Popular Bible Verses from Simuluho 39

Share

Muñ'a Bupilo n'a babalela Josefa, a nz'a mu lukiseza lika kamukana. N'a ina mwa ndu ya mulen'a hae wa Muegepita.

Potifaro a beya lika za hae kamukana mwa pabalelo ya Josefa, mi n'a si na taba ni zona konji lico z'a n'a ca. Josefa n'a na ni siyemo se sinde, mi n'a li yo munde ni ka sifateho.

A mu eza muzamaisi wa mapantiti ba bañwi kaufela. A ba yena ya n'a na ni buikalabelo fa lika kamukana ze ne eziwa mwa tolongo.

Kiha s'a tamisa Josefa ni ku mu kenya mwa tolongo ko ne ba inanga mapantiti ba mulena, mi a ina moo. Kono Muñ'a Bupilo a babalela Josefa ka sishemo, mane mupolisa wa tolongo a ba a tabela Josefa hahulu.

Mwamulaho a nakonyana, musal'a mulen'a hae a kala ku talima Josefa ka takazo. A li, “Taha, u t'o fosa ni na.” A hana, mi a li ku yena, “Mulen'a ka u itatuzi mwa lika kamukana ze mwa ndu, kakuli na, ni teñi. U ni file maata a ku zamaisa z'a na ni zona kaufela. Ni na ni buikalabelo bo butuna mwa ndu mo, sina yena, mi ha ku na s'a ni hanisa, kwand'a hao, wena musal'a hae. Cwale se si ka ni ezisa nto ye maswe cwalo ki sifi, kuli ni be ni foseza Mulimu?”

Kono zazi le liñwi, Josefa h'a kena mwa ndu ku y'o sebeza, ne ku si na mutu ku ba ba ne ba sebezanga mwateñi. Musali yo kih'a t'o mu swala kwa baki, a li, “Taha, u t'o fosa ni na.” Kono a mu bolomoka, mi a matela kwande, a mu siya a nz'a swalelezi baki mwa mazoho.