Popular Bible Verses from Luka 6

Share

Amupe amwe mulakapewa, mulakeelekelwa camweelwe mubotu, cishindaile, citikumune cizwile mwaa. Nkaambo ceelesho ncimweelekela bamwi, aze Leza ncaakaasebezha kumweelekela.”

Muntu mubotu ulaamba shibotu nshazobwele mu monzo wakwe, aze mubiyabi ulaamba shibiyabi shizwile mu monzo wakwe. Nkaambo mulomo ulaamba shizwile u monzo.”

Pele nombafwune ba shinkondonokwenu, ulimwi mubacitile kabotu. Amukweleteshe cakutalanjila kuzholelwa niciba comwi, ubulumbu bwenu bulakakomena, ulimwi mulakaba banakwe Leza Keemba Mutalabala. Nkaambo walo ngushimanga ukuli babo batalumba ubalifwini.

Amube bashiluse umbona Ushenu mbwaali shiluse.

“Mutabeteki, kwaamba amwe Leza atakamubeteki. Mutabici butongo muntu, kwaamba amwe Leza atakamubiki butongo. Amulekelele, amwe Leza ulakamulecelela.

“Pele ndaamwambila umwe noonse numuteelele ati, amubafwune ba shinkondonokwenu, amubacitile kabotu bamuswile, amubalonjezhe babo bamutuka, amubakombele bamupenzha.

Mbubona mbumuzanda kwaamba bantu bamucitile, amwe noombacitile mbubona.

Kuti muntu wakuuma kwitama, cinduluka akuume ukwitama limwi. Ulimwi na umwi wakunanga icanshi, umuleke abweze ucikobelo. Ubape boonse bakumbila kwako, wezo ubweza lubono lwako, umulecele ataluzhola pe.

“Ulimwi kwiina isamu ibotu lizhala micelo mibiyabi, niliba isamu ibiyabi lizhala micelo mibotu.

Nkaambo kufwumbwa isamu lilezhibwa kumicelo yalyo. Inkuzu tashicelwa ku mutubetube, musaansa toocelwa ku meya.