Popular Bible Verses from Kybꞌinchbꞌin 2

Share

Xi ttzaqꞌwin Pegr: Kux chi meltzꞌaja, ex kytxꞌixpinks kynabꞌla, tuꞌn kybꞌeta toj tumil twutz Dios, ex kux chi kuꞌxa toj aꞌ, te jawsbꞌil aꞌ teyile junjun tiꞌj tbꞌi Jesucrist, tuꞌntzin tkubꞌ najsin kyila tuꞌn qMan, ex tuꞌn ttzaj qꞌoꞌn Xewbꞌaj Xjan kyeꞌy.

Kykyaqilxix qꞌiꞌntaq kyibꞌ tuꞌn tkubꞌ bꞌinchitjo kyyol tsanjil. Ex nkymojin kyibꞌ kyxolilex, i naꞌn Dios, ex ok kychmoꞌn kyibꞌ tuꞌn tkubꞌ ikyꞌsitjo Xjan Wabꞌj.

Ex kykyaqil kux nojsin kyanmin tuꞌn Xewbꞌaj Xjan, ex i ok ten yolil, me toj junxil yol, tzeꞌnku tqꞌma Xewbꞌaj Xjan.

Noq kynaꞌbꞌinkuxi tqꞌajqꞌojil jun tiꞌ tzaj toj kyaꞌj nyakuj tzeꞌn nim kyqꞌiqꞌ, ex kubꞌ noj tuja, jaꞌ iteꞌtaq. Ex kyli jun techil tzeꞌnku taqꞌ qꞌaqꞌ njulin tibꞌaj junjunkye. Ex kykyaqil kux nojsin kyanmin tuꞌn Xewbꞌaj Xjan, ex i ok ten yolil, me toj junxil yol, tzeꞌnku tqꞌma Xewbꞌaj Xjan.

Tkyaqil qꞌij n-ok kychmoꞌntaq kyibꞌ toj tnejil ja te naꞌbꞌl Dios. Ex tojile kyja, jaꞌ nkubꞌe ikyꞌsittaqjo Xjan Wabꞌj, ex tuꞌn kywaꞌn junx tukꞌa tzaljbꞌil ex tmutxbꞌil kyanmin. Nchi nimsintaq tbꞌi qMan Dios, ex noq tuꞌn nbꞌanttaq kyuꞌn, bꞌaꞌn ele twutz tkyaqilx xjal. Tkyaqil qꞌij nchi nimintaq txqantl xjal tuꞌn qMan Dios. Tuꞌntziꞌn ikyjo, nchmetiktaq kybꞌaj.

Chi Diosjo kyjaluꞌn: Aj kyxi xkye qꞌij te chꞌixtaq tuꞌn nkaniꞌn, kxel nqꞌoꞌn Xewbꞌaj Xjan tibꞌaj tkyaqil xjal. Ok chi yolil kykꞌwala txin ex qꞌa wiꞌja. Ok k-elil kyeꞌ kuꞌxin qꞌa kynikyꞌ tiꞌjjo kbꞌantil tuꞌn Dios. Ex ok k-okil kywutzikyꞌjo ichin, a ma chi tijin, tuꞌn Dios, tiꞌjjo kbꞌajil.

Ayeꞌ otaq chi nimin chmoꞌnxixtaq kyibꞌ junx, ex kubꞌ kypaꞌn jniꞌ at kye kyxolilex. Xi kykꞌayin kytxꞌotxꞌ ex tkyaqiljo attaq kye, ex kubꞌ kypaꞌn kypwaq kyxolilex, tzeꞌnkuxjo, a attaq tajbꞌin kye.

Me ayetzin kyeꞌ kꞌwel kynimiꞌn Tyol qAjaw, ok chi kletil kyeꞌ.

Atzin twutz kyaꞌj, ok k-okil naj tqan qꞌij, ex k-elil kyaqix twutz yaye, ikyx tzeꞌnku chikyꞌ; chꞌixtaqtzin tul kanin qꞌij te tulil juntl majl qAjaw. Nimx tokliꞌn qꞌij anetziꞌn te bꞌisbꞌajil, ex ok kqoptzꞌajil tipin Dios.