Popular Bible Verses from Luca 17

Share

Tawamhã Zezusi hã te aibâ ma tinha, ãne: — Hâiwi asa na, asõrõwa u aimorĩ da oto. A hã ma tô ĩzaze, te aipesezém na. Tahawa, ma tô aséptâ, ĩzazei wa.

Ãté, ã bâtâ na te za bâtâ bâ asada 're wasété za'ra wa'wa, asisãnawã norĩ hã. Ãté 7 na asada iwasétézé hã za. Tane nherẽ, tiwasété na aima siwẽ'õ da, apâ nasi atẽme simasisi wamhã, te za nasi tãma inha ãne: “Te ĩsina 'madâ'â õ di, ĩzada aiwasétézé hã.”

Tawamhã ma tô misi apâ mo Zezusihi u, tihâiba hã te te 'madâ'â wa. Ta hã samaritanu. 'Re ihâimana u'âsi mono ãma wata sina, te apâ mo, mreme 'rãihâ sina. Tawamhã Zezusihi u wisi wamhã, isahâpâ ma aime, hi'rãtitõ. Te te ipesezém na te ãma tiwata, aibâ hã.

Tahawa, te za 'râwi asina 're asõpré wa'aba mo, 're anomro wẽ wa'aba mono zéb zô. Ãté asisãnawã hã te za asada 're wasété za'ra wa'wa. Ãne wamhã, aimreme wẽ na, te za tãma 're iroti za'ra wa'aba mo, asada 're wasété za'ra wa'aba mono tõ da. Tiwasété na aima 're siwẽ'õ za'ra wa'aba mono wamhã, te za tãma 're inharĩ za'ra wa'aba mo, ãne: “Te ĩsina 'madâ'â õ di, ĩzada aiwasétézé hã.” Ãne te za tãma 're inharĩ za'ra wa'aba mo.

Tahawa, te Zezusi hã tinha, ãne: — Aibâ hã 10 na ihâiba za'ra hã, wa tô pese za'ra. E mahãta aibâ norĩ hã, 9 na ihâiba za'ra hã.

Tahawa, te Zezusi hã asa tãma ãma romnhimiré'é za'ra, ãne: — Mostada nhamare hã surure nherẽ, da te 're wa, oto poto wamhã, wede za'ẽtẽ uptabi di. Tane, a norĩ wa'wa hã asina 're ĩ'umnhasi za'ra wa'aba mono zé hã, surure na nherẽ, aima 're hâimana za'ra wa'aba mono wamhã, te aré figuera wede ma inharĩ za'ra wa'wa, ãne: “Ma'ãpé asi'uihâ na asisa'o'o, â 're, asi'uihâ na asi're da.” Tawamhã te aré asadawa zamarĩ za'ra wa'wa, figuera wede hã.

Ni'wam norĩ hã si'uihâ na tihâimanazép si te te sima 're sawi za'ra mono wamhã, rowẽ isi'utõrĩ'õ hã te te sina 're uwaimrami za'ra mono õ di za. Ni'wam norĩ hã ĩzarina 're nomro mono da, 're sihâiba zawi za'ra mono õ wapsi, te za te te sina 're uwaimrami za'ra, rowẽ hã.

Tawamhã Zezusi te tãma nharĩ za'ra, tisiré 're inomro mono norĩ ma, ãne: — Ãté ni'wa simiroti zarina, te za ni'wam norĩ hã 're hâimana wasété za'ra. Tawamhã roti wasété'wai ma, 're ropipa za'ra mono di za. Ãhãta, ai'uté norĩ. Ãté, ni'wa simiroti zarina, te za ai'uté hã 're 'maihâimana wasété. Tawamhã tãma iroti wasété'wai ma, 're ropipa mono di za. Ibutu na ẽtẽ tõmo wawẽ hã da te ãma wasisi pari, dâ'â da, âi ba da te mei wamhã, tãma ropipa di, tãma iroti wasété 'wai ma hã. Tane nherẽ, isimiroti wasété zarina, ai'uté te te ĩrẽme wamhã, taha nhipai u hã tãma ropipa uptabi di za, roti wasété'wai ma hã.

Tawamhã sô 're idanhimipari za'ra mono õ zém na, te za wei mo apâ. Apâ we imorĩzéb u hã Nowé 're hâimana mono ré, 're idahâimana za'ra mono ne, te za 're dahâimana za'ra za. Ta norĩ hã daré âpusi mono õ ré hã, ma tô simiza'rese ãna tisa te te 're huri, rowẽ na 're nomro u'âsi mono da newa. Simiza'rese ãna te duré te te 're âhuri. Rowẽ na te duré sina 're mro za'ra. Ãne, 're idahâimana za'ra mono zé hã, Nowé hã 'ri ne 'manharĩ 're, sébré õ ré. Sébré parip si, ma tô oto tã hã we tita'a. Ti'ai hawib zama, ma â pu'u. Tahawa, ma uburé â na dasi'utõrĩ.