ a bàa aɔ ku ń Ablaũo à mɛ̀: Má busuɛ bee kpa n buiɔwaɛ za Egipi zɛ́ swai e swa zɔ̃ɔ pɔ wì mɛ Uflatai, 19busu pɔ Keniɔ kuu ń Kenaziɔ ń Kamɔniɔ 20ń Hitiɔ ń Pɛliziɔ ń Lefaiɔ 21ń Amɔleɔ ń Kanaaɔ ń Giigasiɔ ń Yebusiɔ.
Currently Selected:
Daa 15: Boo2024
Tõsta esile
Share
Kopeeri
Want to have your highlights saved across all your devices? Sign up or sign in
Boko Bible © SIM International, 2024.