Popular Bible Verses from Mateo 27

Share

Hinaqtinmi yaqaña kinsa horas tarde kashaqtin, Jesusqa altota qaparispa, khaynata niran: —Elí, Elí ¿lama sabactani? nispa. Kay rimayqa khayna ninanmi: “¡Diosnilláy, Diosnilláy! ¿Imanaqtintaq sapallaytari saqerullawankí?” nispa.

Chaymi chay ratollapitaq, Jerusalén templo ukhupi rakiq cortinapas kushkanmanta llik'ikuran altonmanta urayman. Saynallataqmi kay pachapipas terremoto pasaqtin, qaqakunapas partikuran. Saynallataqmi panteonpi sepulturakunapas kicharikuran. Hinaqtinmi Diospi ashka creeq ñawpaq tiempokunapi wañuq runakunapas kawsarimuranku.

Hinaqtinmi Jesusqa kaqmanta altota qaparispa, chay ratolla wañuran.

Jesús cruzpi wañuruqtinmi, soldadokunapa jefenqa, wakin soldadonkunapiwan Jesusta cuidasharanku. Paykunan chay ratopi terremoto pasaqtin, hinallataq chaypi tukuy imakuna pasasqanta rikuranku. Hinaspan anchata mancharikuspanku, khaynata niranku: —¡Cheqaqtapunin kay runaqa Diospa Wawan kasqa! nispanku.

Jesuspa wañusqan p'unchawmi inti tutayaran chawpi p'unchawmantapacha asta kinsa horas tardekama.

Hinaqtinmi Poncio Pilatoqa yapamanta paykunata tapuran: —Sayna kaqtinqa, ¿imatataq ruwasaq kay Diosmanta Hamuq Cristowan sutichasqaykichis Jesustarí? nispa. Paykunañataqmi llapallanku contestaranku khaynata: —¡Cruzpi chakatasqa kachun! nispanku. Hinaqtinmi gobernador Poncio Pilatoqa yapamanta llaqta runakunata tapuran: —Niwaychisyá. Kay runari, ¿ima mana allintataq ruwaruran? nispa. Saynata niqtinmi, llapallan runakunaqa aswan más altotaraq qaparispa niranku: —¡Chay runaqa cruzpi chakatasqa wañuchun! nispanku.