Popular Bible Verses from SAN LUCAS 23

Share

Co are otenchecrucificá xa Jesús jehe ndac̈ho: ―Padre, nchetjañehe xí tehe ixin noeha xa quehe tenchehe xa. Co cain xisoldado mé joantsje xa suerte para chjeyehe xa lonttoe Jesús.

Jesús ndac̈ho: ―Janha seguro rrindattjo que desde jai jaha osarihi conixin janha nttiha ngajni.

Cottimeja ndac̈ho xí mé ngain Jesús: ―Jesús, ẍaxaon na janha are soixin tsexinhi tsetonha.

Cottimeja Jesús coyao co ndac̈ho: ―Padre, ngá rá tsín espirituna. Co are jehe joexin ndac̈ho jihi, jehe ndavenhe.

Are ojoiji na ngain tti lugar que dinhi Nttalorojá Chojni, nttiha joinchecrucificá xa Jesús conixin jehe tti yó xichehe: ná xa ngain lado jian de Jesús, co iná xa ngain lado cjon.

Are inchin ngosine nchanho, cottimeja ndaconaxin xehe ngoixin ngataha nontte nttiha, co mé conc̈hjenhe hasta ní hora tsocjin. Nchanho ndaconaxin xehe, co tti manta que vettoa ngaxinhi tti nihngo icha importante ndavichjenga ngosinenxin manta.

Are vicon xicapitán romano ixin queẍén conhe, jehe xa ẍaon xa ngain Dios co ndac̈ho xa: ―Ján, ndoa xí jihi ẍonhi jianha jica xa ngattoxon con Dios.