Popular Bible Verses from San Mateo 15

Share

Tees de coz nu driib ruꞌ mbecy, ndeꞌ druuñ gashtal nañ lardooy. Orzeꞌ de coz zeꞌ ricy ñi nu rabag yu. Gun nañ lardoo dey druu shcab a̱ꞌ nap. Zeꞌ druu nu rut dey losaꞌy. Zeꞌ druu nu ral dey losaꞌy nu wanchelaay. Zeꞌ druu nu ral dey losaꞌy de lo la mod nu a̱ꞌ nap. Zeꞌ druu nu ricy dey gubaan. Zeꞌ druu nu rguu dey. Zeꞌ druu nu rnii dey rishcuen.

Ndeꞌ nu walab coz nu chuꞌ par ruꞌ mbecy gyicy ñi nu gabag yu, sinu coz nu driib ruꞌ dey, ndeꞌ gyicy ñi nu gabag yu ―nam.

De mbecy ii rzat dey ya̱ nu ruꞌ ziꞌl yu. Tees nañ lardoo dey ricy zet lagy yu lo̱. Se la la cyiiñ ñi nu driib zily dey ya̱ gun driib zily ton dey ya̱. Leey nu bloo ic mbecy, ndeꞌ ziꞌl rlyuu dey. Ni na Ñgyoozh lat de riidz ni Isaías ―na Jesucrisht.

Orzeꞌ Jesuuz nam rab mi biñ mñaa zeꞌ: ―¡Dzi ga fert ricy cup ru consuel lo̱! Na ya̱ gyicya̱ gal nu rlagy ru ―nam. Orzeꞌ laab or la zeꞌ byac fiñ nguzh nim.

Tees biñ mñaa zeꞌ bechaꞌm lo Jesuuz. Orzeꞌ gusu tib mi. Orzeꞌ nam: ―Jesuuz, blocyuub ya̱ ―nam. Orzeꞌ na gaꞌ Jesuuz: ―Walab seꞌñ nu loon gyishtily yaa de yu nguzh nin par nu neꞌn ñi lo che̱ꞌ ―nam. Orzeꞌ na biñ mñaa zeꞌ rab mi Jesuuz: ―Laab ni gal nu mniir. Tees mas de che̱ꞌ gac gow ma de coz nguzh nu gyet lag lo mez ni shuaan ma ―nam.