Popular Bible Verses from Simuluho 37

Share

Zazi le liñwi Josefa a lola, mi a bulelela bahulwani ba hae ka tolo yeo. Kiha ba mu toya hahulu ku fita pili.

Isilaele n'a lata hahulu Josefa ku fita bahulwani ba hae kamukana, kakuli n'a mu pepezi mwa bucembele. A mu ezeza baki ye telele ye na ni mazoho.

Bahulwani ba hae ha ba bona kuli ndat'a bona n'a lata hahulu Josefa ku fita bona, ba toya munyan'a bona hahulu, mane ne ba palelwa ku bulela ni yena ka likute.

Josefa a lola hape, mi a bulelela bahulwani ba hae, a li, “Ni lolile tolo ye ñwi hape, mi ni boni lizazi ni kweli ni linaleli ze lishumi ka i liñwi li nze li ni showelela.”

Bahulwani ba Josefa ba mu shwela muna, kono ndat'ahe yena, n'a nz'a hupula ka taba yeo.

A li, “A mu utwe mo ni lolezi. Kamukan'a luna ne lu li mwa simu lu nze lu tamaka mañata a mabele. Cwale ñata ya ka ya zuha, ya ikemela hande. Mañata a mina a t'o i beya mwa sikwenda, a eza inge a showelela ñata ya ka.”

A mu itukise, lu mu bulaye, mi lu nepele situpu sa hae ku se siñwi sa liliba ze. Lu ka bulela kuli u bulailwe ki sibatana. Cwale lu ta bona ko li ta felela litolo za hae.”

Balekisi ba Mamidiani ha ba fita, bahulwani ba Josefa ba y'o mu zwisa mwa siliba, mi ba mu lekisa kwa Maishimaele muwaya-waya wa silivela o eza mashumi a mabeli. Mi Maishimaele bao ba ya ni yena kwa Egepita.

Ba nze ba bulelisana, ba li, “Ki kao kaloli, ka taha!

Ba mu bona a sa li kwahulenyana, a si ka ba sutelela kale. Ba lelisana ka yena, mi ba lumelelana ka ku mu bulaya.

A ekeza, a li, “Mu si ke mwa sulula mali. Mu mu nepele feela mwa siliba se, se si mwa naheñi, kono mu si ke mwa mu holofaza.” N'a bulela cwalo ka mulelo wa ku mu pilisa ni ku mu kutiseza ku ndat'ahe.