Popular Bible Verses from Juan 19

Share

Xi ttzꞌubꞌin, ex tqꞌma: Ma japin bꞌaj kykyaqilx jaꞌlin. Tzaj tmutxbꞌiꞌn twiꞌ, ex bꞌeꞌx el kyim.

Tbꞌajlinxiꞌ ikyjo, xi tqꞌmaꞌn Jesús: At kꞌwaj wiꞌja. Xi tqꞌmaꞌn ikyjo tuꞌntzin tjapin bꞌajjo tzꞌibꞌin toj Tuꞌjil Tyol Dios, quꞌn bꞌiꞌntaq tuꞌn qa il tiꞌj tuꞌn tjapin bꞌajjo tkyaqil otaq tqꞌma Dios.

Tej tok tkaꞌyin Jesús tnana waꞌltaq junx wukꞌiy, a ayiꞌn jun t-xnaqꞌtzbꞌin, a kꞌuꞌjlinxixtaq tuꞌn, xi tqꞌmaꞌn te tnana: Qya, atzin jaꞌlin, ma tzꞌokjo luꞌn te tala. Ex ikyxjo tzaj tqꞌmaꞌnl weꞌy: Ajo qya lo ma tzꞌok te tnaniy. Ex atxixsiꞌn, bꞌeꞌx tzaj nkꞌmoꞌn tnana toj njaꞌy tuꞌn tok nkaꞌyiꞌn.

Me atzaj teꞌ kyxi laqꞌe tkꞌatz Jesús, ok kykaꞌyin qa otaq tzꞌel kyim. Tuꞌnpetziꞌn, mix oke kywaqꞌine tkux Jesús. Me atzin jun xoꞌl qꞌaqꞌ jun paqx okx t-xyuꞌn toj t-xukꞌ Jesús tukꞌa jun tbꞌujbꞌil, chꞌut twiꞌ, ex jun paqx, etz ulbꞌin chikyꞌ tukꞌa aꞌ toj.

Tkyaqiljo lo o bꞌaj, noqx tuꞌn tjapin bꞌaj tkyaqiljo ntqꞌmaꞌn Tuꞌjil Tyol Dios kyjaluꞌn: Ntiꞌx jun tbꞌaqil tuꞌn tok waqꞌit. Ex toj juntl tnej Tuꞌjil Tyol Dios ntqꞌmaꞌn: K-okil kykaꞌyiꞌn aj tok kyxyuꞌn.

Ex bꞌeꞌxsin etz kyiꞌn Jesús iqin tcruz, tuꞌn tkanin toj jun tal txꞌotxꞌ, a Tbꞌaqil twiꞌ kyimnin tbꞌi, a Gólgota tbꞌi toj kyyol aj Judiy.

Ayetziꞌn xoꞌl qꞌaqꞌ kubꞌ kyxpatxꞌiꞌn txꞌiꞌx, ex jax kyqꞌoꞌn toj twiꞌ Jesús tzeꞌnku jun toj twiꞌ nmaq kawil. Ex ok kyktxuꞌn tukꞌa jun xbꞌalin kyaq kaꞌyin, tzeꞌnkuxjo kye nmaq kawil, me noq te xmaybꞌil tiꞌj.