Slg 5:3-5

Ka *Piyer nda tsi mantsa: « Ari Hananiya, kabgawu kəl ká ka zlanaŋtá ŋuɗufa gha ta halaway, ka tsakalanatá wi ta Sulkum nda ghuɓa, ka ɗifanaghutá tseda tsa vwah skwap ka ya na? Ta kul skwaptá ka ná, ka ŋa gha a nzakwa ni ra? Tahula skwapta gha guli, ka ŋa gha a tseda ni guli ra? Waká ka kurata magatá skwi manda na na? ŋa mnduha a tsakalanata ka ta wi wu, ŋa Lazglafta, » kaʼa. Na mnata lu ta tsa gwaɗa ya, ka zləmbatá Hananiya, ka mtuta. Ka hlutá zləŋ ta inda gwal ta snaŋtá tsa skwi ya.